Aṇguttara Nikāya
Pañcaka-Nipāta
XVIII. Upāsaka Vaggo
Sutta 180
Gavesī Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][than] Sāvatthi nidānaṃ|| ||
Ekaṃ samayaṃ Bhagavā Kosalesu cārikaṃ carati mahatā bhikkhu-saṇghena saddhiṃ.|| ||
Addasā kho Bhagavā addhāna-magga-paṭipanno aññatarasmiṃ padese mahantaṃ sāla-vanaṃ||
disvā maggā okkamma yena taṃ sāla-vanaṃ ten'upasaṇkami.|| ||
Upasaṇkamitvā taṃ sāla-vanaṃ ajjhoga-hetvā aññatarasmiṃ padese sitaṃ pātvākāsi.|| ||
Atha kho āyasmato Ānandassa etad ahosi:|| ||
"Ko nu kho hetu||
ko paccayo||
Bhagavato sitassa pātu-kammāya?|| ||
Na akāraṇena Tathāgatā sitaṃ pātu-karontī" ti.|| ||
Atha kho āyasmā Ānando [215] Bhagavantaṃ etad avoca:|| ||
"Ko nu kho bhante hetu||
ko paccayo||
Bhagavato sitassa pātu-kammāya?|| ||
Na akāraṇena Tathāgatā sitaṃ pātu-karontī" ti.|| ||
2. Bhuta-pubbaṃ Ānanda imasmiṃ padese nagaraṃ ahosi iddhañ c'eva phītañ ca bahu-janaṃ ākiṇṇa-manussaṃ.|| ||
Taṃ kho pan'Ānanda, nagaraṃ Kassapo,||
Bhagavā,||
arahaṃ,||
Sammā Sambuddhho,||
upanissāya vihāsi.|| ||
Kassapassa kho pan'Ānanda,||
Bhagavato,||
arahato,||
Sammā Sambuddhhassa,||
Gavesī nāma upāsako ahosi sīlesu aparipūra-kārī.|| ||
Gavesinā kho Ānanda, upāsakena pañca-mattāni upāsaka-satāni paṭidesitāni samāda-pitāni ahesuṃ sīlesu aparipūra-kārino.|| ||
Atha kho Ānanda Gavesissa upāsakassa etad ahosi:|| ||
"Ahaṃ kho imesaṃ pañcannaṃ upāsaka-satānaṃ bah'ūpakāro pubbaṇ-gamo sam-ā-dapetā||
ahañ c'amhi sīlesu aparipūra-kārī||
imāni ca pañca upāsaka-satāni sīlesu aparipūra-kārino.|| ||
Icc'etaṃ samasamaṃ,||
n'atthi kiñci atirekaṃ.|| ||
Handāhaṃ atirekāyā" ti.|| ||
Atha kho Ānanda, Gavesī upāsako yena tāni pañca upāsaka-satāni ten'upasaṇkami.|| ||
Upasaṇkamitvā tāni pañca upasakasatāni etad avoca:|| ||
"Ajja-t-agge maṃ āyasmanto sīlesu paripūra-kāriṃ dhārethā" ti.|| ||
Atha kho Ānanda,||
tesaṃ pañcannaṃ upāsaka-satānaṃ etad ahosi:|| ||
"Ayyo kho Gavesī amhākaṃ bah'ūpakāro pubbaṇ-gamo sam-ā-dapetā,||
ayyo hi nāma Gavesī sīlesu paripūra-kārī bhavissati||
kimaṇga pana mayan" ti.|| ||
Atha kho Ānanda,||
tāni pañca upāsaka-satāni yena Gavesī upāsako ten'upasaṇkamiṃsu.|| ||
Upasaṇkamitvā Gavesiṃ upāsakaṃ etad avocuṃ:|| ||
"Ajja-t-agge ayyo Gavesī,||
imāni pañca upāsaka-satāni sīlesu paripūra-kārino dhāretu" ti.|| ||
Atha kho Ānanda,||
Gavesissa upāsakassa etad ahosi:|| ||
"Ahaṃ kho imesaṃ pañcannaṃ upāsaka-satānaṃ bah'ūpakāro pubbaṇ-gamo sam-ā-dapetā||
ahañ c'amhi sīlesu paripūra-kāri||
imāni ca pañca upāsaka-satāni sīlesu [216] paripūra-kārino.|| ||
Icc'etaṃ samasamaṃ,||
n'atthi kiñci atirekaṃ.|| ||
Handāhaṃ atirekāyā" ti.|| ||
Atha kho Ānanda Gavesī upāsako yena tāni pañca upāsaka-satāni ten'upasaṇkami.|| ||
Upasaṇkamitvā tāni pañca upāsaka-satāni etad avoca:|| ||
"Ajja-t-agge maṃ ayasmanto brahma-cāriṃ dhāretha ārā-cārīṃ virataṃ methunā gāma-dhammā" ti.|| ||
Atha kho Ānanda,||
tesaṃ pañcannaṃ upāsaka-satānaṃ etad ahosi:|| ||
"Ayyo kho Gavesī amhākaṃ bah'ūpakāro pubbaṇ-gamo sam-ā-dapetā||
ayyo hi nāma Gavesī brahma-cāri bhavissati||
ārā-cārī virato methunā gāma-dhammā,||
kimaṇga pana na mayan" ti.|| ||
Atha kho Ānanda,||
tāni pañca upāsaka-satāni yena Gavesī upāsako ten'upasaṇkamisuṃ.|| ||
Upasaṇkamitvā Gavesiṃ upāsakaṃ etad avocuṃ:|| ||
"Ajja-t-agge ayyo Gavesī||
imāni pi pañca upāsaka-satāni brahma-cārino dhāretu ārā-cārīno viratā methunā gāma-dhammā" ti.|| ||
Atha kho Ānanda,||
Gavesissa upāsakassa etad ahosi:|| ||
"Ahaṃ kho imesaṃ pañcannaṃ upāsaka-satānaṃ bah'ūpakāro pubbaṇgamo sam-ā-dapetā||
ahañ c'amhi sīlesu paripūra-kāri||
imāni ca pañca upāsaka-satāni sīlesu paripūra-kārino||
ahañ c'amhi brahma-cārī ārā-cārī virato methunā gāma dhammā||
imāni ca pañca upāsaka-satāni brahma-cārino ārā-cārīno viratā methunā gāma-dhmamā.|| ||
Icc'etaṃ samasamaṃ,||
n'atthi kiñci atirekaṃ.|| ||
Handāhaṃ atirekāyā' ti.|| ||
Atha kho Ānanda,||
Gavesī upāsako yena tāni pañca upāsaka-satāni ten'upasaṇkami.|| ||
Upasaṇkamitvā tāni pañca upāsaka-satāni etad avoca:|| ||
"Ajja-t-agge maṃ āyasmanto eka-bhattikaṃ dhāretha ratt'ūparataṃ virataṃ vikāla-bhojanā' ti.|| ||
Atha kho Ānanda,||
tesaṃ pañcannaṃ upāsaka-satānaṃ etad ahosi:|| ||
"Ayyo kho Gavesī amhākaṃ bah'ūpakāro pubbaṇ-gamo sam-ā-dapetā||
ayyo hi nāma Gavesī eka-bhattiko bhavissati ratt'ūparato virato vikāla-bhojanā||
kimaṇga pana na mayaṃ" ti.|| ||
Atha kho Ānanda,||
tāni pañca upāsaka-satāni yena Gavesī upāsako ten'upasaṇkamisuṃ.|| ||
Upasaṇkamitvā Gavesiṃ upāsakaṃ [217] etad avocuṃ:|| ||
"Ajja-t-agge ayyo Gavesī imāni pañca upāsaka-satāni eka-bhattike dhāretu ratt'ūparate virate vikāla-bhojanā" ti.|| ||
Atha kho Ānanda,||
Gavesissa upāsakassa etad ahosi:|| ||
"Ahaṃ kho imesaṃ pañcannaṃ upāsaka-satānaṃ bah'ūpakāro pubbaṇ-gamo sam-ā-dapetā||
ahañ c'amhi sīlesu paripūra-kārī,||
imāni pi pañca upāsaka-satāni sīlesu paripūra-kārino||
ahañ c'amhi brahma-cāri ārā-cārī virato methunā gāma-dhammā||
imāni pi pañca upāsaka-satāni brahma-cārino ārā-cārīno viratā methunā gāma-dhmamā,||
ahañ c'amhi eka-bhattiko ratt'ūparato virato vikāla-bhojanā,||
imāni pi pañca upāsaka-satāni eka-bhattikā ratt'ūparatā viratā vikāla-bhojanā.|| ||
Icc'etaṃ samasamaṃ,||
n'atthi kiñci atirekaṃ.|| ||
Handāhaṃ atirekāyā' ti.|| ||
Atha kho Ānanda,||
Gavesī upāsako yena Kassapo Bhagavā arahaṃ Sammā Sambuddho ten'upasaṇkami.|| ||
Upasaṇkamitvā Kassapaṃ Bhagavantaṃ Arahantaṃ Sammā Sambuddhaṃ etad avoca:|| ||
"Labheyyāhaṃ bhante, Bhagavato,||
santike pabbajjaṃ,||
labheyyaṃ upasampadaṃ" ti.|| ||
Alattha kho Ānanda,||
Gavesī upāsako Kassapassa||
Bhagavato||
arahato||
Sammā Sambuddhassa||
santike pabbajjaṃ alattha upasampadaṃ.|| ||
Acir'ūpasampanno kho pan'Ānanda,||
Gavesī bhikkhū eko vūpakaṭṭho appamatto ātāpī pahit'atto viharanto na cirass'eva yass'atthāya kula-puttā samma-d-eva agārasmā anagāriyaṃ pabbajanti,||
tad anuttaraṃ Brahma-cariya-pariyosānaṃ diṭṭhe'va dhamme sayaṃ abhiññā sacchi-katvā upasampajja vihāsi.|| ||
"Khīṇā jāti,||
vusitaṃ Brahma-cariyaṃ,||
kataṃ karaṇiyaṃ,||
nāparaṃ itthattāyā" ti abbhaññāsi.|| ||
Aññataro ca pan'Ānanda,||
Gavesī bhikkhu arahataṃ ahosi.|| ||
Atha kho Ānanda,||
tesaṃ pañcannaṃ upāsaka-satānaṃ etad ahosi:|| ||
"Ayyo kho Gavesī amhākaṃ bah'ūpakāro pubbaṇ-gamo sam-ā-dapetā.|| ||
Ayyo hi nāma Gavesī kesa-massuṃ ohāretvā kāsāyāni vatthāni acchādetvā agārasmā anagāriyaṃ pabbajissati||
kimaṇga pana na mayaṃ" ti.|| ||
Atha kho Ānanda,||
tāni pañca upāsaka-satāni yena Kassapo||
Bhagavā||
arahaṃ||
Sammā Sambuddho ten' [218] upasaṇkamisuṃ.|| ||
Upasaṇkamitvā Kassapaṃ Bhagavantaṃ Arahantaṃ||
Sammā Sambuddhaṃ etad avocuṃ:|| ||
Labheyyāma mayaṃ bhante,||
Bhagavato santike pabbajjaṃ,||
labheyyāma upasampadaṃ" ti.|| ||
Alabhiṃsu kho Ānanda,||
tāni pañca upāsaka-satāni Kassapassa||
Bhagavato||
arahato||
Sammā Sambuddhassa santike pabbajjaṃ,||
alabhiṃsu upasampadaṃ.|| ||
Atha kho Ānanda Gavesissa bhikkhuno etad ahosi:|| ||
"Ahaṃ kho imassa anuttarassa vimutti-sukhassa nikāma-lābhī akiccha-lābhī akasira-lābhī.|| ||
Aho vat'imāni pi pañca bhikkhu-satāni imassa anuttrassa vimutti-sukhassa nikāma-lābhino assu akiccha-lābhino akasira-lābhino' ti.|| ||
Atha kho Ānanda,||
tāni pañca bhikkhu-satāni vūpakaṭṭhā appamattā ātāpino pahit'attā viharantā na cirass'eva,||
yass'atthāya kula-puttā samma-d-eva agārasmā anagāriyaṃ pabbajanti,||
tad anuttaraṃ Brahma-cariya-pariyosānaṃ diṭṭhe'va dhamme sayaṃ abhiññā sacchi-katvā upasampajja vihariṃsu.|| ||
"Khiṇā jāti,||
vusitaṃ Brahma-cariyaṃ,||
kataṃ karaṇiyaṃ,||
nāparaṃ itthattāyā" ti abhaññiṃsu.|| ||
3. Iti kho Ānanda,||
tāni pañca bhikkhu-satāni Gavesī-pamukhāni uttar-uttariṃ paṇita-paṇitaṃ vāyamamānā anuttaraṃ vimuttiṃ sacchākaṃsu.|| ||
Tasmātiha Ānanda, evaṃ sikkhitabbaṃ:|| ||
'Uttar-uttariṃ paṇita-paṇitaṃ vāyamamānā anuttaraṃ vimuttiṃ sacchi-karissāmā' ti.|| ||
Evaṃ hi vo Ānanda, sikkhitabban ti.|| ||
Upāsaka Vagga Tatiyo
