Aṇguttara Nikāya
X. Dasaka-Nipāta
II. Nātha Vagga
Sutta 20
Dutiya Ariya-Vāsa Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][than][bodh] Evaṃ me sutaṃ:|| ||
Ekaṃ samayaṃ Bhagavā Kurūsu viharati Kammāssa-dammaṃ [30] nāma Kurūnaṃ nigamo.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
2. "Dasa yime bhikkhave ariya-vāsā,||
ye ariyā āvasiṃsu vā||
āvasanti vā||
āvasissanti vā.|| ||
Katame dasa?|| ||
3. Idha bhikkhave bhikkhu||
pañc'aṇga-vi-p-pahīno hoti||
chaḷ-aṇga-samannā-gato||
ek'ārakkho||
catur'āpasseno||
panuṇṇa-pacc'eka-sacco||
sama-vaya-saṭṭh'esano||
anāvila-saṇkappo||
passaddha-kāya-saṇkhāro||
su-vimutta-citto||
su-vimutta-pañño.|| ||
§
4. Kathañ ca bhikkhave bhikkhu pañc'aṇga-vi-p-pahīno hoti?|| ||
Idha, bhikkhave, bhikkhuno kāma-c-chando pahīno hoti,||
vyāpādo pahīno hoti,||
thīna-middhaṃ pahīnaṃ hoti,||
uddhacca-kukkuccaṃ pahīnaṃ hoti,||
vicikicchā pahīnā hoti.|| ||
Evaṃ kho bhikkhave bhikkhu pañc'aṇga-vi-p-pahīno hoti.|| ||
■
5. Kathañ ca bhikkhave bhikkhu chaḷ-aṇga-samannā-gato hoti?|| ||
Idha, bhikkhave, bhikkhu cakkhunā rūpaṃ disvā n'eva sumano hoti,||
na dummano.|| ||
Upekkhako viharati sato sampajāno.|| ||
-◦-
Sotena saddaṃ sutvā n'eva sumano hoti,||
na dummano||
upekkhako viharati sato sampajāno.|| ||
-◦-
Ghānena gandhaṃ ghāyitvā n'eva sumano hoti,||
na dummano||
upekkhako viharati sato sampajāno.|| ||
-◦-
Jivhāya rasaṃ sāyitvā n'eva sumano hoti,||
na dummano||
upekkhako viharati sato sampajāno.|| ||
-◦-
Kāyena poṭṭabbaṃ phusitvā n'eva sumano hoti,||
na dummano||
upekkhako viharati sato sampajāno.|| ||
-◦-
Manasā dhammaṃ viññāya n'eva sumano hoti,||
na dummano||
upekkhako viharati sato sampajāno.|| ||
Evaṃ kho bhikkhave bhikkhu chaḷ-aṇga-samannā-gato hoti.|| ||
■
6. Kathañ ca bhikkhave bhikkhu ek'ārakkho hoti?|| ||
Idha, bhikkhave, bhikkhu sat'ārakkhena cetasā samannāgato hoti.|| ||
Evaṃ kho bhikakhave bhikakhu ek'ārakakho hoti.|| ||
■
7. Kathañ ca bhikkhave bhikkhu catur'āpasseno hoti?|| ||
Idha, bhikkhave, bhikkhu saṇkhāy'ekaṃ paṭisevati.|| ||
Saṇkhāy'ekaṃ adhivāseti,||
saṇkhāy'ekaṃ parivajjeti,||
saṇkhāy'ekaṃ vinodeti.|| ||
Evaṃ kho bhikkhave bhikkhu catur'āpasseno hoti.|| ||
■
[31] 8. Kathañ ca bhikkhave bhikkhu panuṇṇa-pacc'eka-sacco hoti?|| ||
Idha, bhikkhave, bhikkhuno yāni tāni puthu-samaṇa-brāhmaṇānaṃ||
puthu-pacceka-saccāni||
seyyath'īdaṃ:|| ||
'Sassato loko' ti vā;||
'Assato loko' ti vā;||
'Antavā loko' ti vā;||
'Anantavā loko' ti vā;||
'Taṃ jīvaṃ taṃ sarīran' ti vā;||
'Aññaṃ jīvaṃ aññaṃ sarīran' ti vā;||
'Hoti Tathāgato param maraṇā' ti vā;||
'Na hoti Tathāgato param maraṇā' ti vā;||
'Hoti va na hoti va Tathāgato param maraṇā' ti vā;||
'N'eva hoti na na hoti Tathāgato param maraṇā' ti vā.|| ||
Sabbāni tāni nuṇṇāni honti panuṇṇāni,||
cattāni vantāni muttāni pahīnāni paṭinissaṭṭhāni,||
evaṃ kho bhikkhave bhikkhu panuṇṇa pacceka-sacco hoti.|| ||
■
9. Kathañ ca bhikkhave bhikkhu sama-vaya-saṭṭh'esano hoti?|| ||
Idha, bhikkhave, bhikkhuno kām'esanā pahīnā hoti,||
bhav'esanā pahīnā hoti,||
brahma-cariy'esanā paṭippassaddhā.|| ||
Evaṃ kho bhikkhave bhikkhu sama-vaya-saṭṭh'esano hoti.|| ||
■
10. Kathañ ca bhikkhave bhikkhu anāvila-saṇkappo hoti?|| ||
Idha, bhikkhave, bhikkhuno kāma-saṇkappo pahīno hoti,||
vyāpāda-saṇkappo pahīno hoti,||
vihiṃsā-saṇkappo pahīno hoti.|| ||
Evaṃ kho bhikkhave bhikkhu anāvila-saṇkappo hoti.|| ||
■
11. Kathañ ca bhikkhave bhikkhu passaddha-kāya-saṇkhāro hoti?|| ||
Idha, bhikkhave, bhikkhu sukhassa ca pahānā||
dukkhassa ca pahānā||
pubb'eva somanassa domanassānaṃ atthaṇgamā||
adukkha-m-asukhaṃ||
upekkhā-sati-pārisuddhiṃ||
catuttha-jhānaṃ upasampajja viharati.|| ||
Evaṃ kho bhikkhave bhikkhu passaddha-kāya-saṇkhāro hoti.|| ||
■
12. Kathañ ca bhikkhave bhikkhu su-vimutta-citto hoti?|| ||
Idha, bhikkhave, bhikkhuno rāgā cittaṃ vimuttaṃ hoti,||
dosā cittaṃ vimuttaṃ hoti,||
mohā cittaṃ vimuttaṃ hoti.|| ||
Evaṃ kho bhikkhave bhikkhu su-vimutta-citto hoti.|| ||
■
13. Kathañ ca bhikkhave bhikkhu su-vimutta-pañño hoti?|| ||
[32] Idha, bhikkhave, bhikkhu:|| ||
'Rāgo me pahīno,||
ucchinna-mūlo tālā-vatthu-kato,||
anabhāva-kato.|| ||
Āyatiṃ anuppāda-dhammo' ti pajānāti.|| ||
-◦-
'Doso me pahīno,||
ucchinna-mūlo tālā-vatthu-kato,||
anabhāva-kato.|| ||
Āyatiṃ anuppāda-dhammo' ti pajānāti.|| ||
-◦-
'Moho me pahīno ucchinna-mūlo tālā-vatthu-kato,||
anabhāva-kato.|| ||
Āyatiṃ anuppāda-dhammo' ti pajāniti.|| ||
Evaṃ kho bhikkhave bhikkhu su-vimutta-pañño hoti.|| ||
§
Ye hi keci bhikkhave atītam addhānaṃ ariyā ariyavāse āvasiṃsu,||
sabbe te im'eva dasa ariyavāse āvasiṃsu.|| ||
■
Ye hi keci, bhikkhave, anāgatam addhānaṃ ariyā ariyavāse āvasissanti,||
sabbe te im'eva dasa ariyavāse āvasissanti.|| ||
■
Ye hi keci, bhikkhave, etarahi ariyā ariyavāse āvasanti,||
sabbe te im'eva dasa ariyavāse āvasanti.|| ||
Ime kho bhikkhave dasa ariya-vāsā,||
ye ariyā āvasiṃsu vā,||
āvasanti vā,||
āvasissanti vā" ti.|| ||
Nātha Vaggo Dutiyo
