Aṇguttara Nikāya
X. Dasaka-Nipāta
X: Upāsaka-Vagga
Sutta 95
Uttiya Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][than] Evaṃ me sutaṃ:|| ||
Atha kho Uttiyo paribbājako yena Bhagavā ten'upasaṇkami.|| ||
Upasaṇkamitvā Bhagavatā saddhiṃ sammodi.|| ||
Sammodanīyaṃ kathaṃ sārāṇīyaṃ vīti-sāretvā eka-m-antaṃ nisīdi.|| ||
Eka-m-antaṃ nisinno kho Uttiyo paribbājako Bhagavantaṃ etad avoca:|| ||
"Kin nu kho bho Gotama||
sassato loko,||
idam eva saccaṃ,||
mogham aññan" ti?|| ||
"Avyākataṃ kho evaṃ Uttiya mayā:||
sassato loko,||
idam eva saccaṃ,||
mogham aññan" ti.|| ||
■
"Kiṃ pana bho Gotama||
asassato loko,||
idam eva saccaṃ,||
mogham aññan" ti?|| ||
"Etam pi kho Uttiya avyākataṃ mayā:||
asassato loko,||
idam eva saccaṃ,||
mogham aññan" ti.|| ||
■
"Kin nū kho bho Gotama||
antavā loko,||
idam eva saccaṃ,||
mogham aññan" ti?|| ||
"Etam pi kho Uttiya avyākataṃ mayā||
antavā loko,||
idam eva saccaṃ,||
mogham aññan" ti|| ||
■
"Kin nū kho bho Gotama||
taṃ jīvaṃ taṃ sarīraṃ,||
idam eva saccaṃ,||
mogham aññan" ti?|| ||
"Etam pi kho Uttiya avyākataṃ mayā||
taṃ jīvaṃ taṃ sarīraṃ,||
idam eva saccaṃ,||
mogham aññan" ti|| ||
■
"Kin nū kho bho Gotama||
aññaṃ jīvaṃ,||
aññaṃ sarīraṃ,||
idam eva saccaṃ,||
mogham aññan" ti?|| ||
"Etam pi kho Uttiya avyākataṃ mayā||
aññaṃ jīvaṃ,||
aññaṃ sarīraṃ,||
idam eva saccaṃ,||
mogham aññan" ti|| ||
■
"Kin nū kho bho Gotama||
hoti Tathāgato param maraṇā,||
idam eva saccaṃ,||
mogham aññan" ti?|| ||
"Etam pi kho Uttiya avyākataṃ mayā||
hoti Tathāgato param maraṇā,||
idam eva saccaṃ,||
mogham aññan" ti|| ||
■
"Kin nū kho bho Gotama||
hoti ca na hoti ca Tathāgato param maraṇā,||
idam eva saccaṃ,||
mogham aññan" ti?|| ||
"Etam pi kho Uttiya avyākataṃ mayā||
hoti ca na hoti ca Tathāgato param maraṇā,||
idam eva saccaṃ,||
mogham aññan" ti|| ||
■
"Kin nū kho bho Gotama||
n'eva hoti na nahoti Tathāgato param maraṇā,||
idam eva saccaṃ,||
mogham aññan" ti?|| ||
"Etam pi kho Uttiya avyākataṃ mayā||
n'eva hoti na nahoti Tathāgato param maraṇā,||
idam eva saccaṃ,||
mogham aññan" ti|| ||
§
2. "Kin nu kho bho Gotama||
'sassato loko,||
idam eva saccaṃ,||
mogham aññan' ti||
iti puṭṭho samāno||
'avyākataṃ kho etaṃ Uttiya mayā:||
sassato loko,||
idam eva saccaṃ,||
mogham aññan' ti vadesi.|| ||
■
Kim pana bho Gotama||
'asassato loko,||
idam eva saccaṃ,||
mogham aññan' ti||
iti puṭṭho samāno||
'avyākataṃ kho etaṃ Uttiya mayā:||
asassato loko,||
idam eva saccaṃ,||
mogham aññan' ti vadesi.|| ||
■
Kin nu kho bho Gotama||
'antavā loko,||
idam eva saccaṃ,||
mogham aññan' ti||
iti puṭṭho samāno||
'avyākataṃ kho etaṃ Uttiya mayā:||
antavā loko,||
idam eva saccaṃ,||
mogham aññan' ti vadesi.|| ||
■
Kin nu kho bho Gotama||
'anantavā loko,||
idam eva saccaṃ,||
mogham aññan' ti||
iti puṭṭho samāno||
'avyākataṃ kho etaṃ Uttiya mayā:||
anantavā loko,||
idam eva saccaṃ,||
mogham aññan' ti vadesi.|| ||
■
Kin nu kho bho Gotama||
'taṃ jīvaṃ taṃ sarīraṃ,||
idam eva saccaṃ,||
mogham aññan' ti||
iti puṭṭho samāno||
'avyākataṃ kho etaṃ Uttiya mayā:||
taṃ jīvaṃ taṃ sarīraṃ,||
idam eva saccaṃ,||
mogham aññan' ti vadesi.|| ||
■
'Kin nu kho bho Gotama||
'aññaṃ jīvaṃ aññaṃ sarīraṃ,||
idam eva saccaṃ,||
mogham aññan' ti||
iti puṭṭho samāno||
'avyākataṃ kho etaṃ Uttiya mayā:||
aññaṃ jīvaṃ aññaṃ sarīraṃ,||
idam eva saccaṃ,||
mogham aññan' ti vadesi.|| ||
■
Kin nu kho bho Gotama||
'hoti Tathāgato param maraṇā,||
idam eva saccaṃ,||
mogham aññan' ti||
iti puṭṭho samāno||
'avyākataṃ kho etaṃ Uttiya mayā:||
hoti Tathāgato param maraṇā,||
idam eva saccaṃ,||
mogham aññan' ti vadesi.|| ||
■
Kin nu kho bho Gotama||
'na hoti Tathāgato param maraṇā,||
idam eva saccaṃ,||
mogham aññan' ti||
iti puṭṭho samāno||
'avyākataṃ kho etaṃ Uttiya mayā:||
na hoti Tathāgato param maraṇā,||
idam eva saccaṃ,||
mogham aññan' ti vadesi.|| ||
■
Kin nu kho bho Gotama||
'hoti ca na hoti ca Tathāgato param maraṇā,||
idam eva saccaṃ,||
mogham aññan' ti||
iti puṭṭho samāno||
'avyākataṃ kho etaṃ Uttiya mayā:||
hoti ca na hoti ca Tathāgato param maraṇā,||
idam eva saccaṃ,||
mogham aññan' ti vadesi.|| ||
■
Kin nu kho bho Gotama||
'n'eva hoti na na hoti Tathāgato param maraṇā,||
idam eva saccaṃ,||
mogham aññan' ti||
iti puṭṭho [194] samāno||
'avyākataṃ kho etaṃ Uttiya mayā:||
n'eva hoti na na hoti Tathāgato param maraṇā,||
idam eva saccaṃ,||
mogham aññan' ti vadesi.|| ||
Atha kiñ carahi bhotā Gotamena vyākatan" ti?|| ||
§
"Abhiññāya kho ahaṃ Uttiya sāvakānaṃ Dhammaṃ desemi sattāṇaṃ visuddhiyā soka-pari-d-davānaṃ samatikkamāya dukkha-domanassānaṃ atthaṇgamāya ñāyassa adhigamāya Nibbānassa saccikiriyāyā" ti.|| ||
"Yaṃ pan'etaṃ bhavaṃ Gotamo abhiññāya||
abhiññāya sāvakānaṃ dhammaṃ deseti sattāṇaṃ visuddhiyā soka-pari-d-davānaṃ samatikkamāya dukkha-domanassānaṃ atthaṇgamāya ñāyassa adhigamāya Nibbānassa sacchi-kiriyāya,||
sabbo vā tena loko nīyyissati? upaḍḍho vā? tibhāgo vā" ti?|| ||
Evaṃ vutte Bhagavā tuṇhī ahosi.|| ||
■
3. Atha kho āyasmato Ānandassa etad ahosi:|| ||
"Mā h'evaṃ kho Uttiyo paribbājako pāpakaṃ diṭṭhi-gataṃ paṭilabhi:|| ||
'Sabba-sāmukkaṃsikaṃ vata me Samaṇo Gotamo pañhaṃ puṭṭho saṃsādeti,||
no vissajjeti,||
na nūna visahatī' ti?|| ||
Tad assa Uttiyassa paribbājakassa dīgha-rattaṃ ahitāya dukkhāyā" ti.|| ||
Atha kho āyasmā Ānando Uttiyaṃ paribbājakaṃ etad avoca:|| ||
4. "Tena h'āvuso Uttiya upaman te karissāmi||
upamāyam idh'ekacce viññū purisā bhāsitassa atthaṃ ājānanti.|| ||
Seyyathā pi āvuso Uttiya rañño paccantimaṃ nagaraṃ daḷhuddāpaṃ daḷhapākāratoraṇaṃ ekadvāraṃ.|| ||
Tatr'assa dovāriko paṇḍito vyatto medhāvī aññātānaṃ nivāretā,||
[195] ñātānaṃ pavesetā,||
so tassa nagarassa samantā anupariyāyapathaṃ anukkama-māno na passeyya pākāra-sandhiṃ vā pākāra-vivaraṃ vā antamaso biḷāranissakkanamattam pi,||
no ca khavassa evaṃ ñāṇaṃ hoti:|| ||
'Ettakā pāṇā imaṃ nagaraṃ pavisanti vā ni-k-khamanti vā' ti.|| ||
Atha khvassa evam ettha hoti:|| ||
'Ye kho keci oḷārikā pāṇā imaṃ nagaraṃ pavisanti vā ni-k-khamanti vā,||
sabbe te iminā dvārena pavisanti va ni-k-khamanti vā' ti.|| ||
Evam eva kho āvuso Uttiya na taṃ Tathāgatassa evaṃ ussukkataṃ hoti||
'sabbo vā tena loko nīyyissati,||
upaḍḍho vā tibhāgo vā" ti.|| ||
Atha kho evam ettha Tathāgatassa hoti:|| ||
'Ye kho keci lokamhā nīyiṃsu vā||
nīyyanti vā||
nīyyissanti vā,||
sabbe te pañca nīvaraṇe pahāya||
cetaso upakkilese paññāya||
dubbalī-karaṇe catūsu sati-paṭṭhānesu supatthika-cittā||
satta bojjh'aṇge yathā-bhūtaṃ bhāvetvā||
evam ete lokamhā nīyiṃsu vā nīyyanti vā nīyyissanti vā' ti.|| ||
Yad eva kho tvaṃ āvuso Uttiya Bhagavantaṃ pañhaṃ apucchi,||
tad eva taṃ pañhaṃ Bhagavantaṃ aññena pariyāyena apucchi.|| ||
Tasmā te taṃ Bhagavā na vyākāsī" ti.|| ||
