Aṇguttara Nikāya
XI. Ekā-Dasaka Nipāta
I. Nissāya
Sutta 11
Mora-Nivāpa Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
1. [pts] Ekaṃ samayaṃ Bhagavā||
Rājagahe viharati||
Mora-nivāpe||
Paribbājak'ārāme.|| ||
Tatra kho Bhagavā bhikkhu āmantesi:||
Bhikkhavo ti.|| ||
Bhadante ti te bhikkhu Bhagavato paccassosuṃ.|| ||
Bhagavā etad avoca:|| ||
Tīhi, bhikkhave,||
dhammehi samannāgato bhikkhu||
accanta-niṭṭho hoti,||
accanta-yoga-k-khemī,||
accanta-brahma-cārī,||
accanta-pariyosāno,||
seṭṭho deva-manussānaṃ.|| ||
Katamehi tīhi?|| ||
Asekhena sīla-k-khandhena,||
asekhena samādhi-k-khandhena,||
asekhena paññā-k-khandhena.|| ||
Imehi kho, bhikkhave,||
tīhi dhammehi samannāgato bhikkhu||
[327] accanta-niṭṭho hoti,||
accanta-yoga-k-khemī,||
accanta-brahma-cārī,||
accanta-pariyosāno,||
seṭṭho deva-manussānaṃ.|| ||
■
Aparehi pi, bhikkhave,||
tīhi dhammehi samannāgato bhikkhu||
accanta-niṭṭho hoti,||
accanta-yoga-k-khemī,||
accanta-brahma-cārī,||
accanta-pariyosāno,||
seṭṭho deva-manussānaṃ.|| ||
Katamehi tīhi?|| ||
Iddhi-pāṭihāriyena,||
ādesanā-pāṭihāriyena,||
anusāsanī-pāṭihāriyena.|| ||
Imehi kho, bhikkhave,||
tīhi dhammehi samannāgato bhikkhu||
accanta-niṭṭho hoti,||
accanta-yoga-k-khemī,||
accanta-brahma-cārī,||
accanta-pariyosāno,||
seṭṭho deva-manussānaṃ.|| ||
■
Aparehi pi, bhikkhave,||
tīhi dhammehi samannāgato bhikkhu||
accanta-niṭṭho hoti,||
accanta-yoga-k-khemī,||
accanta-brahma-cārī,||
accanta-pariyosāno,||
seṭṭho deva-manussānaṃ.|| ||
Katamehi tīhi?|| ||
Sammā-diṭṭhiyā,||
sammā-ñāṇena,||
sammā vimuttiyā.|| ||
Imehi kho, bhikkhave,||
tīhi dhammehi samannāgato bhikkhu||
accanta-niṭṭho hoti,||
accanta-yoga-k-khemī,||
accanta-brahma-cārī,||
accanta-pariyosāno,||
seṭṭho deva-manussānaṃ.|| ||
Dvīhi bhikkhave dhammehi samannāgato bhikkhu||
accanta-niṭṭho hoti||
accanta-yoga-k-khemī||
accanta-brahma-cārī||
accanta-pariyosāno||
seṭṭho deva-manussānaṃ.|| ||
Katamehi dvīhi?|| ||
Vijjāya ca||
caraṇena ca.|| ||
Imehi kho, bhikkhave,||
dvīhi dhammehi samannāgato bhikkhu||
accanta-niṭṭho hoti,||
accanta-yoga-k-khemī,||
accanta-brahma-cārī,||
accanta-pariyosāno,||
seṭṭho deva-manussānaṃ.|| ||
Imehi kho, bhikkhave,||
dhammehi samannāgato bhikkhu||
accanta-niṭṭho hoti||
accanta-yoga-k-khemī||
accanta-brahma-cārī||
accanta-pariyosāno||
seṭṭho deva-manussānaṃ.|| ||
Brahmuna p'esā, bhikkhave,||
sanaṃkumārena gāthā bhāsitā:
'Khattiyo seṭṭho janetasmiṃ||
ye gotta-paṭisārino||
vijjā-caraṇa-sampanno||
so seṭṭho deva-mānuse' ti.|| ||
Sā kho pan'esā, bhikkhave,||
brahmunā Sanaṃkumārena gāthā sugītā||
no duggītā subhāsitā||
no dubbhāsitā, [328]||
attha-saṃhitā||
no anattha-saṃhitā||
anumatā mayā,||
aham pi, bhikkhave,||
evaṃ vadāmi:|| ||
Khattiyo seṭṭho janetasmiṃ||
ye gotta-paṭisārino||
vijjā-caraṇa-sampanno||
so seṭṭho deva-mānuse" ti.|| ||
Nissaya Vagga paṭhamoa
