Nakha-Sikhā Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[133]

[1][pts][bodh][than][olds] Evaṃ me sutaṃ:|| ||

Ekaṃ samayaṃ Bhagavā Sāvatthiyaṃ viharati||
Jetavane Anāthapiṇḍikassa ārāme.|| ||

[2][pts][bodh][than][olds] Atha kho Bhagavā parittaṃ nakha-sikhāyaṃ paṃsuṃ āropetvā bhikkhū āmantesi:|| ||

"Taṇ kim maññatha bhikkhave?|| ||

Katamaṃ nu kho bahutaraṃ||
yo c'āyaṃ mayā paritto nakha-sikhāyaṃ paṃsu āropito,||
ayaṃ vā mahā-paṭhavī" ti?|| ||

[3][pts][bodh][than][olds] "Etad eva bhante, bahutaraṃ yad idaṃ mahā-paṭhavi,||
appamattako nakha-sikhāyaṃ Bhagavatā paritto paṃsu āropito||
n'eva satimaṃ kalaṃ upeti,||
na sahassimaṃ kalaṃ upeti,||
na sata-sahassimaṃ kalaṃ upeti,||
mahā-paṭhaviṃ upanidhāya Bhagavatā paritto nakha-sikhāya paṃsu āropito" ti.|| ||

[4][pts][bodh][than][olds] "Evam eva kho bhikkhave, ariya-sāvakassa diṭṭhi-sampannassa puggalassa abhisametāvino etad eva bahutaraṃ dukkhaṃ||
yad idaṃ parikkhīṇaṃ pariyādiṇṇaṃ,||
appa-mattakaṃ avasiṭṭhaṃ.|| ||

N'eva satimaṃ kalaṃ upeti,||
na sahas- [134] simaṃ kalaṃ upeti,||
na sata-sahassimaṃ kalaṃ upeti,||
purimaṃ dukkha-k-khandhaṃ parikkhīṇaṃ pariyādinnaṃ upanidhāya yad idaṃ satta-k-khattūṃ paramatā.|| ||

[5][pts][bodh][than][olds] Evaṃ mahatthiyo kho bhikkhave,||
Dhamm-ā-bhisamayo,||
evaṃ mahatthiyo Dhamma-cakkhu paṭilābho" ti.|| ||