Saṃyutta Nikāya
II. Nidāna Vagga
20. Opamma Saṃuttaṃ
Sutta 1
Kūṭa Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][rhyc][olds]EVAṂ ME SUTAṂ:|| ||
Ekaṃ samayaṃ Bhagavā Sāvatthiyaṃ viharati.||
Jetavane Anāthapiṇḍikassa ārāme.|| ||
[2][rhyc][olds] Tatra kho Bhagavā bhikkhu āmantesi bhikkhavo' ti.|| ||
Bhadante' ti kho te bhikkhū Bhagavato paccassosuṃ.|| ||
Bhagavā etad avoca:|| ||
[3][rhyc][olds] "Seyyathā pi bhikkhave,||
kūṭā-gārassa yā kāci gopānasiyo,||
sabbā tā kūṭa-ṇ-gamā||
kūṭa-samo-saraṇā,||
kūṭasamugghātā||
sabbā tā samugghātaṃ gacchanti.|| ||
[4][rhyc][olds] Evam eva kho bhikkhave,||
ye keci akusala dhammā||
sabbe te avijjaṇgamā[1]||
avijjāsam-osaraṇā,||
avijjāsamugghātā||
sabbe te samugghātaṃ gacchanti.|| ||
[5][rhyc][olds] Tasmātiha bhikkhave, evaṃ sikkhitabbaṃ:|| ||
'Appamattā viharissāmā' ti.|| ||
Evaṃ hi vo bhikkhave, sikkhitabban" ti.|| ||
[1] Avijjaṇgamā. PTS switches to avijjāmūlakā here
