Saṃyutta Nikāya
3. Khandha Vagga
22. Khandha Saṃyutta
5. Atta-Dīpa Vagga
Sutta 48
Khandha Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][than][olds][bodh] Evaṃ me sutaṃ.|| ||
Ekaṃ samayaṃ Bhagavā Sāvatthiyaṃ viharati.|| ||
Tatra kho Bhagavā bhikkhu āmantesi:|| ||
"Bhikkhavo" ti.|| ||
"Bhadante" ti te bhikkh Bhagavato paccassosuṃ|| ||
Bhagavā etad avoca:|| ||
"Pañca ca bhikkhave, khandhe desissāmi,||
pañc'upādāna-k-khandhe ca.|| ||
Taṃ suṇātha||
sādhukaṃ manasi karotha||
bhāsissāmī" ti.|| ||
"Evaṃ bhante" ti kho te bhikkhū Bhagavato paccassosuṃ:|| ||
Bhagavā etad avoca.|| ||
"Katame ca bhikkhave, pañca-k-khandhā?|| ||
Yaṃ kiñci bhikkhave, rūpaṃ||
atīt-ā-nāgata-pacc'uppannaṃ||
ajjhattaṃ vā bhahiddhā vā,||
oḷārikaṃ vā sukhumaṃ vā,||
hīnaṃ vā paṇītaṃ vā,||
yaṃ dūre santike vā,||
ayaṃ vuccati rūpa-k-khandho.|| ||
Yā kāci vedanā||
atīt-ā-nāgata-pacc'uppannā,||
ajjhattaṃ vā bhahiddhā vā,||
oḷārikaṃ vā sukhumaṃ vā,||
hīnaṃ vā paṇītaṃ vā,||
yaṃ dūre santike vā,||
ayaṃ vuccati vedana-k-khandho.|| ||
Yā kāci saññā||
atīt-ā-nāgata-pacc'uppannā,||
ajjhattaṃ vā bhahiddhā vā,||
oḷārikaṃ vā sukhumaṃ vā,||
hīnaṃ vā paṇītaṃ vā,||
yaṃ dūre santike vā,||
ayaṃ vuccati saññā-k-khandho.|| ||
Ye keci saṇkhārā||
atīt-ā-nāgata-pacc'uppannā,||
ajjhattaṃ vā bhahiddhā vā,||
oḷārikaṃ vā sukhumaṃ vā,||
hīnaṃ vā paṇītaṃ vā,||
yaṃ dūre santike vā,||
ayaṃ vuccati saṇkhāra-k-khandho.|| ||
Yaṃ kiñci viññāṇaṃ||
atīt-ā-nāgata-pacc'uppannaṃ,||
ajjhattaṃ vā bhahiddhā vā,||
oḷārikaṃ vā sukhumaṃ vā,||
hīnaṃ vā paṇītaṃ vā,||
yaṃ dūre santike vā,||
ayaṃ vuccati viññāṇa-k-khandho.|| ||
Ime vuccanti bhikkhave,||
pañca-k-khandhā.|| ||
§
Katame ca bhikkhave, pañc'upādāna-k-khandhā?|| ||
Yaṃ kiñci bhikkhave, rūpaṃ||
atīt-ā-nāgata-pacc'uppannaṃ||
ajjhattaṃ vā bahiddhā vā,||
oḷārikaṃ vā sukhumaṃ vā,||
hīnaṃ vā paṇītaṃ vā,||
yaṃ dūre santike vā,||
sāsavaṃ upādānīyaṃ,||
ayaṃ vuccati rūp'ūpādāna-k-khandho.|| ||
Yā kāci vedanā||
atīt-ā-nāgata-pacc'uppannā,||
ajjhattaṃ vā bhahiddhā vā,||
oḷārikaṃ vā sukhumaṃ vā,||
hīnaṃ vā paṇītaṃ vā,||
yaṃ dūre santike vā,||
sāsavaṃ upādāniyaṃ,||
ayaṃ vuccati vedan'ūpādāna-k-khandho.|| ||
Yā kāci saññā||
atīt-ā-nāgata-pacc'uppannā,||
ajjhattaṃ vā bhahiddhā vā,||
oḷārikaṃ vā sukhumaṃ vā,||
hīnaṃ vā paṇītaṃ vā,||
yaṃ dūre santike vā,||
sāsavaṃ upādāniyaṃ||
ayaṃ vuccati saññ'ūpādāna-k-khandho.|| ||
Ye keci saṇkhārā||
atīt-ā-nāgata-pacc'uppannā,||
ajjhattaṃ vā bhahiddhā vā,||
oḷārikaṃ vā sukhumaṃ vā,||
hīnaṃ vā paṇītaṃ vā,||
yaṃ dūre santike vā,||
sāsavaṃ upādāniyaṃ||
ayaṃ vuccati saṇkhār'ūpādāna-k-khandho.|| ||
[48] Yaṃ kiñci viññāṇaṃ||
atīt-ā-nāgata-pacc'uppannaṃ,||
ajjhattaṃ vā bhahiddhā vā,||
oḷārikaṃ vā sukhumaṃ vā,||
hīnaṃ vā paṇītaṃ vā,||
yaṃ dūre santike vā,||
sāsavaṃ upādāniyaṃ||
ayaṃ vuccati viññāṇ'ūpādāna-k-khandho.|| ||
Ime vuccanti bhikkhave,||
pañc'upādāna-k-khandhā" ti.|| ||
