Saṃyutta Nikāya
4. Saḷāyatana Vagga
37. Mātugāma Saṃyutta
1. Paṭhama Peyyāla Vagga
Sutta 1
Manāpā Amanāpā (aka Mātu-Gāma) Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā bhikkhū āmantesi|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
3. Bhagavā etad avoca:|| ||
"Pañcahi bhikkhave aṇgehi samannāgato||
mātu-gāmo ekanta amanāpo hoti purisassa.|| ||
Katamehi pañcahi?|| ||
Na ca rūpavā hoti,||
na ca bhogavā hoti,||
na ca sīlavā hoti,||
alaso ca hoti,||
pajañcassa na labhati.|| ||
Imehi kho bhikkhave pañcahi aṇgehi samannāgato||
mātu-gāmo ekanta amanāpo hoti purisassa.|| ||
§
Pañcahi bhikkhave aṇgehi samannāgato||
mātu-gāmo ekanta amanāpo hoti purisassa.|| ||
Katamehi pañcahi?|| ||
Rūpavā ca hoti,||
bhogavā ca hoti,||
sīlavā ca hoti,||
dakkho ca hoti||
analaso pajañcassa labhati.|| ||
Imehi kho bhikkhave pañcahi aṇgehi samannāgato||
mātu-gāmo ekanta manāpo hoti purisassā" ti.|| ||
