Viraddha Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][bodh][than] Evam me sutaṃ:|| ||

Ekaṃ samayam Bhagavā Sāvatthiyaṃ viharati Jetavane Anāthapindikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.|| ||

Bhagavā etad avoca:|| ||

"Yesaṇ kesañci bhikkhave, cattāro sati-paṭṭhānā viraddhā||
viraddho tesaṇ ariyo Maggo sammā dukkha-k-khayāgāmī.|| ||

[180] Yesaṇ kesañci bhikkhave,||
cattāro sati-paṭṭhānā āraddhā,||
āraddho tesaṇ ariyo Maggo sammā dukkha-k-khaya-gāmī.|| ||

Katame cattāro?|| ||

Idha bhikkhave, bhikkhu kāye kāy'ānupassī viharati||
ātāpī||
sampajāno||
satimā||
vineyya loke abhijjhā-domanassaṃ.|| ||

Vedanāsu vedan'ānupassī viharati||
ātāpī||
sampajāno||
satimā||
vineyya loke abhijjhā-domanassaṃ.|| ||

Citte citt'ānupassī viharati||
ātāpī||
sampajāno||
satimā||
vineyya loke abhijjhā-domanassaṃ.|| ||

Dhammesu Dhamm'ānupassī viharati||
ātāpī||
sampajāno||
satimā||
vineyya loke abhijjhā-domanassaṃ.|| ||

"Yesaṇ kesañci bhikkhave, cattāro sati-paṭṭhānā viraddhā||
viraddho tesaṇ ariyo1 Maggo sammā dukkha-k-khayāgāmī.|| ||

Yesaṇ kesañci bhikkhave, cattāro sati-paṭṭhānā āraddhā,||
āraddho tesaṇ ariyo Maggo sammā dukkha-k-khaya-gāmī" ti.|| ||