Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
IV. Devadūta Vagga

Sutta 39

Sukhumāla Suttaɱ (b)

Adapted from the 1995 edition of the digital version of the Sri Lanka Buddha Jayanti Tripitaka Series.

 


[146]

[1][pts][than] Evaɱ me sutaɱ.|| ||

Ekaɱ samayaɱ Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Tayo'me bhikkhave madā.|| ||

Katame tayo?|| ||

Yobbanamado,||
ārogyamado,||
jīvitamado.|| ||

Yobbanamadamatto vā bhikkhave a-s-sutavā puthujjano||
kāyena du-c-caritaɱ carati,||
vācāya du-c-caritaɱ carati,||
manasā du-c-caritaɱ carati.|| ||

So kāyena du-c-caritaɱ caritvā vācāya||
du-c-caritaɱ caritvā manasā||
du-c-caritaɱ caritvā kāyassa||
bhedā param maraṇā apāyaɱ duggatiɱ vinipātaɱ Nirayaɱ uppajjati.|| ||

Āregyamadamatto vā bhikkhave a-s-sutavā puthujjano||
kāyena du-c-caritaɱ carati,||
vācāya du-c-caritaɱ carati,||
manasā du-c-caritaɱ carati.|| ||

So kāyena du-c-caritaɱ caritvā vācāya||
du-c-caritaɱ caritvā manasā||
du-c-caritaɱ caritvā kāyassa||
bhedā param maraṇā apāyaɱ duggatiɱ vinipātaɱ Nirayaɱ uppajjati.|| ||

Jīvitamadamatto vā bhikkhave a-s-sutavā puthujjano||
kāyena ducca- [147] ritaɱ carati,||
vācāya du-c-caritaɱ carati,||
manasā du-c-caritaɱ carati.|| ||

So kāyena du-c-caritaɱ caritvā vācāya||
du-c-caritaɱ caritvā manasā||
du-c-caritaɱ caritvā kāyassa||
bhedā param maraṇā apāyaɱ duggatiɱ vinipātaɱ Nirayaɱ uppajjati.|| ||

Yobbanamadamatto vā bhakkhave bhikkhu sikkhaɱ pacca-k-khāya hīnāyāvattati.|| ||

Ārogyamadamatto vā bhikkhave bhikkhu sikkhaɱ pacca-k-khāya hīnāyāvattati.|| ||

Jīvitamadamatto vā bhikkhave bhikkhu sikkhaɱ pacca-k-khāya hīnāy'āvattatī' ti.|| ||

2. Vyādhi-dhammā jarā-dhammā atho maraṇa-dhammino.||
Yathā dhammā tathā santā jigucchanti puthujjanā.||
Ahaɱ ce'taɱ jiguccheyyaɱ evaɱ dhammesu pāṇisu,||
Na me'taɱ paṭirūpassa mama evaɱ vihārino.||
So'haɱ evaɱ viharanto ñatvā dhammaɱ nirūpadhiɱ,||
ārogye yobbanasmiɱ ca jivitasmiɱ ca yo madā.||
Sabbe made abhibho'smi nekkhammaɱ daṭṭhu khemato,||
Tassa me āhu ussāho nibbāṇaɱ abipassato.||
Nāhaɱ bhabbo etarahi kāmāni patisevituɱ.||
Anivattī bhavissāmi buhmacariyaparāyano ti.|| ||

 


Copyright Statement