Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
V. Cūḷa Vagga

Sutta 41

Summukhi-Bhāva Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[150]

[1][pts][bodh] Evaɱ me sutaɱ.|| ||

Evaɱ me sutaɱ ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Tiṇṇaɱ bhikkhave sammukhībhāvā saddho kula-putto bahuɱ puññaɱ pasavati.|| ||

Katamesaɱ tiṇṇaɱ?|| ||

Saddhāya bhikkhave sammukhībhāvā saddho kula-putto bahuɱ puññaɱ pasavati.|| ||

Deyyadhammassa bhikkhave sammukhībhāvā saddho kula-putto bahuɱ puññaɱ pasavati.|| ||

Dakkhiṇeyyānaɱ bhikkhave sammukhībhāvā saddho kula-putto bahuɱ puññaɱ pasavati.|| ||

Imesaɱ kho bhikkhave tinṇaɱ sammukhībhāvā saddho kula-putto bahuɱ puññaɱ pasavatī" ti.|| ||

 


Contact:
E-mail
Copyright Statement