Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
VI. Brāhmaṇa Vagga

Sutta 57

Vacchagotta Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[160]

[1][pts][than][bodh] Evaɱ me sutaɱ.|| ||

Evaɱ me sutaɱ ekaɱ samayaɱ Bhagavā Sāvatthiyaɱ viharati.|| ||

Atha kho Vacchagotto paribbājako yena Bhagavā ten'upasankami upasankamitvā Bhagavatā saddhiɱ sammodi.|| ||

Sammodanī kathaɱ sārāṇīyaɱ vīti-sāretvā.|| ||

Eka-m-antaɱ nisinno kho Vacchagotto paribbājako Bhagavantaɱ etad avoca:|| ||

Sutaɱ me taɱ bho Gotama Samaṇo Gotamo evam āha:|| ||

'Mayham eva dānaɱ [161] dātabbaɱ,||
na aññesaɱ dānaɱ dātabbaɱ,||
mayham eva sāvakānaɱ dānaɱ dātabbaɱ,||
na aññesaɱ sāvakānaɱ dānaɱ dātabbaɱ,||
mayham eva dinnaɱ maha-p-phalaɱ,||
na aññesaɱ dinnaɱ maha-p-phalaɱ,||
mahham eva sāvakānaɱ dinnaɱ maha-p-phalaɱ,||
na aññesaɱ sāvakānaɱ dinnaɱ maha-p-phalan' ti.|| ||

Ye te bho Gotama evam āhaɱsu:||
Samaṇo Gotamo evam āha:|| ||

'Mayham eva dānaɱ dātabbaɱ,||
na aññesaɱ dānaɱ dātabbaɱ,||
mayham eva sāvakānaɱ dānaɱ dātabbaɱ,||
na aññesaɱ sāvakānaɱ dānaɱ dātabbaɱ,||
mayham eva dinnaɱ maha-p-phalaɱ,||
na aññesaɱ dinnaɱ maha-p-phalaɱ,||
mahham eva sāvakānaɱ dinnaɱ maha-p-phalaɱ,||
na aññesaɱ sāvakānaɱ dunnaɱ maha-p-phalan' ti.|| ||

Kacci te bhoto Gotamassa vutta-vādino?|| ||

Na ca bhavantaɱ Gotamaɱ abhutena abbh'ācikkhanti?|| ||

Dhammassa cānudhammaɱ vyākaronti?|| ||

Na ca koci saha-dhammiko vād-ā-nupāto gārayhaɱ ṭhānaɱ āga-c-chati?|| ||

Anabbhakkhātukāmā hi mayaɱ bhavantaɱ Gotaman ti.|| ||

Ye te Vaccha evam āhaɱsu samaṇo Gotamo evam āha:|| ||

'Mayham eva dānaɱ dātabbaɱ,||
na aññesaɱ dānaɱ dātabbaɱ,||
mayham eva sāvakānaɱ dānaɱ dātabbaɱ,||
na aññesaɱ sāvakānaɱ dānaɱ dātabbaɱ,||
mayham eva dinnaɱ maha-p-phalaɱ,||
na aññesaɱ dinnaɱ maha-p-phalaɱ,||
mahham eva sāvakānaɱ dinnaɱ maha-p-phalaɱ,||
na aññesaɱ sāvakānaɱ dunnaɱ maha-p-phalan' ti.|| ||

Na me te vuttādino,||
abbh'ācikkhanti ca pana maɱ te asatā abhutena.|| ||

Yo kho Vaccha paraɱ dānaɱ dadantaɱ vāreti,||
so tiṇṇaɱ antarāya-karo hoti,||
tiṇṇaɱ pāripanathiko.|| ||

Katamesaɱ tiṇṇaɱ?|| ||

Dāyakassa puññantarāya-karo hoti,||
paṭiggāhakānaɱ lābhantarāya-karo hoti.|| ||

Pubb'eva kho pan'assa attā khato ca hoti upahato ca.|| ||

Yo kho Vaccha paraɱ dānaɱ dadantaɱ vāreti,||
so imesaɱ tiṇṇaɱ antarāya-karo hoti,||
tiṇṇaɱ pāripanthiko.|| ||

Ahaɱ kho pana Vaccha evaɱ vadāmi:||
ye pi te candanikāya vā o'igalle vā pāṇā,||
tatra pi yo thālidhovanaɱ vā sarāvadhopanaɱ vā chaḍḍeti.|| ||

Ye tattha pāṇā,||
te yena yāpentū ti.|| ||

Tato nidānam pahaɱ Vaccha puññassa āgamaɱ vadāmi.|| ||

Ko pana vādo manussabhūte.|| ||

Api c'āhaɱ Vaccha sīla-vato dinnaɱ maha-p-phalaɱ vadāmi,||
no tathā dussīle.|| ||

So ca hoti,||
pañc'aŋga-vi-p-pahīno pañc'aŋga-samannāgato.|| ||

Katamāni pañcaŋgāni pahīṇāni honti?|| ||

Kāma-c-chando pahīṇo hoti,||
vyāpādo pahīṇo hoti,||
thīna- [162] middhaɱ pahīnaɱ hoti.|| ||

Uddhacca-kukkuccaɱ pahīnaɱ hoti,||
vicikicchā pahīṇā hoti.|| ||

Imāni pañcaŋgāni pahīṇāni honti.|| ||

Katamehi pañcahaŋgehi samannāgato hoti?|| ||

Asekkhena sīla-k-khandhena samannāgato hoti,||
asekkhena samādhi-k-khandhena samannāgato hoti,||
asekkhena paññā-k-khandhena samannāgato hoti,||
asekkhena vimutti-k-khandhena samannāgato hoti.|| ||

Asekkhena vumuttiñāṇa-dassana-k-khandhena samannāgato hoti.|| ||

Imehi pañcaŋgehi samannāgato hoti.|| ||

Iti pañc'aŋga-vippahīṇe pañc'aŋga-samannāgate dinnaɱ maha-p-phalaɱ vadāmī ti.|| ||

Iti kaṇhāsu setāsu rohiṇīsu harīsu vā,||
Kammāsāsu sarūpāsu gosu pārevatāsu vā.||
Yāsu kāsu ca etāsu danto jāyati puŋgavo,||
Dhorayho bala-sampanno kalyāṇa-javanikkamo.||
Tam eva bhāre yuñjanti nāssa vaṇṇaɱ parikkhare,||
Evam eva manussesu yasmiɱ kasmiñ ca jātiyaɱ.||
Khattiye brāhmaṇe vesse sudde caṇḍāla-pukkuse,||
Yāsu kāsu ca etāsu danto jāyati subbato.||
Dhammaṭṭho sīla-sampanno sacca-vādi hirī-mano,||
Pahīṇajātimaraṇo Brahma-cariyassa kevalī.||
Pannabhāro visaɱyutto katakicco anāsavo,||
Pāragū sabba-dhammānaɱ anupādāya nibbuto.||
Tasmiñ yeva viraje khette vipulā hoti dakkhiṇā,||
Bālā ca avijānantā dummedhā assutāvino.||
Bahiddhā dadanti dānā na hi sante upāsare,||
Yo ca sante upāsanti sappaññe dhīra-sammate.||
Saddhā ca tesaɱ sugate mūlajātā patiṭṭhitā,||
Devalokañ ca te yanti kule vā idha jāyare.||
Anupubbena nibbāṇaɱ adhigacchanti paṇḍitā ti.|| ||

 


Contact:
E-mail
Copyright Statement