Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
VI. Brāhmaṇa Vagga

Sutta 59

Jāṇussoṇi Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[166]

[1][pts][bodh] Evaɱ me sutaɱ.|| ||

Evaɱ me sutaɱ ekaɱ samayaɱ Bhagavā Sāvatthiyaɱ viharati.|| ||

Atha kho Jāṇussoṇi brāhmaṇo yena Bhagavā ten'upasankami.|| ||

Upasaŋkamitvāda Bhagavatā saddhiɱ sammodiɱsu.|| ||

Sammodanīyaɱ kathaɱ sārāṇīyaɱ vīti-sāretvā eka-m-antaɱ nisīdiɱsu.|| ||

Eka-m-antaɱ nisinnO kho Jāṇussoṇī brāhmano Bhagavateɱ etad avoca:|| ||

Yass'assu bho Gotama yañño vā saddhaɱ vā thālipāko vā deyya-dhammaɱ vā tevijjesu brāhmaṇesu dānaɱ dadeyyā ti?|| ||

Yathā-kathaɱ pana brāhmaṇa buhmaṇā brāhmaṇaɱ tevijjaɱ paññā-pentī ti?|| ||

Idha pana bho Gotama brāhmano ubhato sujāto hoti mātito ca pitito ca,||
saɱsuddhagahaṇiko yāva sattamā pitāmahāyugā,||
akkhitto anupakkuṭṭho jāti-vādena,||
ajjhāyako manta-dharo tiṇṇaɱ vedānaɱ pāragū sanighaṇḍukeṭubhānaɱ sākkhara-p-pabhe-dānaɱ itihāsa-pañca-mānaɱ padako veyyā-karaṇo lokāyatamahā-purisa-lakkhaṇesu anavayo ti.|| ||

Evaɱ kho bho Gotama brāhmaṇā brāhmaṇaɱ tevijjaɱ paññā-pentī ti.|| ||

Aññathā kho brāhmaṇa brāhmaṇā brāhmaṇaɱ tevijjaɱ paññā-penti,||
aññathā ca pana ariyassa vinaye tevijje hotī ti.|| ||

Yathā-kathaɱ bho Gotama ariyassa vinaye tevijjo hoti?|| ||

Sādhu me bhavaɱ Gotamo tathā dhammaɱ desetu yathā ariyassa vinaye tevijjo hotī ti.|| ||

Tena hi brāhmaṇa suṇāhi.|| ||

Sādhukaɱ mana-sikarohi, bhāsissāmī ti.|| ||

Evaɱ bho ti kho Jāṇussoṇi brāhmaṇo Bhagavato pacca-s-sosi.|| ||

Bhagavā etad avoca:|| ||

2. Idha brāhmaṇa bhikkhu vivicc'eva kāmehi vivicca akusalehi dhammehi sa-vitakkaɱ sa-vicāraɱ viveka-jaɱ pīti-sukhaɱ paṭhama-j-jhānaɱ upasampajja viharati.|| ||

Vitakka-vicārānaɱ vūpasamā ajjhattaɱ sampasādanaɱ cetaso ekodi-bhāvaɱ avitakkaɱ avicāraɱ samādhi-jaɱ pīti-sukhaɱ dutiya-j-jhānaɱ upasampajja viharati.|| ||

Pītiyā ca virāgā upekkhako ca viharati sato ca sampajāno sukhaɱ ca kāyena paṭisaŋvedeti,||
yaɱ taɱ ariyā ācikkhanti||
'Upekkhako satimā sukha-vihāri' ti tatiyaɱ jhānaɱ upasampajja viharati.|| ||

Sukhassa ca pahāṇā dukkhassa ca pahāṇā pubb'eva somanassa-domanassānaɱ atthaŋ-gamā adukka-m-asukhaɱ upekkhā-sati-pārisuddhiɱ catutthaɱ jhānaɱ upasampajja viharati.|| ||

So evaɱ samāhite citte parisuddhe pariyodāte anaŋgaṇe [167] vigatūpakkilese mudubhūte kammanīye ṭhite ānejjappatte pubbe-nivāsānussati-ñāṇāya cittaɱ abhininnāmeti.|| ||

So anekavihitaɱ pubbe-nivāsaɱ anussarati.|| ||

So aneka-vihitaɱ pubbe-nivāsaɱ anussarati —||
Seyyath'idaɱ:||
ekam pi jātiɱ,||
dve pi jātiyo,||
tisso pi jātiyo,||
catasso pi jātiyo,||
pañca pi jātiyo,||
dasa pi jātiyo,||
vīsati pi jātiyo,||
tiɱsam pi jātiyo,||
cattārīsam pi jātiyo,||
paññāsam pi jātiyo,||
jāti-satam pi jāti-sahassam pi jāti-sata-sahassam pi aneke pi saɱvaṭṭa-kappe aneke pi vivaṭṭakappe aneke pi saɱvaṭṭa-vivaṭṭakappe —||
Amutrāsiɱ evaɱ-nāmo,||
evaɱ-gotto evaɱ-vaṇṇo evam-āhāro evaɱ-sukha-dukkha-paṭsaɱvedī evam-āyu-pariyanto.|| ||

So tato cuto amutra upapādiɱ,||
tatrāpāsiɱ evaɱ-nāmo evaɱ-gotto evaɱ-vaṇṇo evam-āhāro evaɱ-sukha-dukkha-paṭisaŋvedi evam-āyu-pariyanto.|| ||

So tato cuto idhūpapanno ti.|| ||

Iti sākāraɱ sa-uddesaɱ anekavihitaɱ pubbe-nivāsaɱ anussarati.|| ||

Ayam assa paṭhamā vijjā adhigatā hoti,||
avijjā vihatā,||
vijjā uppannā,||
tamo vihato,||
āloko uppanno,||
yathā taɱ appamattassa ātāpino pahit'attassa viharato.|| ||

3. So evaɱ samāhite citte parisuddhe pariyodāte anaŋgaṇe vigatūpakkilese mudubhūte kammanīye ṭhite ānejjappatte sattānaɱ cutūpapātañāṇāya cittaɱ abhininnāmeti.|| ||

So dibbena cakkhunā visuddhena atikkanta-mānusa-kena satte passati cavamāne uppajjamāne.|| ||

Hīne paṇīte suvaṇṇe dubbaṇṇe sugate duggate yathā-kammūpage satte pajānāti.|| ||

Ime va pana bhonto sattā kāya-du-c-caritena samannāgatā,||
vacī-du-c-caritena samannāgatā,||
mano-du-c-caritena samannāgatā,||
ariyānaɱ upavādakā micchā-diṭṭhikā micchā-diṭṭhi-kamma-samādānā.|| ||

Te kāyassa bhedā param maraṇā apāyaɱ duggatiɱ viṭpātaɱ Nirayaɱ upapannā.|| ||

Ime vā pana bhonto sattā kāyasucāritena samannāgatā,||
vacīducciritena samannāgatā,||
mano-sucaritena samannāgatā,||
ariyānaɱ anupavādakā sammā-diṭṭhikā sammā-diṭṭhi-kamma-samādānā.|| ||

Te kāyassa bhedā param maraṇā sugatiɱ saggaɱ lokaɱ upapannā ti.|| ||

So iti dibbena cakkunā visuddhena atikkanta-mānusa-kena satte passati cavamāne uppajjamāne.|| ||

Hīne paṇīte suvaṇṇe dubbaṇṇe sugate duggate yathā-kammūpage satte pajānāti.|| ||

Ayam assa dutuyā vijjā adhigatā hoti,||
avijā vihatā,||
vijjā uppannā,||
tamo vihato,||
āloko uppanno,||
yathā taɱ appamattassa ātāpinopahītattassa viharato.|| ||

4. So evaɱ samāhite citte parisuddhe pahiyodāte anaŋgaṇe vigatūpakkilese mudubhūte kammanīye ṭhite ānejjappatte āsavānaɱ khaya-ñāṇāya cittaɱ abhininnāmeti.|| ||

So idaɱ dukkhan ti yathā-bhūtaɱ pajānāti,||
ayaɱ dukkha-samudayo ti yathā-bhūtaɱ pajānāti,||
ayaɱ dukkha-nirodho ti yathā-bhūtaɱ pajānāti,||
ayaɱ dukkha-nirodha-gāminī paṭpadāti yathā-bhūtaɱ pajāniti.|| ||

Ime āsavā ti yathā-bhūtaɱ pajānāti.|| ||

Ayaɱ āsavasamudayo ti yathā-bhūtaɱ pajāniti,||
ayaɱ āsava-nirodho ti yathā-bhūtaɱ pajānāti||
ayaɱ āsava-nirodha-gāminī paṭipadā ti yathā-bhūtaɱ pajānāti.|| ||

Tassa evaɱ jānato evaɱ passato kāmāsavā pi cittaɱ vimuccati,||
bhavāsavā pi cittaɱ vimuccati,||
avijjāsavā pi cittaɱ vimuccati,||
vumuttasmiɱ vumuttam iti ñāṇaɱ hoti.|| ||

Khīṇā jāti,||
vusitaɱ brahma-cariyaɱ,||
kataɱ karaṇīyaɱ,||
nāparaɱ itthattāyā ti pajānāti.|| ||

Ayam assa tatiyā vijjā adhigatā hoti,||
avijjā vihatā,||
vijjā uppannā,||
tamo vihato,||
āloko uppanno.|| ||

Yathā taɱ appamattassa ātāpino pahītattassa viharato ti.|| ||

Yo sīlabbatasampanno pahītatto samāhito,||
Cittaɱ yassa vasībhūtaɱ ek'aggaɱ susamāhitaɱ,||
Pubbe-nivāsaɱ yo vedī saggāpāyañ ca passati,||
Atho jātikkhayaɱ patto abhiññā vosito muni.||
[168] Etāhi tīhi vijjāhi tevijjo hoti brāhmaṇo,||
Tam ahaɱ vadāmi tevijjaɱ nāññaɱ lapitalāpanan ti.|| ||

Evaɱ eva kho brāhmaṇa ariyassa vinaye tevijjo hotī ti.|| ||

Aññāthā bho Gotama brāhmaṇānaɱ tevijjo.|| ||

Aññathā ca pana ariyassa vinaye tevijjo hoti.|| ||

Imassa ca bho Gotama ariyassa vinaye tevijjassa brāhmaṇānaɱ tevijjo kalaɱ nāgghati so'asiɱ.|| ||

Abhikkantaɱ bho Gotama,||
seyyathā pi bho Gotama nikkujjitaɱ vā ukkujjiteɱ vā ukkujjeyya,||
paṭi-c-channaɱ vā vivareyya,||
mūḷhassavā Maggaɱ ācikkheyya,||
andha-kāre vā tela-pajjotaɱ dhāreyya,||
cakkhu-manto rūpāni dakkhintī ti.|| ||

Evavevaɱ bhotā Gotamena aneka-pariyāyena dhammo pakāsito.|| ||

Ete mayaɱbhante bhavantaɱ Gotamaɱ saraṇaɱ gacchāma,||
Dhammañ ca bhikkhu-Saŋghañ ca.|| ||

Upāsakaɱ bhavaɱ Gotamo dhāretu ajja-t-agge pāṇupetaɱ saraṇaɱ gatan ti.|| ||

 


Copyright Statement