Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
VIII. Ānanda Vagga

Sutta 72

Ājīvaka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[217]

[1][pts][than] Evaɱ me sutaɱ:|| ||

Ekaɱ samayaɱ āyasmā ānavdo Kosambīyaɱ viharati Ghositārāme|| ||

Atha kho aññataro ājīvakasāvako gahapati yen'āyasmā Ānanda ten'upasankami|| ||

Upasaŋkamitvā āyasmantaɱ Ānandaɱ abhivādetvā eka-m-antaɱ nisīdi|| ||

Eka-m-antaɱ nisinno kho so ājīvakasāvako gahapati āyasmantaɱ Ānandaɱ etad avoca:|| ||

Kesaɱ ne bhante Ānanda dhammo svākkhāto,||
ke loke su-paṭipannā,||
ke loke sugatāti?|| ||

Tena hi gahapati taɱ yeva ettha paṭipucchissāmi,||
yathā te khameyya,||
tathā naɱ vyākareyyāsi|| ||

Taɱ kiɱ maññasi gahapati?|| ||

Ye rāgassa pahāṇāya dhammaɱ desenti||
dosassa pahāṇāya dhammaɱ desenti,||
mohassa pahāṇāya dhammaɱ desenti|| ||

Tesaɱ dhammo svākkhāto no vā,||
kathaɱ vā te ettha hotī ti?|| ||

[218] Ye bhante rāgassa pahāṇāya dhammaɱ desenti||
dosassa pahāṇāya dhammaɱ desenti||
mohassapahāṇāya dhammaɱ desenti||
tesaɱ dhammo jvākkhāto,||
evaɱ me ettha hotī ti.|| ||

Taɱ kiɱ maññasi gahapati?|| ||

Ye rāgassa pahāṇāya paṭipannā,||
dosassa pahānāya paṭipannā,||
mohassa pahāṇāya paṭipannā,||
te loke su-paṭipannā,||
no vā kathaɱ vā te ettha hotī ti?|| ||

Ye bhante rāgassa pahāṇāya paṭipannā,||
dosassa pahāṇāya paṭipannā,||
mohassa pahāṇāya paṭipannā,||
te loke su-paṭipannā,||
evaɱ me ettha hotī ti.|| ||

Taɱ kiɱ maññasi gahapati?|| ||

Yesaɱ rāgo pahīno ucchinna-mūlo tālā-vatthu-kato anabhāva-kato āyatiɱ anuppāda-dhammo,||
yesaɱ doso pahīṇo ucchinnamulo tālā-vatthu-kato anabhāva-kato āyatiɱ anuppāda-dhammo||
yesaɱ moho pahīṇo ucchinnamulo tālā-vatthu-kato anabhāva-kato āyatiɱ anuppāda-dhammo,||
te loke sugatā,||
no vā kathaɱ vā te ettha hotī ti?|| ||

Yesaɱ bhante rāgo pahīṇo ucchinna-mūlo tālā-vatthu-kato anabhāva-kato āyatiɱ anuppāda-dhammo,||
yesaɱ doso pahīṇo ucchinna-mūlo talālāvatthu-kato anabhāva-kato āyatiɱ anuppāda-dhammo,||
moho pahīno ucchinna-mūlo tālā-vatthu-kato anabhāva-kato āyatiɱ anuppāda-dhammo,||
te loke sugatā evaɱ me ettha hotī ti.|| ||

Iti kho gahapati tayā c'etaɱ vyākataɱ.|| ||

Ye bhante rāgassa pahāṇāya dhammaɱ desenti,||
dosassa pahāṇāya dhammaɱ desenti mohassa pahāṇāya dhammaɱ desenti tesaɱ dhammo jvākkhātoti,||
tayā c'etaɱ vyākataɱ.|| ||

Ye bhante rāgassa pahāṇāya paṭipannā,||
dosassa pahāṇāya paṭipannā,||
mohassa pahāṇāya paṭipannā,||
te loke su-paṭipannāti,||
tayā c'etaɱ vyākataɱ.|| ||

Yesaɱ bhante rāgo pahīṇo ucchinna-mūlo tālā-vatthu-kato anabhāva-kato āyatiɱ anuppāda-dhammo,||
yesaɱ doso pahīṇo ucchinanamūlo tālā-vatthu-kato anabhāva-kato āyatiɱ anuppāda-dhammo,||
moho pahīṇo ucchinna-mūlo tālā-vatthu-kato anabhāva-kato āyatiɱ anuppāda-dhammo,||
te loke sugatā ti.|| ||

Acchariyaɱ bhante,||
abbhutaɱ bhante,||
na c'eva nāma sadhammukkaɱsanā bhavissati,||
na ca paradhammāpasādanā,||
āyatan'eva Dhamma-desanā|| ||

Attho ca vutto|| ||

Attā ca anupanīto.|| ||

Tumbhe bhante Ānanda rāgassa pahāṇāya dhammaɱ desetha,||
dosassa pahāṇāya dhammaɱ desetha,||
mohassa pahāṇāya [219] dhammaɱ desetha|| ||

Tumbhākaɱ bhante Ānanda dhammo svākkhāto|| ||

Tumbhe bhante Ānanda rāgassa pahāṇāya paṭipannā dosassa pahāṇāya paṭipannā mohassa pahāṇāya paṭipannā|| ||

Tumbhe loke su-paṭipannā|| ||

Tumbhākaɱ bhante Ānanda rāgo pahīṇo ucchinnamulo tālā-vatthu-kato anabhāva-kato āyatiɱ anuppāda-dhammo|| ||

Tumbhākaɱ dose pahīṇo ucchinnamalo talālavatthu-kato anabhāva-kato āyatiɱ anuppāda-dhammo|| ||

Tumbhākaɱ moho pahīṇo ucchinna-mūlo tālā-vatthu-kato anabhāva-kato āyatiɱ anuppāda-dhammo|| ||

Tumbhe loke sugatā.|| ||

Abhikkantaɱ bhante,||
abhikkantaɱ bhante|| ||

Seyyathā pi bhante nikkujjitaɱ vā ukkujjeyya,||
paṭi-c-channaɱ vā vivareyya,||
mūḷhassa vā Maggaɱ ācikkheyya,||
avdhakāre vā tela-pajjotaɱ dhāreyya cakkhu-manto rūpāni dakkhintīti|| ||

Evam evaɱ ayyena Ānandena aneka-pariyāyena dhammo pakāsito.|| ||

Es'āhaɱ bhante Ānanda taɱ Bhagavantaɱ saraṇaɱ gacchāmi,||
dhammaɱ ca bhikkhu-Saŋghaɱ ca|| ||

Upāsakaɱ maɱ ayyo Ānanda dhāretu ajja-t-agge pāṇupetaɱ saraṇaɱ gatanti.|| ||

 


Copyright Statement