Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
VIII. Ānanda Vagga

Sutta 76

Paṭhama Bhava Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[223]

[76.1][pts][than][olds] Evaɱ me sutaɱ.|| ||

Ekaɱ samayaɱ āyasmā Ānanda Vesāliyaɱ viharati Mahāvane Kūṭāgāra-sālāyaɱ|| ||

2. Atha kho yena Bhagavā ten'upasankami|| ||

Upasaŋkamitvā Bhagavantaɱ abhivādetvā eka-m-antaɱ nisīdi|| ||

Eka-m-antaɱ nisinno kho āyasmā Ānanda Bhagavantaɱ etad avoca:|| ||

"'Bhavo, bhavo' ti bhante vuccati.|| ||

Kittāvatā nu kho bhante bhavo hotī" ti?|| ||

"Kāma-dhātu-vepakkañ ca Ānanda,||
kammaɱ nābhavissa||
api nu ko kāma-bhavo paññāyethā" ti?|| ||

"Ne h'etaɱ bhante."|| ||

"Iti kho Ānanda,
kammaɱ khettaɱ,||
viñṇaɱ bījaɱ,||
tanhā sineho||
avijjā-nīvaraṇānaɱ sattānaɱ tanhā-saŋyojanānaɱ hīnāya dhātuyā viññāṇaɱ patiṭṭhitaɱ.|| ||

Evaɱ āyatiɱ puna-b-bhavābinibbatti hoti.|| ||

Evaɱ kho Ānanda bhavo hotī.|| ||

3. Rūpa-dhātu-vepakkañ ca Ānanda,||
kammaɱ nābhavissa,||
api nu kho rūpa-bhavo paññāyethā" ti?|| ||

"No h'etaɱ bhante."|| ||

"Iti kho Ānanda,||
kammaɱ khettaɱ,||
viñṇaɱ bijaɱ,||
taṇhā saneho||
avijjā-nīvaraṇānaɱ sattānaɱ taṇhā-saŋyojanānaɱ majjhimāya dhātuyā viññāṇaɱ patiṭṭhitaɱ.|| ||

Evaɱ āyati puna-b-bhavāhinibbatti hoti.|| ||

Evaɱ kho Ānanda bhavo hotī.|| ||

4. Arūpa-dhātu-vepakkañ ca Ānanda kammaɱ nā bhavissa,||
api nu kho arūpa-bhavo paññāyethā" ti?|| ||

[224] "No h'etaɱ bhante."|| ||

"Iti kho Ānanda,||
kammaɱ khettaɱ,||
viñṇaɱ bījaɱ,||
taṇhā sineho||
avijjā-nīvaraṇānaɱ sattānaɱ taṇhā-saŋyojanānaɱ paṇītāya dhātuyā viñṇaɱ patiṭṭhitaɱ|| ||

Evaɱ āyati puna-b-bhav-ā-bhinibbatti hoti|| ||

Evaɱ kho Ānanda, bhavo hotī" ti.|| ||

 


 

Sutta 77

Dutiya Bhava Suttaɱ

 


 

[77.1][pts][than][olds] Evaɱ me sutaɱ.|| ||

Ekaɱ samayaɱ āyasmā Ānanda Vesāliyaɱ viharati Mahāvane Kūṭāgāra-sālāyaɱ|| ||

2. Atha kho āyasmā Ānanda yena Bhagavā ten'upasankami|| ||

Upasaŋkamitvā Bhagavantaɱ abhivādetvā eka-m-antaɱ nisīdi|| ||

Eka-m-antaɱ nisinnaɱ kho Ānanda Bhagavā etad avoca:|| ||

"'Bhavo,||
bhavo' ti bhante vuccati,||
kittāvatā nu kho bhante bhavo hotī" ti?|| ||

"Kāma-dhātu-vepakkañ ca Ānanda,||
kammaɱ nābhavissa,||
api nu kho kāma-bhavo paññāyethā" ti?|| ||

"No h'etaɱ bhante."|| ||

"Iti kho Ānanda,||
kammaɱ khettaɱ,||
viññāṇaɱ bījaɱ,||
taṇhā sineho,||
avijjā-nīvaraṇānaɱ sattānaɱ taṇhā-saŋyojanānaɱ hīnāya dhātuyā cetanā patiṭṭhitā,||
patthanā patiṭṭhitā|| ||

Evaɱ āyati puna-b-bhav-ā-bhinibbatti hoti.|| ||

Rūpa-dhātu vepakkañ ca Ānanda,||
kammaɱ nābhavissa,||
api nu kho rūpa-bhavo paññāyethā" ti?|| ||

"No h'etaɱ bhante."|| ||

"Iti khe Ānanda,||
kammaɱ khettaɱ,||
viññāṇaɱ bījaɱ,||
taṇhā sineho||
avijjānīvaraṇānaɱsattānaɱ taṇhāsaŋyojanānaɱ majjhimāya dhātuyā cetanā patiṭṭhitā,||
patthanā patiṭṭhitā|| ||

Evaɱ āyati puna-b-bhav-ā-bhinibbatti hoti.|| ||

Arūpa-dhātu vepakkañ ca Ānanda kammā nābhavissa,||
api nu ko arūpa-bhavo paññāyethā" ti?|| ||

"No h'etaɱ bhante."|| ||

"Iti kho Ānanda kammaɱ khettaɱ,||
viññāṇaɱ bījaɱ,||
taṇhā sineho||
avijjānīvaraṇānaɱsattānaɱ taṇhāsaŋyojanānaɱ paṇītāya dhātuyā cetanā patiṭṭhitā||
patthanā patiṭṭhitā.|| ||

Evaɱ āyati puna-b-bhav-ā-bhinibbatti hoti|| ||

Evaɱ ko Ānanda bhavo hotī" ti.|| ||

 


Contact:
E-mail
Copyright Statement