Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
VIII. Ānanda Vagga

Sutta 80

Cūḷanikā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[226]

[1][pts] Evaɱ me sutaɱ.|| ||

Ekaɱ samayaɱ āyasmā Ānanda Vesāliyaɱ viharati||
Mahāvane Kūmāgārasālāyaɱ|| ||

Atha kho āyasmā Ānanda yena Bhagavā ten'upasankami|| ||

Upasaŋkamitvā Bhagavantaɱ abhivādetvā eka-m-antaɱ nisīdi|| ||

Eka-m-antaɱ [227] nisinno kho āyasmā Ānanda Bhagavantaɱ etad avoca:|| ||

"Sammukhā me taɱ bhante Bhagavato sutaɱ,||
sammukhā paṭiggahītaɱ Bhagavato:|| ||

'Ānanda Sikhissa Abhibhu nāma sāvako Brahma-loke ṭhito sahassī-loka-dhātuɱ sarena viññāpesī' ti.| ||

Bhagavā pana bhante arahaɱ Sammā-Sam-Buddho kīvatakaɱ pahoti sarena viññāpetun" ti?|| ||

"Sāvako so Ānanda,||
appameyyā Tathāgatā" ti.|| ||

Dutiyam pi kho āyasmā Ānanda Bhagavantaɱ etad avoca:|| ||

"Sammukhā me taɱ bhante Bhagavato sutaɱ,||
sammukhā paṭiggahītaɱ Bhagavato:|| ||

'Ānanda Sikhissa Abhibhu nāma sāvako Brahma-loke ṭhito sahassī-loka-dhātuɱ sarena viññāpesī' ti.| ||

Bhagavā pana bhante arahaɱ Sammā-Sam-Buddho kīvatakaɱ pahoti sarena viññāpetun" ti?|| ||

"Sāvako so Ānanda,||
appameyyā Tathāgatā" ti.|| ||

2. Tatiyam pi kho āyasmā Ānanda Bhagavantaɱ etad avoca:|| ||

"Sammukhā me taɱ bhante Bhagavato sutaɱ,||
sammukhā paṭiggahītaɱ Bhagavato:|| ||

'Ānanda Sikhissa Abhibhu nāma sāvako Brahma-loke ṭhito sahassī-loka-dhātuɱ sarena viññāpesī' ti.| ||

Bhagavā pana bhante arahaɱ Sammā-Sam-Buddho kīvatakaɱ pahoti sarena viññāpetun" ti?|| ||

"Sutāɱ te Ānanda sahassī cūlanikā loka-dhātu" ti?|| ||

"Etassa Bhagavā kālo||
etassa Sugata kālo||
yaɱ Bhagavā bhāseyya,||
Bhagavato sutvā bhikkhū dhāre-s-santī" ti.|| ||

"Tena h'Ānanda suṇāhi,||
sādhukaɱ mana-sikaroti,||
bhāsissāmi" ti|| ||

"Evaɱ bho" ti kho tikaṇṇo brāhmaṇo Bhagavato paccassosi|| ||

Bhagavā etad avoca:|| ||

3. "Yāvatā Ānanda candima-suriyā pariharanti,||
disā bhanti virocanā,||
tāva sahassadhā loko.|| ||

Tasmiɱ sahassadhā loke sahassaɱ candānaɱ,||
sahassaɱ suriyānaɱ,||
sahassaɱ sinerupabba-tarājānaɱ,||
sahassaɱ Jambudīpānaɱ,||
sahassaɱ aparagoyānānaɱ,||
sahassaɱ uttaraKurūnaɱ,||
sahassaɱ pubbavidehānaɱ,||
cattāri mahā-samuddasahassāni,||
cattāri mahārājasahassāni,||
sahassaɱ cātu-m-mahārājikānaɱ,||
sahassaɱ Tāvatiɱsānaɱ,||
[228] sahassaɱ Yāmānaɱ,||
sahassaɱ Tusitānaɱ,||
sahassaɱ Nimmāṇaratīnaɱ,||
sahassaɱ Paranimmita-vasavattinaɱ,||
sahassaɱ Brahma-lokānaɱ.|| ||

Ayaɱ vuccat'Ānanda sahassī cūlanikā loka-dhātu.|| ||

Yāvat'Ānanda sahassī cūlanikā loka-dhātu,||
tāva sahassadhā loko.|| ||

Ayaɱ vuccat'Ānanda dvi-sahassī majjhimikā loka-dhātu.|| ||

Yāvatā Ānanda dvi-sahassī majjhimikā loka-dhātu,||
tāva sahassadhā loko.|| ||

Ayaɱ vuccat'Ānanda ti-sahassī mahāsahassī loka-dhātu.|| ||

Ākaŋkhamāno Ānanda Tathāgato ti-sahassī mahā-sahassī loka-dhātuɱ sarena viññāpeyya,||
yāvatā pana ākaŋkheyyā" ti.|| ||

"Yathā katham pana bhante Bhagavā ti-sahassī mahā-sahassī-loka-dhātuɱ sarena viññāpeyya,||
yāvatā pana ākaŋkheyyā" ti?|| ||

"Idh'Ānanda Tathāgato ti-sahassī-mahā-sahassī-loka-dhātuɱ obhāsena phareyya||
yadā te sattā taɱ ālokaɱ sañjāneyyuɱ,||
atha Tathāgato ghosaɱ kareyya,||
saddam anussāveyya.|| ||

Evaɱ kho Ānanda Tathāgato ti-sahassī-mahā-sahassī-loka-dhātuɱ sarena viññāpeyya,||
yāvatā pana ākaŋkheyyā" ti.|| ||

Evaɱ vutto āyasmā Ānanda Bhagavantaɱ etad avoca:

"Lābhā vata me,||
su-laddhaɱ vata me||
yassa me Satthā evaɱ mahiddhiko evaɱ mah-ā-nubhāvo" ti.|| ||

Evaɱ vutte āyasmā Udāyī āyasmantaɱ Ānandaɱ etad avoca:|| ||

"Kiɱ tumh'ettha āvuso Ānanda yadi te Satthā evaɱ mahiddhiko evaɱ mah-ā-nubhāvo" ti?|| ||

Evaɱ vutte Bhagavā āyasmantaɱ udāyiɱ etad avoca:

"Mā hevaɱ adāyi!|| ||

Mā hevaɱ udāyi!|| ||

Sace udāyi Ānanda avīta-rāgo kālaɱ kareyya,||
tena citta-p-pasādena satta-k-khattuɱ devesu deva-rajjaɱ kareyya,||
satta-k-khattuɱ imasmiɱ yeva Jambudīpe mahārajjaɱ kareyya.|| ||

Api udāyi Ānande diṭṭhe'va dhamme parinibbāyissatī" ti.|| ||

Ānanda Vagga Tatiya

 


Contact:
E-mail
Copyright Statement