Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
IX. Samaṇa Vagga

Sutta 83

Vajjiputta Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[230]

[1][pts][than] Evaɱ me sutaɱ.|| ||

Ekaɱ samayaɱ Bhagavā Vesāliyaɱ viharati Mahāvano Kūmāgārasālāyaɱ.|| ||

Atha kho aññataro Vajji-puttako bhikkhū yena Bhagavā ten'upasankami.|| ||

Upasaŋkamitvā kho so Vajji-puttako bhikkhu saddhiɱ sammodi,||
sammodanīyaɱ kathaɱ sārāṇīyaɱ vīti-sāretvā eka-m-antaɱ nisīdi.|| ||

Eka-m-antaɱ nisinno kho so Vajji-puttako bhikkhu Bhagavantaɱ etad avoca:|| ||

"Sādhikam idaɱ bhante diyaḍḍhasikkhāpadasataɱ anvaddhamāsaɱ uddesaɱ āga-c-chati.|| ||

Nāhaɱ bhante ettha Sakkomi sikkhitun" ti.|| ||

"Sakkasi pana tvaɱ bhikkhū tīsu sikkhāsu sikkhituɱ:|| ||

Adhisīla-sikkhāya||
adhicitta-sikkhāya||
adhipaññā-sikkhāyā" ti?|| ||

"Sakkom'ahaɱ bhante tīsu sikkhāsu sikkhituɱ||
adhisīla-sikkhāya||
adhicitta-sikkhāya||
adipaññā-sikkhāyā" ti.|| ||

2. "Tasmā ti ha tvaɱ bhikkhū tīsu sukkhāsu sikkhassu||
adhisīla-sikkāya||
adicitta-sikkhāya||
adhipaññā-sikkāya.|| ||

Yato kho tvaɱ bhikkhu||
adhisīlam pi sikkhissasī,||
adhicittam pi sikkhissasi,||
adhipaññam pi sikkhissasi,||
tasmā tuyhaɱ bhikkhu||
adhisīlam pi sikkhato||
adhicittam pi sikkhato||
adhipaññam pi sikkhato||
rāgo pahiyyissati,||
doso pahiyyissati,||
moho pahiyyissati.|| ||

Se tvaɱ||
rāgassa pahāṇā||
dosassa pahāṇā||
mohassa pahāṇā||
yaɱ akusalaɱ taɱ na karissasi||
yaɱ pāpaɱ tvaɱ na sevissasī" ti.|| ||

3. Atha kho so bhikkhu aparena samayena||
adhisīlam pi sikkhi,||
adhicittam pi sikkhi,||
adhipaññam pi sikkhi.|| ||

Tassa [231] adhisīlam pi sikkhato||
adhicittam pi sikkhato||
adhipaññam pi sikkhato,||
rāgo pahiyyi,||
Doso pahiyyi,||
Moho pahiyyi.|| ||

So rāgassa pahāṇā||
dosassa pahānā||
mohassa pahāṇā||
yaɱ akusalaɱ taɱ nā kāsi||
yaɱ pāpaɱ taɱ na sevī ti.|| ||

 


Contact:
E-mail
Copyright Statement