Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
IX. Samaṇa Vagga

Sutta 84

Sekkha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[231]

[1][pts] Evaɱ me sutaɱ.|| ||

Ekaɱ samayaɱ Bhagavā Vesāliyaɱ viharati Mahāvano Kūmāgārasālāyaɱ.|| ||

Atha kho aññataro bhikkhū yena Bhagavā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinanaɱ kho so bhikkhu Bhagavantaɱ etad avoca:|| ||

"'Sekho seko' ti bhante vuccati||
kittāvatā nu ko bhante sekho hotī" ti?|| ||

"'Sikkhatī' ti kho bhikkhū tasmā 'sekho' ti vuccati.|| ||

"Kiñ ca sikkha" ti?|| ||

"'Adisīlam pi sikkha' ti||
'adicittam pi sikkha' ti,||
'adipaññam pi sikkha' ti,||
'so kho bhikkhū tasmā sekho' ti vuccatī" ti.|| ||

"Sekhassa sikkhamānassa ujumaggānusārino,||
Khayasmiɱ paṭhamaɱ ñāṇaɱ tato aññā anantarā.||
Tato aññāvimuttassa ñāṇaɱ ve hoti tādino.||
'Akuppā me vimuttī' ti bhava-saŋyojanakkhaye" ti.|| ||

 


Copyright Statement