Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
IX. Samaṇa Vagga

Sutta 89

Dutiya Sikkhā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[235]

[1][pts][than] Evaɱ me sutaɱ.|| ||

Ekaɱ samayaɱ Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Tisso imā bhikkhave sikkhā.|| ||

Katamā tisso?|| ||

Adhisīla-sikkhā||
adhicitta-sikkhā||
adhipaññā-sikkhā.|| ||

 

§

 

Katamā ca bhikkhave adhisīla-sikkhā?|| ||

Idha bhikkhave bhakkhū sīlavā hoti||
Pātimokkha-saŋvara-saɱvuto viharati||
ācāra-gocara-sampanno aṇumattesu vajjesu bhaya-dassāvī||
samādāya sikkhati sikkhā-padesu.|| ||

Ayaɱ vuccati bhikkhave adhisīla-sikkhā.|| ||

Katamā ca bhikhave adhicitta-sikkhā?|| ||

Idha, bhikkhave, bhikkhū vivicc'eva kāmehi||
vivicc'eva kāmehi||
vivicca akusalehi dhammehi||
sa-vitakkaɱ||
sa-vicāraɱ||
viveka-jaɱ pīti-sukhaɱ||
paṭhamaɱ-jhānaɱ upasampajja viharati.|| ||

Vitakka-vicārānaɱ vūpasamā||
ajjhattaɱ sampasādanaɱ||
cetaso ekodi-bhāvaɱ||
avitakkaɱ||
avicāraɱ||
samādhi-jaɱ pīti-sukhaɱ||
dutiyaɱ-jhānaɱ upasampajja viharati.|| ||

Pītiyā ca virāgā||
upekkhako ca viharati||
sato ca sampajāno||
sukhaɱ ca kāyena paṭisaŋvedeti,||
yaɱ taɱ ariyā ācikkhanti.|| ||

'Upekkhako satimā sukha-vihāri' ti|| ||

taɱ tatiyaɱ-jhānaɱ upasampajja viharati.|| ||

Sukhassa ca pahāṇā||
dukkhassa ca pahāṇā||
pubb'eva somanassa-domanassānaɱ atthaŋ-gamā||
adukkaɱ||
asukhaɱ||
upekkhā-sati-pārisuddhiɱ||
[236] catutthaɱ-jhānaɱ upasampajja viharati.|| ||

Ayaɱ vuccati bhikkhave adhictta-sikkhā.|| ||

Katamā ca bhikkhave adhipaññā-sikkhā?|| ||

Idha bhikkhave bhikkhū āsavānaɱ khayā||
anāsavaɱ ceto-vimuttiɱ||
paññā-vimuttiɱ||
diṭṭhe'va dhamme sayaɱ||
abhiññā sacchi-katvā upasampajja viharati.|| ||

Ayaɱ vuccati bikkhave adhipaññā-sikkhā.|| ||

Imā ko bhikkhave tisso sikkhā" ti.|| ||

 


 

Adhisīlaɱ adhicittaɱ ca adhipaññca viriyavā,||
Thāmavā dhitimā jhāyī sato guttindriyo care||
Yathā pure tathā pacchā yathā pacchā tathā pure||
Yathā adho tathā uddhaɱ yathā uddhaɱ tathā adho||
Yathā divā tathā rattiɱ yathā rattiɱ tathā divā||
Abhibhuyya disā sabbā appamāṇa-samādhinā||
Tam āhu sekkhaɱ paṭipadaɱ atho saɱsuddha-cāraṇaɱ,||
Tam āhu loke sambuddhaɱ dhiraɱ paṭipadantaguɱ.||
Viññāṇassa nirodhena taṇhākkhaya-vimuttino,||
Pajjotass'eva nibbāṇaɱ vimokkho hoti cetaso.|| ||

 


Contact:
E-mail
Copyright Statement