Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
X. Loṇaphala Vagga

Sutta 92

Paviveka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[240]

[1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Tīṇ'imāni bhikkhave aññatitthiyā paribbājakā pavivekāni paññā-penti.|| ||

Katamāni tīṇi?|| ||

Cīvara-pavivekaɱ||
piṇḍa-pāta-pavivekaɱ||
senāsana-pavivekaɱ.|| ||

Tatr'adaɱ bhikkhave aññatitthiyā paribbājakā cīvara-pavivekasmiɱ paññā-penti:|| ||

Sāṇāni pi dhārenti,||
masāṇāni pi dhārenti,||
chavadussāni pi dharenti,||
paɱsukūlāni pi dhārenti,||
tirīṭakāni pi dhārenti,||
ajināni pi dharenti,||
ajinakkhipam pi dhārenti,||
kusa-cīram pi dhārenti,||
vākacīram pi dhārenti,||
phalakacīram pi dhārenti,||
kesakam-balam pi dhārenti||
vālakam-balam [241] pi dhārenti,||
ulūkapakkhikam pi dhārenti.|| ||

Idaɱ kho bhikkhave aññatitthiyā paribbājakā cīvara-pavivekasmiɱ paññā-penti.|| ||

Tatr'idaɱ bhikkhave aññatitthiyā paribbājakā piṇḍa-pātapavivekasmiɱ paññā-penti:|| ||

Sāka-bhakkhā pi honti,||
sāmāka-bhakkhā pi honti,||
nīvāra-bhakkhā pi honti,||
dadduḷa-bhakkhā pi honti,||
haṭa-bhakkhā pi honti,||
kaṇa-bhakkhā pi honti,||
ācāma-bhakkhā pi honti,||
piññāka-bhakkhā pi honti,||
tiṇa-bhakkhā pi honti,||
gomaya-bhakkhā pi honti,||
vanamūlaphalāhārā yāpenti pavatta-phalabhojī.|| ||

Idaɱ ko bhikkhave aññatitthiyā paribbājakā piṇḍa-pāta-pavivekasmiɱ paññā-penti.|| ||

Tatr'idaɱ bhikkhave aññatittiyā parabbājakā senāsana-pavivekasmiɱ paññā-penti:|| ||

Araññaɱ,||
rukkha-mūlaɱ,||
susānaɱ,||
vanapanthaɱ,||
abbhokāsaɱ,||
palālapuñjaɱ,||
bhusāgāraɱ.|| ||

Idaɱ ko bhikkhave aññatitthiyā paribbājakā senāsanapavivekasmiɱ paññā-penti.|| ||

Imāni kho bhikkhave tīṇi aññatitthiyā paribbājakā pavivekāni paññā-penti.|| ||

2. Tīṇi kho imāni bhikkhave imasmiɱ Dhamma-Vinaye bhikkhuno pavivekāni.|| ||

Katamāni tīṇi?|| ||

Idha, bhikkhave, bikkhū sīlavā ca hoti||
dussīlyañ c'assa pahīnaɱ hoti,||
tena ca vivitto hoti.|| ||

Sammā-diṭṭhiko hoti,||
micchā-diṭṭhi c'assa pahīṇā hoti,||
tāya ca vivitto hoti.|| ||

Khīṇosavo ca hoti,||
āsavā c'assa pahīṇā honti,||
tehi ca vivitto hoti.|| ||

Yato kho bhikkhave bhikkhu silavā hoti,||
dussīlyañ c'assa pahīnaɱ hoti,||
tena ca vivitto hoti.|| ||

Sammā-diṭṭhiko hoti,||
micchā-diṭṭhi c'assa pahīṇā hoti,||
tāya ca vivitto hoti.|| ||

Khīṇ'āsavo ca hoti,||
āsavā c'assa pahīṇā honti,||
tehi ca vivitto hoti.|| ||

Ayaɱ vuccati bhikkhave bhikkhū aggappatto sārappatto suddho sāre patiṭṭhito.|| ||

3. Seyyathā pi bikkhave kassakassa gahapatissa sampannaɱ sālikkhettaɱ.|| ||

Tam enaɱ kassakassa gahapati sīgha-sīghaɱ vapāpeyya,||
sīgha-sighaɱ vapāpetvā,||
sīgha-sīghaɱ Saŋgharāpeyya.|| ||

Sīgha-sīghaɱ Saŋgharapetvā,||
sīgha-sīghaɱ ubbahā- [242] peyya.|| ||

Sūgha-sīghaɱ ubbahāpetvā,||
sīgha-sīghaɱ puñjaɱ kārāpeyya.|| ||

Sīgha-sīghaɱ puñjaɱ kārāpetvā,||
sīgha-sīghaɱ maddāpeyya.|| ||

Sīgha-sīghaɱ maddāpetvā,||
sīgha-sīghaɱ palālāni uddharāpeyya.|| ||

Sīgha-sīghaɱ palālāni uddharāpetvā,||
sīgha-sīghaɱ bhusikaɱ uddharāpeyya.|| ||

Sīgha-sīghaɱ bhūsikaɱ uddharāpetvā,||
sīgha-sīghaɱ opuṇāpeyya.|| ||

Sīgha-sīghaɱ opuṇāpetvā,||
sīgha-sīghaɱ atiraharāpeyya.|| ||

Sūgha-sīghaɱ atiharāpetvā,||
sīgha-sīghaɱ koṭṭhāpeyya.|| ||

Sīgha-sīghaɱ koṭṭāpetvā,||
sīgha-sīghaɱ thusāni uddharāpeyya.|| ||

Evam assu tāssa bhikkhave kassakassa gahapatissa tāni dhaññāni aggappattāni sārappattāni suddhāni sāre patiṭṭhitini.|| ||

Evam eva kho bikkhave bhikkhū sūlavā ca hoti,||
dussīlyañ c'assa pahīnaɱ hoti,||
tena ca vivitto hoti.|| ||

Sammā-diṭṭhiko ca hoti,||
micchā-diṭṭhi c'assa pahīṇā hoti,||
tāya ca vivitto hoti.|| ||

Khīṇ'āsavo ca hoti,||
āsavā c'assa pahīṇā honti,||
tehi ca vivitto hoti.|| ||

Ayaɱ vuccati bhikkhave bhikkhū aggappatto sārappatto suddho sāre patiṭṭhito ti.|| ||

[Note: The BJT and CSCD Pali break this into two suttas here. The BJT Pali has all four jhānas.]

Seyyathā pi, bhikkhave, sarada-samaye viddhe vigata-valāhake deve ādicco nabhaɱ abbhūssakkamāno sabbaɱ ākāsagataɱ tamaɱ abhivihacca bhāsate ca tapate ca virocati ca.|| ||

Evam eva kho bhikkhave yato ariya-sāvakassa virajaɱ vīta-malaɱ Dhamma-cakkhuɱ udapādi.|| ||

Sahadassanuppādā bhikkhave ariya-sāvakassa tīṇi saŋyojanāni pahīyanti,||
sakkāya-diṭṭhi||
vicikicchā||
sīlabbataparāmāso.|| ||

Athāparaɱ dvihi dhammehi niyyāti abhijjhāya ca vyāpādena ca.|| ||

So vivicc'eva kāmehi vivicc'eva kāmehi vivicca akusalehi dhammehi sa-vitakkaɱ sa-vicāraɱ viveka-jaɱ pīti-sukhaɱ paṭhamaɱ-jhānaɱ upasampajja viharati.|| ||

Vitakka-vicārānaɱ vūpasamā ajjhattaɱ sampasādanaɱ cetaso ekodi-bhāvaɱ avitakkaɱ avicāraɱ samādhi-jaɱ pīti-sukhaɱ dutiyaɱ-jhānaɱ upasampajja viharati.|| ||

Tasmiɱ bikkhave samaye ariya-sāvako kālaɱ kareyya,||
n'atthi taɱ saŋyojanaɱ,||
yena saŋyojanena saŋyutto ariya-sāvako puna imaɱ lokaɱ āgaccheyyā ti.|| ||

 


Copyright Statement