Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
X. Loṇa-Phala Vagga

Sutta 96

Tatiyam Ājānīya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[245]

[1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Tīhi bhikkhave aŋgehi samannāgato rañño bhadro ass-ā-jānīye rājā-raho hoti rāja-bhoggo rañño aŋgan t'veva saŋkhaɱ gacchati.|| ||

Katamehi tīhi?|| ||

[246] Idha, bhikkhave, rañño bhaddo ass-ā-jāniyo vañṇasampanno ca hoti,||
bala-sampanno ca||
java-sampanno ca.|| ||

Imehi kho bhikkhave tīhā aŋgehi samannāgato rañño bhaddo ass-ā-jānīyo rājā-raho hoti rāja-bhoggo rañño aŋgan t'veva saŋkhaɱ gacchati.|| ||

2. Evam eva kho bhikkhave tīhi dhammehi samannāgato bhikkhu āhuneyyo hoti,||
pāhuneyyo,||
dakkhiṇeyyo,||
añjali-karaṇīyo,||
anuttaraɱ puñña-k-khettaɱ lokassā.|| ||

Katamehi tīhi?|| ||

Idha, bhikkhave, bhikkhu vanṇa-sampanno ca hoti||
bala-sampanno ca||
java-sampanno ca.|| ||

 

§

 

3. Kathañ ca bhikkhave bhikkhū vaṇṇa-sampanno hoti?|| ||

Idha, bhikkhave, bhikkhū sīlavā hoti,||
Pātimokkha-saŋvara-saɱvuto viharati||
ācāra-gocara-sampanno aṇumattesu vajjesu bhaya-dassāvī,||
samādāya sikkhati sikkhā-padesu.|| ||

Evaɱ kho bhikkhave bhikkhū vaṇṇa-sampanno hoti.|| ||

4. Kathañ ca bhikkhave bhikkhu bala-sampanno hoti?|| ||

Idha, bhikkhave, bhikkhu āraddha-viriyo viharati akusalānaɱ dhammānaɱ pahāṇāya||
kusalānaɱ dhammānaɱ upasampadāya thāmavā daḷha-parakkamo anikkhitta-dhūro kusalesu dhammesu.|| ||

Evaɱ kho bhikkhave bhikkhu bala-sampanno hoti.|| ||

Kathañ ca bhikkhave bhikkhū java-sampanno hoti:|| ||

Idha, bhikkhave, bhikkhū āsavānaɱ khayā anāsavaɱ cetovumuttiɱ paññā-vimuttiɱ diṭṭh'eva dhamema sayaɱ abhiññā sacci-katvā upasampajja viharati.|| ||

Evaɱ kho bhikkhave bhikkhū java-sampanno hoti.|| ||

Imehi kho bhikkhave tīhi dhammehi samannāgato bhikkhū āhuneyyo hoti pāhuneyyo,||
dakkhiṇeyyo,||
añjali-karaṇīyo,||
anuttaraɱ puñña-k-khettaɱ lokassā" ti.|| ||

 


Contact:
E-mail
Copyright Statement