Aŋguttara-Nikāya
III. Tika Nipāta
X. Loṇa-Phala Vagga
Sutta 99
Loṇaka-Phala Suttaɱ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][bit][pts][than][olds] Evaɱ me sutaɱ.|| ||
Ekaɱ samayaɱ Bhagavā Sāvatthiyaɱ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuɱ.|| ||
Bhagavā etad avoca:|| ||
"Yo bhikkhave evaɱ vadeyya:|| ||
'Yathā yathāyaɱ puriso kammaɱ karoti,||
tathā tathā taɱ paṭisaŋvediyatī' ti.|| ||
Evaɱ santaɱ bhikkhave brahma-cariy-a-vāso na hoti.|| ||
Okāso na paññāyati sammā dukkhassa antakiriyāya.|| ||
■
Yo ca kho bhikkhave evaɱ vadeyya:|| ||
'Yathā yathā vedanīyaɱ ayaɱ puriso kammaɱ karoti,||
tathā tathāssa vipākaɱ paṭisaŋvediyatī' ti.|| ||
Evaɱ santaɱ bhikkhave brahma-cariy-a-vāso hoti.|| ||
Okāso paññāyati sammā dukkhassa antakiriyāya.|| ||
§
Idha, bhikkhave, ekaccassa puggalassa
appa-mattakam pi pāpaɱ kammaɱ kataɱ,||
tam enaɱ Nirayaɱ upaneti.|| ||
Idha pana bhikkhave ekaccassa puggalassa||
tādisaɱ yeva appa-mattakaɱ pāpaɱ kammaɱ kataɱ||
diṭṭha-dhamme c'eva vedanīyaɱ hoti||
nāṇu pi khāyati||
bahu-d-eva.|| ||
§
2. Kathaɱ-rūpassa bhikkhave puggalassa||
appa-mattakam pi pāpaɱ kammaɱ kataɱ||
tam enaɱ Nirayaɱ upaneti?|| ||
Idha bhikkhave ekacco puggalo||
abhāvita-kāyo hoti||
abhāvita-sīlo||
abhāvita-citto||
abhāvita-pañño||
paritto app'ātumo appa-dukkha-vihārī.|| ||
Eva-rūpassa bhikkhave puggalassa appa-mattakam pi pāpaɱ kammaɱ kataɱ tam enaɱ Nirayaɱ upaneti.|| ||
■
Kathaɱ-rūpassa bhikkhave puggalassa tādisaɱ yeva appa-mattakaɱ pāpaɱ kammaɱ kataɱ diṭṭha-dhamma-vedanīyaɱ hoti,||
nāṇu pi khāyati,||
kiɱ bahud eva?|| ||
Idha, bhikkhave, ekacco puggalo bhāvitakāyo hoti||
bhāvita-sīlo||
bhāvita-citto||
bhāvita-pañño||
aparitto mahattā appamāṇa-vihārī.|| ||
Eva-rūpassa bhikkhave puggalassa tādisaɱ yeva appa-mattakaɱ pāpaɱ kammaɱ kataɱ duṭṭhadhamma-vedanīyaɱ hoti||
nāṇu pi khāyati||
kiɱ bahud eva.|| ||
■
[250] 3. Seyyathā pi, bhikkhave, puriso loṇa-phalaɱ paritte udaka-mallake pakkhipeyya.|| ||
Taɱ kiɱ maññatha bhikkhave?|| ||
Api nu taɱ parittaɱ udaka-mallake udakaɱ amunā loṇa-phalena loṇaɱ assa appeyyān" ti?|| ||
"Evaɱ bhante.|| ||
Taɱ kissa hetu?|| ||
Aduɱ hi bhante parittaɱ udaka-mallake udakaɱ||
taɱ amunā loṇa-phalena loṇaɱ assa appeyyān" ti.|| ||
■
"Seyyathā pi, bhikkhave, puriso loṇa-phalaɱ Gaŋgāya nadiyā pakkhipeyya.|| ||
Taɱ kiɱ maññatha bhikkhave?|| ||
Api nu sā Gaŋgā nadī amunā loṇa-phalena loṇaɱ assa appeyyā" ti?|| ||
"No h'etaɱ bhante.|| ||
Taɱ kussa hetu?|| ||
Asu hi bhante Gaŋgāya nadiyā mahā udaka-k-khandho.|| ||
So amunā loṇa-phalena na loṇo assa appeyyo" ti.|| ||
■
"Evam eva ko bhikkhave idh'ekaccassa puggalassa appa-mattakam pi pāpaɱ kataɱ tam enaɱ Nirayaɱ upaneti.|| ||
Idha pana bhikkhave ekaccassa puggalassa tādisaɱ yeva appa-mattakaɱ pāpaɱ kammaɱ kataɱ diṭṭha-dhamma-vedanīyaɱ hoti||
nāṇu pi khāyati||
kiɱ bahud eva.|| ||
§
4. Kathaɱ-rūpassa bhikkhave puggalassa appa-mattakam pi pāpaɱ kammaɱ kataɱ tam enaɱ Nirayaɱ upaneti?|| ||
Idha bhikkhave ekacco puggalo||
abhāvita-kāyo hoti||
abhāvita-sīlo||
abhāvita-citto||
abhāvita-pañño||
paritto app'ātumo appa-dukkha-vihārī.|| ||
Eva-rūpassa bhikkhave puggalassa appa-mattakam pi pāpaɱ kammaɱ kataɱ tam enaɱ Nirayaɱ upaneti.|| ||
■
Kathaɱ-rūpassa bhikkhave puggalassa tādisaɱ yeva appa-mattakaɱ pāpaɱ kammaɱ kataɱ diṭṭha-dhamma-vedanīyaɱ hoti,||
nāṇu pi khāyati,||
kiɱ bahud eva?|| ||
Idha, bhikkhave, ekacco puggalo bhāvitakāyo hoti||
bhāvita-sīlo||
bhāvita-citto||
bhāvita-pañño||
aparitto mahattā appamāṇa-vihārī.|| ||
Eva-rūpassa bhikkhave puggalassa tādisaɱ yeva appa-mattakaɱ pāpaɱ kammaɱ kataɱ duṭṭhadhamma-vedanīyaɱ hoti||
nāṇu pi khāyati||
kiɱ bahud eva.|| ||
■
5. Idha, bhikkhave, ekacco addha-kahāpaṇena pi||
bandhanaɱ nigacchati,||
kahāpaṇena pi||
bandhanaɱ nigacchati,||
kahā- [251] paṇasatena pi||
bandhanaɱ nigacchati.|| ||
■
Idha pana bhikkhave ekacco addha-kahāpaṇena pi||
na bandhanaɱ nigacchati||
kahāpaṇena pi||
na bandhanaɱ nigacchati||
kahāpaṇasatena pi||
na bandhanaɱ nigacchati.|| ||
■
Kathaɱ-rūpo bhikkhave addha-kahāpaṇena pi||
bandhanaɱ nigacchati,||
kahāpaṇena pi||
bandhanaɱ nigacchati,||
kahāpaṇasatena pi||
bandhanaɱ nigacchati?|| ||
Idha bikkhave ekacco daḷiddo hoti||
appassako||
appabhogo.|| ||
Eva-rūpo bhikkhave addha-kahāpaṇena pi||
bandhanaɱ nigacchati||
kahāpaṇena pi||
bandhanaɱ nigacchati||
kahāpaṇasatena pi||
bandhanaɱ nigacchati.|| ||
■
Kathaɱ-rūpo bhikkhave addha-kahāpaṇena pi||
na bandhanaɱ nigacchati,||
kahāpaṇena pi||
na bandhanaɱ nigacchati,||
kahāpaṇasatena pi||
na bandhanaɱ nigacchati?|| ||
Idha, bhikkhave, ekacco aḍḍho hoti||
maha-d-dhano||
mahā-bhogo.|| ||
Eva-rūpo bikkhave addha-kahāpaṇena pi||
na bandhanaɱ nigacchati,||
kahāpaṇena pi||
na bandhanaɱ nigacchati||
kahāpaṇasatena pi||
na bandhanaɱ nigacchati.|| ||
■
"Evam eva ko bhikkhave idh'ekaccassa puggalassa appa-mattakam pi pāpaɱ kataɱ tam enaɱ Nirayaɱ upaneti.|| ||
Idha pana bhikkhave ekaccassa puggalassa tādisaɱ yeva appa-mattakaɱ pāpaɱ kammaɱ kataɱ diṭṭha-dhamma-vedanīyaɱ hoti||
nāṇu pi khāyati||
kiɱ bahud eva.|| ||
§
6. Kathaɱ-rūpassa bhikkhave puggalassa appa-mattakam pi pāpaɱ kammaɱ kataɱ tam enaɱ Nirayaɱ upaneti?|| ||
Idha bhikkhave ekacco puggalo||
abhāvita-kāyo hoti||
abhāvita-sīlo||
abhāvita-citto||
abhāvita-pañño||
paritto app'ātumo appa-dukkha-vihārī.|| ||
Eva-rūpassa bhikkhave puggalassa appa-mattakam pi pāpaɱ kammaɱ kataɱ tam enaɱ Nirayaɱ upaneti.|| ||
■
Kathaɱ-rūpassa bhikkhave puggalassa tādisaɱ yeva appa-mattakaɱ pāpaɱ kammaɱ kataɱ diṭṭha-dhamma-vedanīyaɱ hoti,||
nāṇu pi khāyati,||
kiɱ bahud eva?|| ||
Idha, bhikkhave, ekacco puggalo bhāvitakāyo hoti||
bhāvita-sīlo||
bhāvita-citto||
bhāvita-pañño||
aparitto mahattā appamāṇa-vihārī.|| ||
Eva-rūpassa bhikkhave puggalassa tādisaɱ yeva appa-mattakaɱ pāpaɱ kammaɱ kataɱ duṭṭhadhamma-vedanīyaɱ hoti||
nāṇu pi khāyati||
kiɱ bahud eva.|| ||
■
7. Seyyathā pi bhikkhave orabbhiko vā||
urabbha-ghātako [252] vā||
appekaccaɱ urabbhaɱ adinnaɱ ādiyamānaɱ pahoti||
hantuɱ vā||
bandhituɱ vā||
jāpetuɱ vā||
yathā-paccayaɱ vā kātuɱ,||
appekaccaɱ urabbhaɱ adinnaɱ ādiyamānaɱ nappahoti||
hantuɱ vā||
bandhituɱ vā||
jāpetuɱ vā||
yathā-paccayaɱ vā kātuɱ.|| ||
Kathaɱ-rūpo bhikkhave orabbhiko vā||
urabbha-ghātako vā||
urabbhaɱ adinnaɱ ādiyamānaɱ pahoti||
hantuɱ vā||
bhandhituɱ vā||
jāpetuɱ vā||
yathā-paccayaɱ vā kātuɱ?|| ||
Idha, bhikkhave, ekacco daḷiddo hoti appassako appabhogo.|| ||
Eva-rūpo bhikkhave orabbhiko vā||
urabbha-ghātako vā||
urabbhaɱ adinnaɱ ādiyamānaɱ pahoti||
hantuɱ vā||
bandhituɱ vā||
jāpetuɱ vā||
yathā-paccayaɱ vā kātuɱ|| ||
Kathaɱ-rūpaɱ bhikkhave orabbhiko vā||
urabbha-ghātako vā||
urabbhaɱ adinnaɱ ādiyamānaɱ nappahoti||
hantuɱ vā||
bandhituɱ vā||
jāpetuɱ vā||
yathā-paccayaɱ vā kātuɱ?|| ||
Idha, bhikkhave, ekacco aḍḍho hoti||
maha-d-dhano||
mahā-bhogo||
rājā vā||
rāja-mahā-matto va.|| ||
Eva-rūpaɱ bhikkhave orapbhiko vā||
urabbha-ghātako vā||
urabbhaɱ adinnaɱ aidiyamānaɱ nappahoti||
hantuɱ vā||
pandhitu vā||
jāpetu vā||
yathā-paccayaɱ vā kātuɱ.|| ||
Aññadatthu pañjaliko va naɱ yāvati:|| ||
'Dehi me mārisa urabbhaɱ vā urabbhadhanaɱvā' ti.|| ||
Evam eva ko bhikkhave idh'ekaccassa puggalassa appa-mattakam pi pāpaɱ kataɱ tam enaɱ Nirayaɱ upaneti.|| ||
Idha pana bhikkhave ekaccassa puggalassa tādisaɱ yeva appa-mattakaɱ pāpaɱ kammaɱ kataɱ diṭṭha-dhamma-vedanīyaɱ hoti||
nāṇu pi khāyati||
kiɱ bahud eva.|| ||
§
8. Kathaɱ-rūpassa bhikkhave puggalassa appa-mattakam pi pāpaɱ kammaɱ kataɱ tam enaɱ Nirayaɱ upaneti?|| ||
Idha bhikkhave ekacco puggalo abhāvita-kāyo hoti||
abhāvita-sīlo||
abhāvita-citto||
abhāvita-pañño||
paritto app'ātumo appa-dukkha-vihārī.|| ||
Eva-rūpassa bhikkhave [253] puggalassa appa-mattakam pi pāpaɱ kammaɱ kataɱ tam enaɱ Nirayaɱ upaneti.|| ||
Kathaɱ-rūpassa bhikkhave puggalassa tādisaɱ yeva appa-mattakaɱ pāpaɱ kammaɱ kataɱ diṭṭha-dhamma-vedanīyaɱ hoti,||
nāṇu pi khāyati,||
kiɱ bahud eva?|| ||
Idha, bhikkhave, ekacco puggalo bhāvitakāyo hoti||
bhāvita-sīlo||
bhāvita-citto||
bhāvita-pañño||
aparitto mahattā appamāṇa-vihārī.|| ||
Eva-rūpassa bhikkhave puggalassa tādisaɱ yeva appa-mattakaɱ pāpaɱ kammaɱ kataɱ duṭṭhadhamma-vedanīyaɱ hoti||
nāṇu pi khāyati||
kiɱ bahud eva.|| ||
§
"Yo bhikkhave evaɱ vadeyya:|| ||
'Yathā yathāyaɱ puriso kammaɱ karoti,||
tathā tathā taɱ paṭisaŋvediyatī' ti.|| ||
Evaɱ santaɱ bhikkhave brahma-cariy-a-vāso na hoti.|| ||
Okāso na paññāyati sammā dukkhassa antakiriyāya.|| ||
Yo ca kho bhikkhave evaɱ vadeyya:|| ||
'Yathā yathā vedanīyaɱ ayaɱ puriso kammaɱ karoti,||
tathā tathāssa vipākaɱ paṭisaŋvediyatī' ti.|| ||
Evaɱ santaɱ bhikkhave brahma-cariy-a-vāso hoti.|| ||
Okāso paññāyati sammā dukkhassa antakiriyāya" ti.|| ||
