Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
XI. Sambodhi Vagga

Sutta 107

Paṭhama Nidāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[263]

[1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Tīṇ'imāni bhikkhave nidānāni kammānaɱ samudayāya.|| ||

Katamāni tīṇi?|| ||

Lobo nidānaɱ kammānaɱ samudayāya.|| ||

Doso nidānaɱ kammānaɱ samudayāya.|| ||

Moho nidānaɱ kammānaɱ samudayāya.|| ||

Yaɱ bhikkhave lobha-pakataɱ kammaɱ||
lobha-jaɱ||
lobha-nidānaɱ||
lobha-samudayaɱ.|| ||

Taɱ kammā akusalaɱ,||
taɱ kammaɱ sāvajjaɱ,||
taɱ kammaɱ dukkha-vipākaɱ,||
taɱ kammaɱ kamma-samudayāya saŋvattati.|| ||

Na taɱ kammaɱ kamma-nirodhāya saŋvattati.|| ||

Yaɱ bhikkhave dosa-pakataɱ kammaɱ||
dosa-jaɱ||
dosa-nidānaɱ||
dosa-samudayaɱ.|| ||

Taɱ kammaɱ akusalaɱ,||
taɱ kammaɱ sāvajjaɱ,||
taɱ kammaɱ dukkha-vipākaɱ,||
taɱ kammaɱ kamma-samudayāya saŋvattati.|| ||

Na taɱ kammā kamma-nirodhāya saŋvattati.|| ||

Yaɱ bhikkhave moha-pakataɱ kammaɱ||
moha-jaɱ||
moha-nidānaɱ||
moha-samudayaɱ.|| ||

Taɱ kammā akusalaɱ,||
taɱ kammaɱ sāvajjaɱ,||
taɱ kammaɱ dukkha-vipākaɱ,||
taɱ kammaɱ kamma-samudayāya saŋvattati.|| ||

Na taɱ kammā kamma-nirodhāya saŋvattati.|| ||

Imāni ko bhikkhave tīni nidānāni kammānaɱ samudayāya" ti.|| ||

 


Contact:
E-mail
Copyright Statement