Aṅguttara-Nikāya
III. Tika Nipāta
XIII. Kusināra Vagga
Sutta 126
Kaṭuviya Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][than] Evaṃ me sutaṃ:|| ||
Ekaṃ samayaṃ Bhagavā Bārāṇasiyaṃ viharati Isipatane Migadāye.|| ||
Atha kho Bhagavā pubbanaha-samayaṃ nivāsetvā patta-cīvaram ādāya Bārāṇasiṃ piṇaḍāya pāvisi.|| ||
[280] Addasā kho Bhagavā Goyogapilakkhasmiṃ piṇḍāya caramāno aññataraṃ bhikkhuṃ rittāssādaṃ bāhirāssādaṃ sammuṭṭha-s-satiṃ asampajānaṃ asamāhitaṃ vibbhanta-cittaṃ pākat'indriyaṃ.|| ||
Disvā taṃ bhakkhuṃ etad avoca:|| ||
"Bhikkhu bhikkhu mā kho tvaṃ attāṇaṃ kaṭuviyam akāsi.|| ||
Taṃ vata bhikkhū kaṭuviyakataṃ attāṇaṃ āmagandhe ava-s-sutaṃ makkhikā nānupatissanti nanvāssavissantī n'etaṃ ṭhānaṃ vijjatī" ti.|| ||
2. Atha kho so bhikkhu Bhagavatā iminā ovādena ovadito saṃvegam āpādi.|| ||
Atha ko Bhagavā Bārāṇasiyaṃ pinḍāya caritvā pacchā-bhattaṃ pinḍapāta-paṭikkanto bhikkhū āmantesi:|| ||
"Idāhaṃ bhikkhave pubnhasamaya nivāsetvā patta-cīvaram ādāya Bārāṇasiṃ piṇḍāya pāvisiṃ.|| ||
Addasaṃ ko ahaṃ bhikkhave Goyogapilakkhasmiṃ piṇḍāya caramāno aññataraṃ bhikkhuṃ rittāssādaṃ bāhirāssādaṃ sammuṭṭha-s-satiṃ asampajānaṃ asamāhitaṃ vibbhanta-cittaṃ pākat'indriyaṃ.|| ||
Disvā taṃ bhikkhuṃ etad avoca:|| ||
'Bhikkhu bhikkhu mā kho tvaṃ attāṇaṃ kaṭuviyam akāsi.|| ||
'Taṃ vata bhikkhū kaṭuviyakataṃ attāṇaṃ āmagandhe ava-s-sutaṃ makkhikā nānupatissanti nānvāssavissantī,'||
ti n'etaṃ ṭhānaṃ vijjatī' ti.|| ||
Atha kho bhikkhave so bhikkhu mayā imānā ovādena ovadito saṃvegam āpādī" ti.|| ||
3. Evaṃ vutte aññataro bhikkhū Bhagavantaṃ etad avoca:|| ||
"Kin nu ko bhante kaṭuviyaṃ ko āmagandho kā makkhikā" ti?|| ||
"Abhājjhā ko bikkhū kaṭuviya,||
vyāpādo āmagandho,||
pāpakā akusalā vitakkā makkhikā.|| ||
Taṃ vata bhikkhū kaṭuviya kataṃ attāṇaṃ āmagandhe ava-s-sutaṃ makkhikā nānupatissanti nānvassavissantī n'etaṃ ṭhānaṃ vijjatī" ti.|| ||
[281] "Aguttaṃ cakkhusotasmiṃ indriyesu asaṃvutaṃ,||
Makkhikā'nupatissanti saṃkappā rāganissitā||
Kaṭuviyakato bhikkhu āmagandhe avassuto,||
Ārakā hoti nibbāṇā vighātass'eva Bhagavā||
Gāme vā yadi vā'raññe aladdhā samam attano,||
Pareti bālo dummedho makkhikāhi purakkhato||
Ye ca sīlena sampannā paññāyupasame ratā||
Upasantā sukhaṃ senti nāsayitvāna makkhikā" ti.|| ||
