Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
XIV. Yodhājīva Vagga

Sutta 131

Yodhājīva Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[284]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

Tīhi bhikkhave aŋegehi samannāgato yodhājīvo rājā-raho hoti||
rājaboggo,||
rañño aŋgan t'veva saŋakhaɱ gacchati.|| ||

Katamehi tīhi?|| ||

Idha, bhikkhave, yodhājīvo dūre pātī ca hoti,||
akkhaṇavedhi ca,||
mahato ca kāyassa padāletā.|| ||

Imehā kho bhikkhave tīhi aŋgehi samannāgato yodhājīvo rājā-raho hoti||
rāja-bhoggo,||
rañño aŋgan t'veva saŋkhaɱ gacchati.|| ||

2. Evam eva kho bhikkhave tīhi aŋgehi samannāgato bhikkhū āhuneyyo hoti pāhuneyiyo dakkhineyiyo aŋjalikaraneyiyo anuttaraɱ puñña-k-khettaɱ lokassā.|| ||

Katamehi tīhi?|| ||

Idha, bhikkhave, bhikkhū dūre pātī ca hoti||
akkhaṇavedhi ca||
mahato ca kāyassa padāletā.|| ||

Kathañ ca bhikkhave bhikkhū dare pātī?|| ||

Idha, bhikkhave, bhikkhū yaɱ kiñci rūpaɱ atītānāgatapaccuppannaɱ||
ajjhattaɱ vā bahiddhā vā||
olārikaɱ vā||
sukumaɱ vā||
hīnaɱ vā||
paṇītaɱ vā||
yaɱ dūre vā||
santike vā||
sabbaɱ rūpaɱ:|| ||

"N'etaɱ mama,||
n'eso'ham asmi,||
na m'eso attā" ti.|| ||

Evam etaɱ yathā-bhūtaɱ samma-p-paññāya passati.|| ||

Yā kāci vedanā atītānāgatapaccuppannaɱ||
ajjhattaɱ vā bahiddhā vā||
olārikaɱ vā||
sukumaɱ vā||
hīnaɱ vā||
paṇītaɱ vā||
yaɱ dūre vā||
santike vā||
sabbaɱ vedanaɱ:

"N'etaɱ mama,||
n'eso'haɱ- [285] asmi,||
na m'eso attā" ti.|| ||

Evam etaɱ yathā-bhūtaɱ samma-p-paññāya passati.|| ||

Yā kāci saññā atītānāgatapaccuppannaɱ||
ajjhattaɱ vā bahiddhā vā||
olārikaɱ vā||
sukumaɱ vā||
hīnaɱ vā||
paṇītaɱ vā||
yaɱ dūre vā||
santike vā||
sabbaɱ saññaɱ:|| ||

"N'etaɱ mama,||
n'eso'ham asmi,||
na m'eso attā" ti.|| ||

Evam etaɱ yathā-bhūtaɱ samma-p-paññāya passati.|| ||

Ye keci saŋkārā atītānāgatapaccuppannaɱ||
ajjhattaɱ vā bahiddhā vā||
olārikaɱ vā||
sukumaɱ vā||
hīnaɱ vā||
paṇītaɱ vā||
yaɱ dūre vā||
santike vā||
sabbaɱ saŋkhare:|| ||

"N'etaɱ mama,||
n'eso'ham asmi,||
na m'eso attā" ti.|| ||

Evam etaɱ yathā-bhūtaɱ samma-p-paññāya passati.|| ||

Yaɱ kiñci viññāṇaɱ atītānāgatapaccuppannaɱ||
ajjhattaɱ vā bahiddhā vā||
olārikaɱ vā||
sukumaɱ vā||
hīnaɱ vā||
paṇītaɱ vā||
yaɱ dūre vā||
santike vā||
sabbaɱ viññāṇaɱ:|| ||

"N'etaɱ mama,||
n'eso'ham asmi,||
na m'eso attā" ti.|| ||

Evam etaɱ yathā-bhūtaɱ samma-p-paññāya passati.|| ||

Kathañ ca bikkhave bhikkhū akkhaṇa-vedhī hoti?|| ||

Idha, bhikkhave, bhikkhū||
"idaɱ dukkhan" ti||
yathā-bhūtaɱ pajānāti.|| ||

"Ayaɱ dukkha-samudayo" ti||
yathā-bhūtaɱ pajānāti.|| ||

"Ayaɱ dukkha-nirodho" ti||
yathā-bhūtaɱ pajānāti.|| ||

"Ayaɱ dukkha-nirodha-gāminī paṭipadā" ti||
yathā-bhūtaɱ pajānāti.|| ||

Evaɱ ko bhikkhave bhikkhu akkhaṇavedhi hoti.|| ||

Kathañ ca bhikkhave bhikkhū mahato kāyassa padāletā hoti?|| ||

Idha, bhikkhave, bhikkhū mahantaɱ avijjā-k-khandhaɱ padāleti.|| ||

Evaɱ kho bhikkhave bhikkhu mahato kāyassa padāletā hotī ti.|| ||

Imehi kho bhikkhave tihi dhammehi samannāgato bhikkhū āhuneyyo hoti pāhuneyiyā hoti dakakhineyiyā hotu aŋjalikaraneyiyo hoti anuttaraɱ puñña-k-khettaɱ lokassā ti.|| ||

 


Contact:
E-mail
Copyright Statement