Aŋguttara-Nikāya
III. Tika Nipāta
XIV. Yodh-ā-jīva Vagga
Sutta 133
Mitta Suttaɱ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaɱ samayaɱ Bhagavā Sāvatthiyaɱ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuɱ.|| ||
Bhagavā etad avoca:|| ||
"Tīhi bhikkhave aŋgehi samannāgato mitto sevitabbo.|| ||
Katamehi tīhi?|| ||
Idha, bhikkhave, bhikkhu duddadaɱ dadāti,||
dukkaraɱ karoti,||
dukkhamaɱ khamati.|| ||
Imehi ko bhikkhave tihi aŋgehi samannāgato mitto sevitabbo" ti.|| ||
