Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
XV. Maŋgala Vagga

Sutta 143

Visama Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[293]

[1][pts] Evaɱ me sutaɱ|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

Tīhi bhikkhave dhammehi samannāgato yath'ābhataɱ nikkhitto evaɱ Niraye.|| ||

Katamehi tīhi?|| ||

Visamena kāya-kammena,||
visamena vacī-kammena,||
visamena mano-kammena.|| ||

Imehi kho bhikkhave tīhi dhammehi samannāgato yath'ābhataɱ nikkhitto evaɱ Niraye.|| ||

Tīhi bhikkhave dhammehi samannāgato yath'ābhataɱ nikkhitto evaɱ sagge.|| ||

Katamehi tīhi?|| ||

Samena kāya-kammena,||
samena vacī-kammena,||
samena mano-kammena.|| ||

Imehi kho bhikkhave tīhi dhammehi samannāgato yath'ābhataɱ nikkhitto evaɱ sagge ti.|| ||

 


Contact:
E-mail
Copyright Statement