Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
XV. Maŋgala Vagga

Sutta 150

Pubbaṇha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[294]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Ye hi bhikkhave sattā pubbaṇha-samayaɱ||
kāyena su-caritaɱ caranti,||
vācāya su-caritaɱcaranti,||
manasā su-caritaɱ caranti,||
supubbanehā bhikkhave tesaɱ sattānaɱ.|| ||

Ye hi bikkhave sattā majjhantikaɱ-samayaɱ||
kāyena su-caritaɱ caranti,||
vācāya su-caritaɱ caranti,||
manasā su-caritaɱ caranti,||
sumajjhantiko bhikkhave tesaɱ sattānaɱ.|| ||

Ye hi bhikkhave sattā sāyaṇha-samayaɱ||
kāyena su-caritaɱ caranti,||
vācāya su-caritaɱ caranti,||
manasā su-caritaɱ caranti,||
susāyanho bhikkhave tesaɱ sattānan" ti.|| ||

 


 

Sunakkhattaɱ sumaŋgalaɱ suppabhātaɱ suvuṭṭhitaɱ,||
Sukhaṇo sumuhutto ca suyiṭṭhaɱ brahma-cārisu.||
Padakkhiṇaɱ kāya-kammaɱ vācākammaɱ padakkhiṇaɱ,||
Padakkhiṇaɱ mano-kammaɱ paṇidhiyo padakkhiṇā,||
Padakkhiṇāni katvāna labhatatthe padakkhiṇe.||
Te atthaladdhā sukhitā virū'hā Buddhasāsane, Arogā sukhitā hotha saha sabbehi ñātibhī ti.|| ||

Maŋgala Vagga Pañcama

Khuddaka Paṇṇāsako Samatta Tatiya

 


Contact:
E-mail
Copyright Statement