Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
XVI. Acelaka Vagga

Sutta 161

Nikkhitto Niraye Suttaɱ (i)

Adapted from the 1995 edition of the digital version of the Sri Lanka Buddha Jayanti Tripitaka Series.

 


[297]

[1][pts] Evaɱ me sutaɱ|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Tīhi bhikkhave dhammehi samannāgato yath'ābhataɱ nikkhitto evaɱ Niraye.|| ||

Katamehi tīhi?|| ||

Attanā ca vyāpanna-citto hoti,||
parañ ca vyāpāde samādapeti,||
vyāpāde ca samanuñño hoti.|| ||

Imehi ko bikkhave tīhi dhammehi samannāgato yath'ābhataɱ nikkitto evaɱ Niraye.|| ||

Tīhi bhikkhave dhammehi samannāgato yath'ābhataɱ nikkhitto evaɱ sagge.|| ||

Katamehi tīhi?|| ||

Attanā ca avyāpanna-citto hoti,||
parañ ca avyāpāde samādapeti,||
avyāpāde ca samanuñño hoti.|| ||

Imehi ko bhikkhave tīhi dhammehi samannāgato yath'ābhataɱ nikkhitto evaɱ Niraye.|| ||

 


Copyright Statement