Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
4. Catukka Nipāta
III. Uruvelā Vagga

Sutta 27

Santuṭṭhi Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[26]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati
Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

2. Cattār'imāni bhikkhave appāni ca sulabhāni ca tāni,||
anavajjāni ca.|| ||

Katamāni cattāri?|| ||

Paɱsukūlaɱ bhikkhave cīvarānaɱ||
appañ ca||
sulabhañ [27] ca,||
tañ ca anavajjaɱ.|| ||

Piṇḍiyālopo bhikkhave bhojanānaɱ||
appañ ca||
sulabhañ ca,||
tañ ca anavajjaɱ.|| ||

Rukkhamūlaɱ bhikkhave senāsanānaɱ||
appañ ca||
sulabhañ ca,||
tañ ca anavajjaɱ.|| ||

Pūtimuttaɱ bhikkhave bhesajjānaɱ||
appañ ca||
sulabhañ ca,||
tañ ca anavajjaɱ.|| ||

Imāni kho bhikkhave cattāri||
appāni ca||
sulabhāni ca,||
tāni anavajjāni,||
yato kho bhikkhave bhikkhu||
appena ca||
tuṭṭho hoti||
sulabhena ca||
idam imassāhaɱ aññataraɱ sāmaññaŋgan ti vadāmī ti.|| ||

 

Anavajjena tuṭṭhassa appena sulabhena ca,||
Na senāsan amārabbha cīvaram pānabhojanaɱ,||
Vighāto hoti cittassa disā na paṭihañaññati.|| ||

Ye c'assa dhammā akkhātā sāmaññassānulomikā,||
Adhiggahītā tuṭṭhassa appamattassa sikkhato ti.|| ||

 


Copyright Statement