Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
4. Catukka Nipāta
IV. Cakka Vagga

Sutta 38

Patilīna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[41]

[1][pts][bodh] Panuṇṇa-pacceka-sacco bhikkhave bhikkhu sama-vaya-saṭṭhe-sano passaddha-kāya-sankhāro patilīno ti vuccati.|| ||

Kathañ ca bhikkhave bhikkhu panuṇṇa-pacceka-saccoo hoti?|| ||

Idha, bhikkhave, bhikkhuno yāni tāni,||
puthusamaṇa-brāhmaṇānaɱ puthupacceka-saccāni,||
seyyath'īdaɱ sassato loko ti vā||
asassato loko ti vā||
antavā loko ti vā||
anantavā loko ti vā;||
taɱ jīvaɱ taɱ sarīran ti vā||
aññaɱ jīvaɱ aññaɱ sarīran ti vā||
hoti Tathāgato paraɱ maraṇā ti vā||
na hoti Tathāgato paraɱ maraṇā ti vā;||
hoti ca na hoti ca Tathāgato paraɱ maraṇā ti vā||
n'eva hoti na na hoti Tathāgato paraɱ maraṇā ti vā.|| ||

Sabbāni'ssa tāni panunnāni honti,||
cattāni,||
vantāni,||
muttāni,||
pahīṇāni,||
paṭinissaṭṭhāni.|| ||

Evaɱ kho bhikkhave bhikkhu panuṇṇa-pacceka-saccoo hoti.|| ||

Kathañ ca bhikkhave bhikkhu sama-vaya-saṭṭh'esano hoti?|| ||

Idha, bhikkhave, bhikkhuno kām'esanā pahīṇā hoti.|| ||

Bhavesanā pahīṇā hoti.|| ||

brahma-cariy'esanā paṭi-p-passaddhā.|| ||

Evaɱ kho bhikkhave bhikkhu sama-vaya-saṭṭh'esano hoti.|| ||

Kathañ ca bhikkhave bhikkhu passaddha-kāya-sankhāro hoti?|| ||

Idha, bhikkhave, bhikkhu sukhassa ca pahānā dukkhassa ca pahānā pubb'eva somanassa-domanassānaɱ atthaŋ-gamā adukkha-ɱ-asukhaɱ upekkhā-sati-pārisuddhiɱ catutthaɱ-jhānaɱ upasampajja viharati.|| ||

Evaɱ kho bhikkhave bhikkhu passaddha-kāya-sankhāro hoti.|| ||

Kathañ ca bhikkhave bhikkhu patilīno hoti?|| ||

Idha, bhikkhave, bhikkhuno asmimāno pahīṇo hoti.|| ||

Ucchinnamūlo,||
tālā-vatthu-kato,||
anabhāva-kato,||
āyatiɱ anuppāda-dhammo.|| ||

Evaɱ kho bhikkhave bhikkhu patilīno hoti.|| ||

Panuṇṇa-pacceka-sacco bhikkhave bhikkhu sama-vaya-saṭṭh'esano passaddha-kāya-sankhāro patilīnoti vuccatī ti.|| ||

[42] Kāmesanā bhav'esanā brahma-cariy'esanā saha,||
Iti sacca-parāmāso diṭṭhi-ṭ-ṭhānā samussayā.|| ||

Sabba-rāga-virattassa taṇha-k-khaya-vimuttino,||
esanā paṭinissaṭṭhā diṭṭhi-ṭ-ṭhānaɱ samūhatā.|| ||

Sa ve santo sato bhikkhu passaddho aparājito,||
Mānābhisamayā Buddho patilīnoti vuccatī ti.|| ||

 


Contact:
E-mail
Copyright Statement