Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
4. Catukka Nipāta
VI. Puññābhisanda Vagga

Sutta 57

Suppavāsā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[62]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Koliyesu viharati||
Sajjanelaɱ nāma Koliyānaɱ nigamo.|| ||

Atha kho Bhagavā pubbaŋha-samayaɱ nivāsetvā patta-cīvaram ādāya yena Suppavāsāya Koliyadhītāya nivesanaɱ tenepasaŋkami.|| ||

Upasaŋkamitvā paññatte āsane nisīdi.|| ||

Atha kho Suppavāsā [63] Koliyadhītā Bhagavantaɱ paṇītena khādanīyena bhojanīyena sahatthā santappesi,||
sampavāresi.|| ||

Atha kho Suppavāsā Koliyadhītā Bhagavantaɱ bhuttāviɱ onītapattapāṇiɱ eka-m-antaɱ nisīdi.|| ||

Eka-m-antaɱ nisinnaɱ kho Suppavāsaɱ Koliyadhītaraɱ Bhagavā etad avoca:|| ||

2. Bhojanaɱ Suppavāse dentī ariya-sāvikā paṭiggāhakānaɱ cattāri ṭhānāni deti.|| ||

Katamāni cattāri?|| ||

Āyuɱ deti,||
vaṇṇaɱ deti,||
sukhaɱ deti,||
balaɱ deti.|| ||

Āyuɱ kho pana datvā||
āyussa bhāginī hoti||
dibbassa vā mānusassa vā.|| ||

Vaṇṇaɱ datvā||
vaṇṇassa bhāginī hoti||
dibbassa vā mānussa vā.|| ||

Sukhaɱ datvā||
sukhassa bhāginī hoti||
dibbassa vā mānusassa vā.|| ||

Balaɱ datvā||
balassa bhāginī hoti||
dibbassa vā mānussasa vā.|| ||

Bhojanaɱ Suppavāse dentī ariya-sāvikā paṭiggāhakānaɱ imāni cattāri ṭhānāni detī ti.|| ||

Susaŋkhataɱ bhojanaɱ yā dadāti suciɱ paṇītaɱ rasasā upetaɱ,||
Sā dakkhiṇā ujjugatesu dinnā caraṇopapannesu mahaggatesu,||
Puññena puññaɱ saɱsandamānā maha-p-phalā loka-vidūna vaṇṇitā.|| ||

Etādisaɱ yaññam anussarantā ye vedajātā vicaranti loke||
Vineyya macchera-malaɱ samūlaɱ aninditā saggam utapenti ṭhānan ti.

 


Contact:
E-mail
Copyright Statement