Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Catukka Nipāta
XI: Valāhaka Vagga

Sutta 106

Amba Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[106]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Cattār'imāni bhikkhave ambhāni.|| ||

Katamāni catta-kāri?|| ||

Āmaɱ pakkavaṇṇi,||
pakkaɱ āmavaṇṇi,||
āmaɱ āmavaṇṇi,||
pakkaɱ pakkavaṇṇi.|| ||

Imāni kho bhikkhave cattāri ambāni.|| ||

Evam eva kho bhikkhave cattāro'me ambūpamā Puggalā santo saŋvijj'amānā lokāsmiɱ.|| ||

Katame cattāro?|| ||

Āmo pakkavaṇṇi,||
pakko āmavaṇṇi,||
āmo āmavaṇṇi,||
pakko pakkavaṇṇi.|| ||

Kathañ ca bhikkhave puggalo āmo hoti pakkavaṇṇi?|| ||

[107] Idha, bhikkhave, ekaccassa puggalassa pāsādikaɱ hoti||
abhikkantaɱ paṭikkantaɱ||
ālokitaɱ vilokitaɱ||
sammiñjitaɱ pasāritaɱ||
sanghāṭi-patta-cīvara-dhāraṇaɱ.|| ||

So "Idaɱ dukkhan" ti yathā-bhūtaɱ na-p-pajānāti.|| ||

"Ayaɱ dukkha samudayo" ti yathā-bhūtaɱ na-p-pajānāti.|| ||

"Ayaɱ dukkha-nirodho" ti yathā-bhūtaɱ na-p-pajānāti.|| ||

"Ayaɱ dukkha-nirodha-gāminī paṭipadā" ti yathā-bhūtaɱ na-p-pajānāti.|| ||

Evaɱ kho bhikkhave puggalo āmo hoti pakkavaṇṇi.|| ||

Seyyathā pi taɱ bhikkhave ambaɱ āmaɱ pakkavaṇṇi,||
tath'ūpamāhaɱ bhikkhave imaɱ puggalaɱ vadāmi.|| ||

Kathañ ca bhikkhave puggalo pakko hoti āmavaṇṇī?|| ||

Idha, bhikkhave, Potali puggalassa na pāsādikaɱ hoti||
abhikkantaɱ paṭikkantaɱ||
ālokitaɱ vilokitaɱ||
sammiñjitaɱ pasāritaɱ||
sanghāṭi-patta-cīvara-dhāraṇaɱ.|| ||

So "Idaɱ dukkhan" ti yathā-bhūtaɱ na-p-pajānāti.|| ||

"Ayaɱ dukkha-samudayo" ti yathā-bhūtaɱ na-p-pajānāti.|| ||

"Ayaɱ dukkha-nirodho" ti yathā-bhūtaɱ na-p-pajānāti.|| ||

"Ayaɱ dukkha-nirodha-gāminī paṭipadā" ti yathā-bhūtaɱ na-p-pajānāti.|| ||

Evaɱ kho bhikkhave puggalo pakko hoti āmavaṇṇī.|| ||

Seyyathā pi taɱ bhikkhave ambaɱ pakkaɱ āmavaṇṇī,||
tath'ūpamāhaɱ bhikkhave imaɱ puggalaɱ vadāmi.|| ||

Kathañ ca bhikkhave puggalo āmo hoti āmavaṇṇī?|| ||

Idha, bhikkhave, Potali puggalassa na pāsādikaɱ hoti||
abhikkantaɱ paṭikkantaɱ||
ālokitaɱ vilokitaɱ||
sammiñjitaɱ pasāritaɱ||
sanghāṭi-patta-cīvara-dhāraṇaɱ.|| ||

So "Idaɱ dukkhan" ti yathā-bhūtaɱ na-p-pajānāti.|| ||

"Ayaɱ dukkha-samudayo" ti yathā-bhūtaɱ na-p-pajānāti. Ayaɱ dukkha-nirodho ti yathā-bhūtaɱ na-p-pajānāti.|| ||

"Ayaɱ dukkha-nirodho" ti yathā-bhūtaɱ pajānāti.|| ||

"Ayaɱ dukkha-nirodha-gāminī paṭipadā" ti yathā-bhūtaɱ na-p-pajānāti.|| ||

Evaɱ kho bhikkhave puggalo āmo hoti āmavaṇṇī.|| ||

Seyyathā pi taɱ bhikkhave ambaɱ āmaɱ āmavaṇṇī,||
tath'ūpamāhaɱ bhikkhave imaɱ puggalaɱ vadāmi.|| ||

Kathañ ca bhikkhave puggalo pakko hoti pakkavaṇṇī?|| ||

Idha, bhikkhave, Potali puggalassa pāsādikaɱ hoti||
abhikkantaɱ paṭikkantaɱ||
ālokitaɱ vilokitaɱ||
sammiñjitaɱ pasāritaɱ||
sanghāṭi-patta-cīvara-dhāraṇaɱ.|| ||

So "Idaɱ dukkhan" ti yathā-bhūtaɱ pajānāti.|| ||

"Ayaɱ dukkha samudayo" ti yathā-bhūtaɱ pajānāti.|| ||

"Ayaɱ dukkha-nirodho" ti yathā-bhūtaɱ pajānāti.|| ||

"Ayaɱ dukkha-nirodha-gāminī paṭipadā" ti yathā-bhūtaɱ pajānāti.|| ||

Evaɱ kho bhikkhave puggalo gambhīro hoti gambhīrobhāso.|| ||

Evaɱ kho bhikkhave puggalo pakko hoti pakkavaṇṇī.|| ||

Seyyathā pi taɱ bhikkhave ambaɱ pakkaɱ pakkavaṇṇī,||
tath'ūpamāhaɱ bhikkhave imaɱ puggalaɱ vadāmi.

Ime kho bhikkhave cattāro ambūpamā puggalā santo saŋvijj'amānā lokasmin ti.|| ||

 


Contact:
E-mail
Copyright Statement