Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Catukka Nipāta
XIII: Bhaya Vagga

Sutta 125

Tatiya Puggala Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[128]

[1][pts][than][nymo] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. Cattāro'me bhikkhave puggalā santo saŋvijj'amānā lokasmiɱ.|| ||

Katame cattāro?|| ||

Idha, bhikkhave, ekacco puggalo mettā-saha-gatena cetasā disaɱ pharitvā viharati||
- tathā dutiyaɱ||
- tathā tatiyaɱ||
- tathā catutthiɱ,||
iti uddamadho tiriyaɱ sabbadhi sabbattatāya sabbā-vantaɱ lokaɱ mettā-saha-gatena cetasā vipulena mahaggatena appamāṇena averena akyāpajjhena pharitvā viharati.|| ||

So tad assādeti taɱ nikāmeti tena ca vittiɱ āpajjati.|| ||

Tattha ṭhito tad-adhimutto tabbahula-vihārī aparihīno kālaɱ kurumāno brahma kāyikānaɱ devānaɱ saha-vyataɱ uppajjati.|| ||

Brahma-kāyikānaɱ bhikkhave devānaɱ kappo āyu-p-pamāṇaɱ.|| ||

Tat puthujjano yāvatāyukā ṭhatvā yāvatakaɱ tesaɱ devānaɱ āyu-p-pamāṇaɱ taɱ sabbaɱ khepetvā Nirayam pi gacchati.|| ||

Tiracchāna-yonim pi gacchati.|| ||

Bhagavato pana sāvako tattha yāvatāyukaɱ ṭhatvā yāvatakaɱ tesaɱ devānāɱ āyu-p-pamāṇaɱ taɱ sabbaɱ khepetvā tasmiɱ yeva bhave parinibkhāyati.|| ||

Ayaɱ kho bhikkhave viseso ayaɱ adhippāyo idaɱ nānā-karaṇaɱ sutavato ariya-sāvakassa a-s-sutavatā pujjanena yad idaɱ gatiyā upapattiyā sati.|| ||

Puna ca paraɱ bhikkhave idh'ekacco puggalo karuṇā-saha-gatena cetasā vipulena mahaggatena appamāṇena averena akhyāpajjhena pharitvā viharati.|| ||

So tad assādeti taɱ nikāmeti tena ca vittiɱ āpajjati.|| ||

Tattha ṭhito tad-adhimutto tabbahula-vihārī aparihīno kālaɱ kurumāno Ābhassarānaɱ devānaɱ saha-vyataɱ uppajjati.|| ||

Ābhassarānaɱ bhikkhave devānaɱ dve kappā āyu-p-pamāṇaɱ.|| ||

Taɱ sabbaɱ khepetvā Nirayam pi gacchati.|| ||

Tiracchāna-yonim pi gacchati.|| ||

Pettivisayam pi gacchati.|| ||

Bhagavato pana sāvako tattha yāvatāyukaɱ ṭhatvā yāvatakaɱ tesaɱ devānaɱ āyu-p-pamāṇaɱ taɱ sabbaɱ khepetvā tasmiɱ.|| ||

Yeva bhave parinibkhāyati.|| ||

Ayaɱ kho bhikkhave viseso ayaɱ adhippāyo idaɱ nānā-karaṇaɱ sutavato ariya-sāvakassa a-s-sutavatā puthujjanena yad idaɱ gatiyā upapattiyā sati.|| ||

Puna ca paraɱ bhikkhave idh'ekacco puggalo muditā saha-gatena cetasā ekaɱ disā paritvā viharati||
- tathā dutiyaɱ||
- tathā tatiyaɱ||
- tathā catutthiɱ,||
iti uddamadho tiriyaɱ sabbadhi sabbattatāya lokaɱ muditā saha-gatena cetasā vipulena mahaggatena appamāṇena averena akhyāpajjhena pharitvā viharati.|| ||

So tad assādeti taɱ nikāmeti tena ca vittaɱ āpajjati.|| ||

Tattha ṭhito tad-adhimutto tābbahulavihārī aparihīno kālaɱ kurumāno Subhakiṇanhānaɱ devānaɱ saha-vyataɱ uppajjati.|| ||

Subhakiṇhānaɱ bhikkhave devānaɱ cattāro kappā āyuppamānaɱ.|| ||

Tattha puthujjano yāvatāyukaɱ ṭhatvā yāvatakaɱ tesamaɱ devānaɱ āyu-p-pamāṇaɱ taɱ sabbaɱ khepetvā ninarayam pi gacchati.|| ||

Tiracchāna-yonim pi gacchati.|| ||

Pettivisayam pi gacchati.|| ||

Bhagavato pana sāvako tattha yāvatāyukaɱ ṭhatvā yāvatakaɱ tesaɱ devānaɱ āyu-p-pamāṇaɱ taɱ sabbaɱ khepetvā tasmiɱ yeva bhave parinbkhāyati.|| ||

Ayaɱ kho bhikkhave viseso,||
ayaɱ adhippāyo.|| ||

Idaɱ nānā-karaṇaɱ sutavato ariya-sāvakassa a-s-sutavatā puthujjanena yad idaɱ gatiyā upapattiyā sati.|| ||

Puna ca paraɱ bhikkhave idh'ekacco puggalo upekkhā-saha-gatena cetasā ekaɱ disaɱ pharitvā viharati||
- tathā dutiyaɱ||
- tathā tatiyaɱ||
- tathā catutthiɱ,||
iti uddham-adho tiriyaɱ sabbadhi sabbattatāya sabbā-vattaɱ lokaɱ upekkhā-saha-gatena cetasā vipulena mahaggatena appamāṇena averena akhyāpajejhana pharitvā viharati.|| ||

So tad assādeti taɱ nikāmeti tena ca vittiɱ āpajjati.|| ||

Tattha ṭhito tad-adhimutto tabbahula-vihārī aparihīno kālaɱ kurumano Vehapphalānaɱ devānaɱ saha-vyataɱ uppajjati.|| ||

Vehapphalānaɱ bhikkhave devānaɱ pañca kappasatāni āyu-p-pamāṇaɱ.|| ||

Tattha puthujjano yāvatāyukaɱ ṭhatvā yāvatakaɱ tesaɱ devānaɱ āyu-p-pamāṇaɱ taɱ sabbaɱ khepetvā Nirayam pi gacchati.|| ||

Tiracchāna-yonim pi gacchati.|| ||

Pettivisayam pi gacchati.|| ||

Bhagavato pana sāvako tattha yāvatāyukaɱ ṭhatvā yāvatakaɱ tesaɱ devānaɱ āyu-p-pamāṇaɱ taɱ sabbaɱ khepetvā tasmiɱ yeva bhave parinibkhāyati.|| ||

Ayaɱ kho bhikkhave viseso ayaɱ adhippāyo.|| ||

Idaɱ nānā-karaṇaɱ sutavato ariya-sāvakassa a-s-sutavatā puthujjanena yad idaɱ gatiyā upapattiyā sati.|| ||

Ime kho bhikkhave cattāro puggalā santo saŋvijj'amānā lokasmin ti.|| ||

 


Copyright Statement