Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Catukka Nipāta
XVI: Indriya Vagga

Sutta 159

Bhikkhunī Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[144]

[1][pts][than] Evaɱ me sutaɱ:|| ||

Ekaɱ samayaɱ āyasmā Ānando Kosambīyaɱ viharati Ghositārāme.|| ||

Atha kho aññatarā bhikkhunī aññataraɱ purisaɱ āmantesi:|| ||

Ehi tvaɱ ambho purisa,||
yen'ayyo Ānando ten'upasankama,||
upasankamitvā mama vacanena ayyassa Ānandassa pāde sirasā vanda:|| ||

Itthan-nāmā bhante bhikkhunī ābādhikinī dukkhitā bāḷha-gilānā,||
sā ayyassa Ānandassa pāde sirasā vandatī ti.|| ||

Evaɱ va vanadehi —||
sādhu kira bhante ayyo Ānando yena bhikkhūnupassayo yena sā bhikkhunī ten'upasankamatu anukampaɱ upādāyāti.|| ||

Evaɱ ayye ti kho so puriso tassā bhikkhuniyā paṭissutvā yen'āyasmā Ānando ten'upasankami.|| ||

Upasaŋkamitvā āyasa- [145] mantaɱ Ānandaɱ abhivādetvā eka-m-antaɱ nisīdi.|| ||

Eka-m-antaɱ nisinno kho so puriso āyasmantaɱ Ānandaɱ etad avoca:|| ||

Itthan-nāmā bhante bhikkhunī ābādhikinī dukkhitā bāḷha-gilānā,||
sā āyyassa Ānandassa pāde sirasā vandati,||
evaɱ ca vadeti.|| ||

Sādhu kira bhante āyasmā Ānando yena bhikkhunūpassayo yena sā bhikkhunī ten'upasankamatu anukampaɱ upādāyāti.|| ||

Adhivāsesi kho āyasmā Ānando tuṇhī-bhāvena.|| ||

 

§

 

2. Atha kho āyasmā Ānando nivāsetvā patta-cīvaraɱ ādāya yena bhikkhunupassayo ten'upasankami.|| ||

Addasā kho sā bhikkhunī āyasmantaɱ Ānandaɱ durato va āga-c-chantaɱ disvā sasīsaɱ pārupitvā mañcake nipajji.|| ||

Atha kho āyasmā Ānando yena sā bhikkhunī ten'upasankami.|| ||

Upasaŋkamitvā paññatte āsane nisīdi.|| ||

Nisajja kho āyasmā Ānando taɱ bhikkhuniɱ etad avoca:|| ||

[3][pts][than][olds] Āhāra-sambhuto ayaɱ bhagini kāyo||
āhāraɱ nissāya||
āhāro pahātabbo;|| ||

taṇhā-sambhuto ayaɱ bhagini kāyo||
taṇhaɱ nissāya||
taṇhā pahātabbā;|| ||

māna-sambhuto ayaɱ bhagini kāyo||
mānaɱ nissāya||
māno pahātabbo;|| ||

methuna-sambhuto ayaɱ bhagini kāyo||
methune ca setughāto||
vutto Bhagavatā.|| ||

4. "Āhāra-sambhuto ayaɱ bhagini kāyo,||
āhāraɱ nissāya āhāro pahātabbo" ti.|| ||

Iti kho pan'etaɱ vuttaɱ.|| ||

Kiñ c'etaɱ paṭicca vuttakaɱ?|| ||

Idha bhagini bhikkhu paṭisaŋkhā yoniso āhāraɱ āhāreti:||
n'eva davāya na madāya na maṇḍanāya na vibhusanāya,||
yāva-d-eva imassa kāyassa ṭhitiyā yāpanāya vihiɱsuparatiyā brahma-cariyānuggahāya.|| ||

Iti purāṇaɱ ca vedanaɱ paṭihaŋkāmi,||
navaɱ ca vedanaɱ na uppādessāmi,||
yātrā ca me bhavissati anavajjatā ca phāsu-vihāro cāti.|| ||

So aparena samayena āhāraɱ nissāya āhāraɱ pajahati.|| ||

"Āhāra-sambhuto ayaɱ bhagini kāyo,||
āhāraɱ nissāya āhāro pahātabbo" ti.|| ||

Iti yaɱ taɱ vuttaɱ idam etaɱ paṭicca vuttaɱ.|| ||

5. "Taṇhā-sambhuto ayaɱ bhagini kāyo,||
taṇhaɱ nissāya taṇhā pahātabbā" ti.|| ||

Iti kho pan'etaɱ vuttaɱ.|| ||

Kiñ c'etaɱ [146] paṭicca vuttakaɱ?|| ||

Idha bhagini bhikkhu suṇāti:|| ||

Itthannāmo kira bhikkhu āsavānaɱ khayā anāsavaɱ ceto-vimuttiɱ paññā-vimuttaɱ diṭṭhe'va dhamme sayaɱ abhiññā sacchakatvā upasampajja viharatī ti.|| ||

Tass'evaɱ hoti:|| ||

Kudassu nāma aham pi āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharissāmī ti.|| ||

So aparena samayena taṇhaɱ nissāya taṇhaɱ pajahati.|| ||

"Taṇhā-sambhuto ayaɱ bhagini kāyo,||
taṇhaɱ nissāya taṇhā pahātabbā" ti.|| ||

Iti yaɱ taɱ vuttaɱ,||
idam etaɱ paṭicca vuttaɱ.|| ||

6. "Māna-sambhuto ayaɱ bhagini kāyo,||
mānaɱ nissāya māno pahatabbo" ti.|| ||

Iti kho pan'etaɱ vuttaɱ.|| ||

Kiñ c'etaɱ paṭicca vuttaɱ?|| ||

Idha bhagini bhikkhu suṇāti:|| ||

Itthannāmo kira bhikkhu āsavānaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharatī ti.|| ||

Tass'evaɱ hoti:|| ||

So hi nāma āyasmā āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharati,||
w7i7_mula_1315kimaŋgapanāhanti.|| ||

Aso aparena samayena mānaɱ nissāya mānaɱ pajahati.|| ||

"Māna-sambhuto ayaɱ bhagini kāyo,||
mānaɱ nissāya māno pahatabbo" ti.|| ||

Iti yaɱ taɱ vuttaɱ,||
idam etaɱ paṭicca vuttaɱ.|| ||

7. "Methuna-sambhuto ayaɱ bhagini kāyo,||
methune ca setughāto vutto Bhagavatā" ti.|| ||

8. Atha kho yā bhikkhunī mañcākā vuṭṭha-hitvā ekaɱsaɱ uttarā-saŋgaɱ karitvā āyasmato Ānandassa pādesu sirasā nipatitvā āyasmantaɱ Ānandaɱ etad avoca:|| ||

Accayo maɱ bhante accagamā yathā-bālaɱ yathāmu'haɱ yathā akusalaɱ yāhaɱ evam akāsiɱ.|| ||

Tassā me bhante ayyo Ānando accayaɱ accayato patigaṇhātu āyatiɱ saɱvarāyāti.|| ||

9. Taggha tvaɱ bhagini accayo accagamā yathā-bālaɱ yathāmūḷhaɱ yathā-akusalaɱ yā tvaɱ evam akāsi.|| ||

Yato ca kho tvaɱ bhagini accayaɱ accayato disvā yathā-dhammaɱ paṭikarosi,||
taɱ te mayaɱ patigaṇhāma.|| ||

Vuddhi h'esā bhagini ariyassa vinaye yā accayaɱ accayato disvā yathā-dhammaɱ paṭikaroti||
āyatiɱ saɱvaraɱ āpajjatī ti.|| ||

 


Copyright Statement