Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Catukka Nipāta
XVI: Indriya Vagga

Sutta 160

Sugata-Vinaya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[147]

[1][pts][olds] Sugato vā bhikkhave loke tiṭṭha-māno Sugata-Vinayo vā tadassa bahu-jana-hitāya bahu-jana-sukhāya lokānukampāya atthāya hitāya sukhāya deva-manussānaɱ.|| ||

Katamo ca bhikkhave Sugato?|| ||

Idha, bhikkhave, Tathāgato loke uppajjati arahaɱ Sammā-SamBuddho vijjā-caraṇa-sampanno Sugato loka-vidū anuttaro purisa-damma-sārathi Satthā deva-manussānaɱ Buddho Bhagavā.|| ||

Ayaɱ bhikkhave Sugato.|| ||

2. Katamo ca bhikkhave Sugata-Vinayo?|| ||

So dhammaɱ deseti ādi-kalyāṇaɱ majjhe-kalyāṇaɱ pariyosāna kalyāṇaɱ sātthaɱ savyañ jhanaɱ kevala-paripuṇṇaɱ parisuddhaɱ Brahma-cariyahaɱ pakāseti.|| ||

Ayaɱ bhikkhave Sugata-Vinayo.|| ||

Evaɱ Sugato vā bhikkhave loke tiṭṭha-māno Sugata-Vinayo vā tadassa bahu-jana-hitāya bahu-jana-sukhāya lokānukampāya atthāya hitāya sukhāya deva-manussānan ti.|| ||

3. Cattārā'me bhikkhave dhammā Sad'Dhammassa sammosāya antara-dhānāya saŋvattanti.|| ||

Katame cattāro?|| ||

Idha, bhikkhave, bhikkhu duggahītaɱ suttantaɱ pariyāpuṇanti dunnikkhittehi pada-khyañ janehi.|| ||

Dunnikkhittassa bhikkhave pada-khyañ janassa attho pi dunnayo hoti.|| ||

Ayaɱ bhikkhave paṭhamo dhammo Sad'Dhammassa sammosāya antara-dhānāya saŋvattati.|| ||

4. Puna ca paraɱ bhikkhave bhikkhu dubbacā honti dovacassa-karaṇehi dhammehi samannāgatā akkhamā appada-k-khiṇaggāhino anusāsaniɱ.|| ||

Ayaɱ bhikkhave dutiyo dhammo sāddhammassa sammosāya antara-dhānāya saŋvattati.|| ||

5. Puna ca paraɱ bhikkhave ye te bhikkhū bahu-s-sutā āgatāgamā dhamma-dharā vinaya-dharā mātikā-dharā.|| ||

Te na sakkaccaɱ suttantaɱ paraɱ vāventi tesaɱ accayena chinna-mūlako suttanto hoti,||
appaṭi-saraṇo ayaɱ bhikkhave tatiyo dhammo Sad'Dhammassa sammosāya antara-dhānāya saŋvattati.|| ||

6. Puna ca paraɱ bhikkhave therā bhikkhu bāhulikā [148] honti sāthalikā okkamane pubbaŋ-gamā paviveke nikkhitta-dhurā.|| ||

Na viriyaɱ ārabhanti appattassa pattiyā anadhi-gatassa adhigamāya asacchi-katassa sacchi-kiriyāya.|| ||

Tesaɱ pacchimā janatā diṭṭhānugataciɱ āpajjati.|| ||

Sā pi hoti sāthalikā bāhulikā okkamane pubbaŋ-gamā paviveke nikkhitta-dhurā.|| ||

Na viriyaɱ ārahati appattassa pattiyā anadhi-gatassa adhigamāya asacchi-katassa sacchi-kiriyāya.|| ||

Ayaɱ bhikkhave catuttho dhammo Sad'Dhammassa sammosāya antara-dhānāya saŋvattati.|| ||

Ime kho bhikkhave cattāro dhammā Sad'Dhammassa samhemāsāya antara-dhānāya saŋvattanti ti.|| ||

 

§

 

7. Cattāro me bhikkhave dhammā Sad'Dhammassa ṭhitiyā asammosāya anantara-dhānāya saŋvattanti.|| ||

Katame cattāro?|| ||

Idha, bhikkhave, bhikkhu suggahītaɱ suttantaɱ pariyāpuṇanti sunikkhittehi pada-khyañ janehi.|| ||

Sunikkhittassa bhikkhave pada-khyañ janassa atthopi sunayo hoti.|| ||

Ayaɱ bhikkhave paṭhamo dhammo Sad'Dhammassa ṭhitiyā asammosāya anantara-dhānāya saŋvattati.|| ||

8. Puna ca paraɱ bhikkhave bhikkhu subbacā honti sovacassa-karaṇehi dhammehi samannāgatā khamā pada-k-khiṇaggāhino anusāsaniɱ.|| ||

Ayaɱ bhikkhave dutiyo dhammo Sad'Dhammassa ṭhatiyā asammosāya anantara-dhānāya saŋvattati.|| ||

9. Puna ca paraɱ bhikkhave ye te bhikkhu bahu-s-sutā āgatāgamā dhamma-dharā vinaya-dharā mātikā-dharā.|| ||

Te sakkaccaɱ suttantaɱ paraɱ vāventi.|| ||

Tesaɱ accayena nacchinnamulako suttanto hoti sappaṭi-saraṇo.|| ||

Ayaɱ bhikkhave tatiyo dhammo Sad'Dhammassa ṭhatiyā asammosāya anantara-dhānāya saŋvattati.|| ||

10. Puna ca paraɱ bhikkhave therā bhikkhu na bāhulikā honti na sāthalikā okkamane nikkhittadhūra paviveke pubbaŋ-gamā.|| ||

Viriyaɱ ārabhanti appattassa pattiyā anadhi-gatassa adhigamāya asacchi-katassa sacchi-kiriyāya.|| ||

Tesaɱ pacchimā janatā diṭṭh'ānugatiɱ āpajjati.|| ||

Sā pi hoti na bāhulikā na sāthalikā okkamane nikkhittadhūrā paviveke pubbaŋ-gamā.|| ||

Viriyaɱ ārahati appattassa pattiyā anadhi-gatassa adhigamāya asacchi-katassa sacchi-kiriyāya.|| ||

Ayaɱ bhikkhave catuttho dhammo Sad'Dhammassa ṭhatiyā asammosāya anantara-dhānāya saŋvattati.|| ||

[149] Ime kho bhikkhave cattāro dhammā Sad'Dhammassa ṭhatiyā asammosāya anāntara-dhānāya saŋvattanti ti.|| ||

 


Contact:
E-mail
Copyright Statement