Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Catukka Nipāta
XVII: Paṭipadā Vagga

Sutta 166

Chaṭṭha Paṭipadā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[154]

[1][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. Catasso imā bhikkhave paṭipadā.|| ||

Katamā catasso?|| ||

Dukkhā-paṭipadā dandhābhiññā,||
dukkhā paṭipadā khippābhiññā,||
sukhā paṭipadā dandhābhiññā,||
sukhā paṭipadā khippābhiññā.|| ||

 

§

 

2. Tatra, bhikkhave, yā'yaɱ paṭipadā dukkhā dandhābhiññā,||
ayaɱ bhikkhave paṭipadā ubhayen'eva hīnā akkhāyati||
yam pāyaɱ paṭipadā dukkhā,||
iminā payaɱ hīnā akkhāyati||
yam pāyaɱ paṭipadā dandhā,||
iminā payaɱ hīnā akkhāyati.|| ||

Ayaɱ bhikkhave paṭipadā ubhayenen'eva hīnā akkhāyati.|| ||

3. Tatra, bhikkhave, yā'yaɱ paṭipadā dukkhā khippābhiññā.|| ||

Ayaɱ bhikkhave paṭipadā dukkhattā hīnā akkhāyati.|| ||

4. Tatra, bhikkhave, yā'yaɱ paṭipadā sukhā dandhābhiññā.|| ||

Ayaɱ bhikkhave paṭipadā dandhattā hīnā akkhāyati.|| ||

5. Tatra, bhikkhave, yā'yaɱ paṭipadā sukhā khippābhiññā.|| ||

Ayaɱ bhikkhave paṭipadā ubayen'eva paṇītā akkhāyati,||
yam pāyaɱ paṭipadā sukhā,||
iminā payaɱ paṇitā akkhāyati,||
yam pāyaɱ paṭipadā khippā,||
iminā payaɱ paṇitā akkhāyati.|| ||

Ayaɱ bhikkhave paṭipadā ubhayen'eva paṇītā akkhāyati.|| ||

Imā kho bhikkhave catasso paṭipadā ti.|| ||


Contact:
E-mail
Copyright Statement