Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Catukka Nipāta
XIX: Yodhajīva Vagga

Sutta 184

Jāṇussonī Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[173]

[1][pts][than] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Atha kho Jāṇussonī brāhmaṇo yena Bhagavā ten'upasankami.|| ||

Upasaŋkamitvā Bhagavatā saddhiɱ sammodī.|| ||

Sammodanīyaɱ kathaɱ sārāṇīyaɱ vīti-sāretvā eka-m-antaɱ nisīdi.|| ||

Eka-m-antaɱ nisinno kho Jāṇussonī brāhmaṇo Bhagavantaɱ etad avoca:|| ||

"Ahaɱ hi bho Gotama evaɱ-vādī evaɱ-diṭṭhi:|| ||

'N'atthi yo so maraṇa-dhammo samāno na bhāyati||
na santāsaɱ āpajjati maraṇassā' ti.|| ||

"Atthi brāhmaṇa maraṇa-dhammo samāno bhāyati,||
santāsaɱ āpajjati maraṇassa.|| ||

 

§

 

Atthi pana brāhmaṇa maraṇa-dhammo samāno na bhāyati,||
na santāsaɱ āpajjanati maraṇassa.|| ||

2. Katamo ca brāhmaṇa maraṇa-dhammo samāno bhāyati,||
santāsaɱ āpajjati maraṇassa?|| ||

Idha brāhmaṇa ekacco kāmesu avīta-rāgo hoti avigata- [174] chando avigata-pemo avigata-pipāso avigata-pariḷāho avigata-taṇho,||
tam enaɱ aññataro gāḷho rogātaŋko phusati.|| ||

Tass aññatarena gāḷhena rogātaŋkena phuṭṭhassa evaɱ hoti:

Piyā vata maɱ kāmā jahissanti,||
piye vāhaɱ kāme jahissāmī ti.|| ||

So socati kilamati paridevati uratthalaɱ kandati sammohaɱ āpajjati.|| ||

Ayaɱ pi kho brāhmaṇa maraṇa-dhammo samāno bhāyati,||
santāsaɱ āpājjati maraṇassa.|| ||

3. Puna ca paraɱ brāhmaṇa idh'ekacco kāye avīta-rāgo hoti avigata-chando avigata-pemo avigata-pipāso avigata-pariḷāho avigata-taṇho||
tam enaɱ aññataro gāḷho rogātaŋko phusati.|| ||

Tass aññatarena gāḷhena rogātaŋkena phuṭṭhassa evaɱ hoti:

Piyā vata maɱ kāmā jahissanti,||
piye vāhaɱ kāme jahissāmī ti.|| ||

So socati kilamati paridevati uratthalaɱ kandati sammohaɱ āpajjati.|| ||

Ayam pi kho brāhmaṇa maraṇa-dhammo samāno bhāyati,||
santāsaɱ āpajjati maraṇassa.|| ||

4. Puna ca paraɱ brāhmaṇa idh'ekacco akata-kalyāṇo hoti akata-kusalo akata-bhīruttāṇo||
kata-pāpo kata-luddo kata-kibbiso,||
tam enaɱ aññataro gāḷho rogātaŋko phusati.|| ||

Tass aññatarena gāḷhena rogātaŋkena phuṭṭhassa evaɱ hoti:

Akataɱ vata me kalyāṇaɱ,||
akataɱ kusalā,||
akataɱ hīruttāṇaɱ||
kataɱ pāpaɱ,||
kataɱ luddaɱ,||
kataɱ kibbisaɱ.|| ||

Yāvatā bho akata-kalyāṇānaɱ akata-kusalānaɱ akata-bhīruttāṇānaɱ kata-pāpānaɱ kata-luddānaɱ kata-kibbisānaɱ gati,||
taɱ gatiɱ pecca gacchāmī ti.|| ||

So socati kilamatī paridevati uratthalaɱ kandati sammohaɱ āpajjati.|| ||

Ayam pi kho brāhmaṇa maraṇa-dhammo samāno bhāyati,||
santāsaɱ āpajjati maraṇassa.|| ||

5. Puna ca paraɱ brāhmaṇa idh'ekacco kaŋkhī hoti vecikicchi aniṭṭhaŋ-gato Sad'Dhamme,||
tam enaɱ aññataro gāḷho rogātaŋko phusati.|| ||

Tass aññatarena gāḷhena rogātaŋkena phuṭṭhassa evaɱ hoti:

Kaŋkhī vat'amhi vecikicchi aniṭṭhaŋ-gato Sad'Dhamme ti.|| ||

So socati kilamati paridevati uratthalaɱ kandati sammohaɱ āpajjati.|| ||

Ayam pi kho brāhmaṇa maraṇa-dhammo samāno bhāyati,||
santāsaɱ āpajjati maraṇassa.|| ||

Ime kho brāhmaṇa cattāro maraṇa-dhammā samānā bhāyani santāsaɱ āpajjanti maraṇassa.|| ||

 

§

 

[175] Katamo ca brāhmaṇa maraṇa-dhammo samāno na bhāyati,||
na santāsaɱ āpajjati maraṇassa?|| ||

6. Idha brāhmaṇa ekacco kāmesu vīta-rāgo hoti vigata-c-chando vigata-pemo vigata-pipāso vigata-pariḷāgo vigata-taṇho,||
tam enaɱ aññataro gāḷho rogātaŋko phusati.|| ||

Tass aññatarena gāḷhena rogātaŋkena phuṭṭhassa na evaɱ hoti:

Piyā vata maɱ kāmā jahissanti,||
piye vāhaɱ kāme jahissāmī ti.|| ||

So na socati na kilamati na paridevati na uratthalaɱ kandati na sammohaɱ āpajjati.|| ||

Ayaɱ pi kho brāhmaṇa maraṇa-dhammo samāno na bhāyati,||
na santāsaɱ āpajjati maranassa.|| ||

7. Puna ca paraɱ brāhmaṇa idh'ekacco kāye terāgo hoti vigata-c-chando vigata-pemo vigata-pipāso vigata-pariḷāho vigata-taṇho,||
tam enaɱ aññataro gāḷho rogātaŋko phusati.|| ||

Tass aññatarena gāḷhena rogātaŋkena phuṭṭhassa na evaɱ hoti:

Piyo vata maɱ kāyo jahi'ssati,||
piyaɱ vāhaɱ kāyaɱ jahissāmī ti.|| ||

So na socati na kilamati na paridevati na uratthalaɱ kandati na sammohaɱ āpajjati.|| ||

Ayam pi kho brāhmaṇa maraṇa-dhammo samāno na bhāyati,||
na santāsaɱ āpajjati maraṇassa.|| ||

8. Puna ca paraɱ brāhmaṇa idh'ekacco akata-pāpo hoti akata-luddo,||
akata-kibbiso||
kata-kalyāṇo hoti kata-kusalo kata-hīruttāṇo,||
tam enaɱ aññataro gāḷho rogātaŋko phusati.|| ||

Tass aññatarena gāḷhena rogātaŋkena phuṭṭhassa evaɱ hoti:

Akataɱ vata me pāpaɱ,||
akataɱ luddaɱ,||
akataɱ kibbisaɱ,||
kataɱ kalyāṇaɱ,||
kataɱ kusalaɱ,||
kataɱ bhīruttāṇaɱ.|| ||

Yāvatā bho akata-pāpānaɱ akata-luddānaɱ akatabbisānaɱ kata-kalyāṇānaɱ kata kusalānaɱ kata-bhīruttāṇānaɱ gati taɱ gatiɱ pecca gacchāmi ti.|| ||

So na socati na kilamati na paridevati na uratthalaɱ kandati na sammohaɱ āpajjati.|| ||

Ayam pi kho brāhmaṇa maraṇa-dhammo samāno na bhāyati na santāsaɱ āpajjati maraṇassa.|| ||

9. Puna ca paraɱ brāhmaṇa idh'ekacco akaŋkhī hoti avecikicchi niṭṭhaŋ-gato Sad'Dhamme,||
tam enaɱ aññataro gāḷho rogātaŋko phusati.|| ||

Tass aññatarena gāḷhena rogātaŋkena phuṭṭhassa evaɱ hoti:||
akaŋkhi vat'amhi avecikicchi niṭṭhaɱ-gato Sad'Dhamme ti.|| ||

So na socati na kilamati||
na paridevati||
na uratthalaɱ kandati||
na sammohaɱ āpajjati.|| ||

[176] Ayam pi kho brāhmaṇa maraṇa-dhammo samāno||
na bhāyati,||
na santāsaɱ āpajjati maraṇassa.|| ||

Ime kho brāhmaṇa cattāro maraṇa-dhammā samānā||
na bhāyanti,||
na santāsaɱ āpajjati maraṇassāti.|| ||

 

§

 

Abhikkantaɱ bho Gotama!|| ||

Abhikkantaɱ bho Gotama!|| ||

Seyyathā pi bho Gotama,||
nikkujjitaɱ vā ukkujjeyya,||
paṭi-c-channaɱ vā vivareyya,||
muḷhassa vā Maggaɱ ācikkheyya,||
andha-kāre vā tela-pajjotaɱ dhāreyya cakkhu-manto rūpāni dakkhintī ti,||
evam eva bhotā Gotamena aneka-pariyāyena dhammo pakāsito.|| ||

Es'āhaɱ Bhagavantaɱ Gotamaɱ saraṇaɱ gacchāmi dhammaɱ ca bhikkhu-Saŋghaɱ ca.|| ||

Upāsakaɱ maɱ bhavaɱ Gotamo dhāretu ajja-t-agge pāṇupetaɱ saraṇaɱ gatan ti.|| ||

 


Contact:
E-mail
Copyright Statement