Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Catukka Nipāta
XXII: Parisa Sobhana Vagga

Sutta 211

Parisa Sobhana Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[225]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Cattāro'me bhikkhave parisa-dūssanā.|| ||

Katame cattāro?|| ||

Idha bhikkhave bhikkhu dussīlo pāpa-dhammo parisa-dūssano.|| ||

Bhikkhunī bhikkhave dussīlā pāpa-dhammā parisa-dūssanā.|| ||

Upāsako bhikkhave dussīlo pāpa-dhammo parisa-dūssano.|| ||

Upāsikā bhikkhave dussīlā pāpa-dhammā parisa-dūssanā.|| ||

Ime kho bhikkhave cattāro parisadusanāti.|| ||

 

§

 

Cattāro'me bhikkhave parisa-sobhanā.|| ||

Katame cattāro?|| ||

Idha bhikkhave bhikkhu sīlavā kalyāṇa-dhammo [226] parisa-sobhano.|| ||

Bhikkhunī bhikkhave sīla-vatī kalyāṇa-dhammā parisa-sobhanā.|| ||

Upāsako bhikkhave sīlavā kalyāṇa-dhammo parisa-sobhano.|| ||

Upāsikā bhikkhave sīla-vatī kalyāṇanadhammā parisa-sobhanā.|| ||

Ime kho bhikkhave cattāro parisa-sobhanā" ti.|| ||

 


Copyright Statement