Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Catukka Nipāta
XXVI: Abhiññā Vagga

Sutta 255

Kula Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[249]

[1][pts][than][olds] Yāni kānici bhikkhave kulāni||
bhogesu mahantataɱ pattāni||
na cira-ṭṭhitikāni bhavanti,||
sabbāni tāni catūhi ṭhānehi,||
etesaɱ vā aññatarena.

Katamehi catūhi?|| ||

Naṭṭhaɱ na gavesanti,||
jiṇṇaɱ na paṭisaŋkaronti,||
aparimita-pāna-bhojanā ca honti,||
dussīlaɱ itthiɱ vā purisaɱ vā ādhipacce ṭhapenti.|| ||

Yāni kānici bhikkhave kulāni bhogesu mahantataɱ pattāni,||
na cira-ṭṭhitikāni bhavanti,||
sabbāni tāni imehi catūhi ṭhānehi,||
etesaɱ vā aññatarena.|| ||

 

§

 

Yāni kānici bhikkhave kulāni bhogesu mahantataɱ pattāni||
cira-ṭṭhitikāni bhavanti||
sabbāni tāni catūhi ṭhānehi,||
etesaɱ vā aññatarena.||
Katamehi catūhi?|| ||

Naṭṭhaɱ gavesanti,||
jiṇṇaɱ paṭisaŋkaronti,||
parimita-pāna-bhojanā honti,||
sīla-vantaɱ itthiɱ vā purisaɱ vā ādhipacce ṭhapenti.|| ||

Yāni kānici bhikkhave kulāni bhogesu mahantataɱ pattāni||
cira-ṭṭhitikāni bhavanti,||
sabbāni tāni imehi catūhi ṭhānehi,||
etesaɱ vā aññatarenā ti.

 


Contact:
E-mail
Copyright Statement