Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Catukka Nipāta
XXVII: Kamma-Patha Vagga

Sutta 269

Vyāpanna-Citta Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[255]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

Catuhi bhikkhave dhammehi samannāgato yath'ābhataɱ nikkhitto evaɱ Niraye.|| ||

Katamehi catūhi?|| ||

Attanā ca vyāpanna-citto hoti,||
parañ ca vyāpāde samādapeti,||
vyāpāde ca samanuñño hoti,||
vyāpādassa ca vaṇṇaɱ bhāsati.|| ||

Imehi kho bhikkhave catūhi dhammehi samannāgato yath'ābhataɱ nikkhitto evaɱ Niraye.|| ||

 

§

 

Catuhi bhikkhave dhammehi samannāgato yath'ābhataɱ nikkhitto evaɱ sagge.|| ||

Katamehi catūhi?|| ||

Attanā ca avyāpanna-citto hoti,||
parañ ca avyāpāde samādapeti,||
avyāpāde ca samanuñño hoti,||
avyāpādassa ca vaṇṇaɱ bhāsati.|| ||

Imehi kho bhikkhave catūhi dhammehi samannāgato yath'ābhataɱ nikkhitto evaɱ saggeti.|| ||

 


Copyright Statement