Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka Nipāta
13. Gilāna Vaggo

Sutta 121

Gilāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[142]

[1][pts][than] Evaɱ me sutaɱ:|| ||

Ekaɱ samayaɱ Bhagavā Vesāliyaɱ viharati Mahāvane Kuṭāgārasālāyaɱ.|| ||

Atha kho Bhagavā sāyaṇha-samayaɱ patisallānā vuṭṭhito yena gilānasālā ten'upasankami.|| ||

Addasā kho Bhagavā aññataraɱ bhikkhuɱ dubbalaɱ gilānakaɱ.|| ||

Disvā paññatena āsane nisidi.|| ||

Nisajja kho Bhagavā bhikkhu āmantesi:|| ||

Yaɱ kañci bhikkhave dubbalraɱ gilānakaɱ pañca dhammā na vijahanti,||
tass'etaɱ pāṭikaŋkhaɱ:||
na cirass'eva āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharissatī ti.|| ||

Katamehi pañca?|| ||

Idha, bhikkhave, bhikkhu asubhānupassī kāye viharati,||
āhāre paṭikkula-saññī,||
sabba-loke anabhirata-saññī,||
sabba- [143] saɱkhāresu anicc'ānupassī,||
maraṇa-saññā kho panassa ajjhattaɱ s'upaṭṭhitā hoti.|| ||

Yaɱ kañci bhikkhave dubbalaɱ gilānakāɱ ime pañca dhammā na vijahanti,||
tass'etaɱ pāṭikankhaɱ:||
na cirass'eva āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharissatī ti.|| ||


Copyright Statement