Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Chakka-Nipāta
II: Sārāṇīya-Vagga

Sutta 14

Bhaddaka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[292]

[1][pts] Evaɱ me sutaɱ:|| ||

Ekaɱ samayaɱ Sāriputto Sāvatthiyaɱ viharati.|| ||

Tatra kho Sāriputto bhikkhu āmantesi:|| ||

"Āvuso bhikkhavo" ti.|| ||

"Āvuso" ti te bhikkhū āyasmato [293] Sāriputtassa paccassosuɱ.|| ||

Āyasmā Sāriputto etad avoca:|| ||

2. "Tathā tathā āvuso bhikkhu vihāraɱ kappeti,||
yathā yathā'ssa vihāraɱ kappayato na bhaddakaɱ maraṇaɱ hoti,||
na bhaddikā kāla-kiriyā.|| ||

3. Kathañ c'āvuso bhikkhu tathā tathā vihāraɱ kappeti,||
yathā yathā'ssa vihāraɱ kappayato,||
na bhaddakaɱ maraṇaɱ hoti,||
na bhaddikā kāla-kiriyā?|| ||

Idh'āvuso bhikkhu kamm'ārāmo hoti||
kamma-rato kamm'ārāmataɱ anuyutto,|| ||

bhass'ārāmo hoti||
bhassa-rato bhass-ā-rāmataɱ anuyutto,|| ||

nidd-ā-rāmo hoti||
niddā-rato nidd-ā-rāmataɱ anuyutto,|| ||

sangaṇ'ik-ā-rāmo hoti||
sangaṇ'ikā-rato sangaṇ'ik-ā-rāmataɱ anuyutto,|| ||

saŋsagg'ārāmo hoti||
saŋsagga-rato saŋsagg'ārāmataɱ anuyutto,|| ||

papañc'ārāmo hoti||
papañca-rato papañc'ārāmataɱ anuyutetā.|| ||

Evaɱ kho āvuso bhikkhu tathā tathā vihāraɱ kappeti,||
yathā yathā'ssa vihāraɱ kappayato||
na bhaddakaɱ maraṇaɱ hoti||
na bhaddikā kāla-kiriyā.|| ||

Ayaɱ vuccat'āvuso bhikkhū sakkāyābhirato,||
na pahāsi sakkāyaɱ sammā dukkhassa antakiriyāya.|| ||

 

§

 

4. Tathā tathāvuso bhikkhu vihāraɱ kappeti,||
yathā yathā'ssa vihāraɱ kappayato||
bhaddakaɱ maraṇaɱ hoti,||
bhaddikā kāla-kiriyā.|| ||

Kathañ c'āvuso bhikkhu tathā tathā vihāraɱ kappeti,||
yathā yathāssa vihāraɱ kappayato||
bhaddakaɱ maraṇaɱ hoti||
bhaddikā kāla-kiriyā?|| ||

Idh'āvuso bhikkhu na kamm'ārāmo hoti||
na kamma-rato||
na kamm'ārāmataɱ anuyutto,|| ||

na bhass'āramo hoti||
na bhassa-rato||
na bhass'āramataɱ anuyutto,|| ||

na nidd-ā-rāmo hoti,||
na niddā-rato||
na nidd-ā-rāmataɱ anuyutto,|| ||

na sangaṇ'ik-ā-rāmo hoti||
na sangaṇ'ikā-rato||
na sangaṇ'ik-ā-rāmataɱ anuyutto,|| ||

na saŋsagg'ārāmo hoti||
na saŋsagga-rato||
na saŋsagg'ārāmataɱ anuyutto,|| ||

na papañc'ārāmo hoti||
na papañca-rato||
na papañcār'āmataɱ anuyutto.|| ||

Evaɱ kho āvuso bhikkhu [294] tathā tathāssa vihāraɱ kappeti yathā yathā'ssa vihāraɱ kappayato||
bhaddakaɱ maraṇaɱ hoti||
bhaddikā kāla-kiriyā.|| ||

Ayaɱ vuccat'āvuso bhikkhu nibbān-ā-bhirato pahāsi sakkāyaɱ sammā-dukkhassa antakiriyāyā" ti.|| ||

Yo papañcaɱ anuyutto papañc-ā-bhirato mago||
Virādhayī so Nibbānaɱ yoga-k-khemaɱ anuttaraɱ.|| ||

Yo ca papañcaɱ hitvāna ni-p-papañca-pade rato||
Ārādhayī so Nibbānaɱ yoga-k-khemaɱ anuttaran ti.|| ||

 


Contact:
E-mail
Copyright Statement