Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Chakka Nipāta
IV. Devatā Vagga

Sutta 41

Dāru-k-Khandha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[340]

[1][pts][than][olds] EVAṂ ME SUTAṂ

Ekaɱ samayaɱ āyasmā Sāriputto Rājagahe viharati Gijjhakūṭe pabbate.|| ||

Atha kho āyasmā Sāriputto pubbaṇha-samayaɱ nivāsetvā patta-cīvaram ādāya sambahulehi bhikkhūhi saddhiɱ Gijjhakūṭā pabbatā orohanto addasa aññatarasmiɱ padese mahantaɱ dāru-k-khandhaɱ,||
disvā bhikkhū āmantesi:|| ||

"Passatha no bumhe āvuso amuɱ mahantaɱ dāru-k-khandhan" ti?|| ||

"Evam āvuso" ti.|| ||

[2][pts][than][olds] "Ākaŋkha-māno āvuso bhikkhu iddhimā ceto-vasi-p-patto amuɱ dāru-k-khandhaɱ paṭhavī tv'eva adhimucceyya.|| ||

Taɱ kissa hetu?|| ||

Atthi āvuso amusmiɱ dāru-k-khandhe paṭhavi-dhātu,||
yaɱ nissāya bhikkhu iddhimā ceto-vasi-p-patto amuɱ dāru-k-khandhaɱ paṭhavī tv'eva adhimucceyya.|| ||

[3][pts][than][olds] Ākaŋkha-māno āvuso bhikkhu iddhimā ceto-vasi-p-patto amuɱ dāru-k-khandhaɱ āpo tv'eva adhimucceyya.|| ||

Taɱ kissa hetu?|| ||

Atthi āvuso amusmiɱ dāru-k-khandhe āpo-dhātu,||
yaɱ nissāya bhikkhu iddhimā ceto-vasi-p-patto amuɱ dāru-k-khandhaɱ āpo tv'eva adhimucceyya.|| ||

[4][pts][than][olds] Ākaŋkha-māno āvuso bhikkhu iddhimā ceto-vasi-p-patto amuɱ dāru-k-khandhaɱ tejo tv'eva adhimucceyya.|| ||

Taɱ kissa hetu?|| ||

Atthi āvuso amusmiɱ dāru-k-khandhe tejo-dhātu,||
yaɱ nissāya bhikkhu iddhimā ceto-vasi-p-patto amuɱ dāru-k-khandhaɱ tejo tv'eva adhimucceyya.

[5][pts][than][olds] Ākaŋkha-māno āvuso bhikkhu iddhimā ceto-vasi-p-patto amuɱ dāru-k-khandhaɱ vāyo tv'eva adhimucceyya.|| ||

Taɱ kissa hetu?

Atthi āvuso amusmiɱ dāru-k-khandhe vāyo-dhātu,||
yaɱ nissāya bhikkhu iddhimā ceto-vasi-p-patto amuɱ dāru-k-khandhaɱ vāyo tv'eva adhimucceyya.

[6][pts][than][olds] Ākaŋkha-māno āvuso bhikkhu iddhimā ceto-vasi-p-patto amuɱ dāru-k-khandhaɱ subhan tv'eva adhimucceyya.|| ||

Taɱ kissa hetu?|| ||

Atthi āvuso amusmiɱ dāru-k-khandhe subhadhātu,||
yaɱ nissāya bhikkhu iddhimā ceto-vasi-p-patto amuɱ dāru-k-khandhaɱ subhan tv'eva adhimucceyyā ti

[7][pts][than][olds] Ākaŋkha-māno āvuso bhikkhu iddhimā ceto-vasi-p-patto amuɱ dāru-k-khandhaɱ asubhan tv'eva adhimucceyya.|| ||

Taɱ kissa hetu?|| ||

Atthi āvuso amusmiɱ dāru-k-khandhe asubhadhātu, yaɱ nissāya bhikkhu iddhimā ceto-vasi-p-patto amuɱ dāru-k-khandhaɱ asubhan tv'eva adhimucceyyā ti

 


Copyright Statement