Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Sattaka Nipāta

Sutta 9

Saŋyojana-p-Pahāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[7]

[1][pts][upal] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:||
Bhikkhavo ti.||
Bhadante ti te bhikkhū Bhagavato paccassosuɱ.||
Bhagavā etad avoca:|| ||

Sattannaɱ bhikkhave, saŋyojanānaɱ pahānāya samucchedāya brahma-cariyaɱ vussati.|| ||

 

§

 

Katamesaɱ sattannaɱ?|| ||

[8] Anunaya-saŋyojanassa pahānāya samucchedāya brahma-cariyaɱ vussati.|| ||

Paṭigha-saŋyojanassa pahānāya samucchedāya brahma-cariyaɱ vussati.|| ||

Diṭṭhi-saŋyojanassa pahānāya samucchdoya brahma-cariyaɱ sati.|| ||

Vicikicchā-saŋyojanassa pahānāya samucchedāya brahma-cariyaɱ vussati.|| ||

Māna-saŋyojanassa pahānāya samucchedāya brahma-cariyaɱ vussati.|| ||

Bhava-rāga-saŋyojanassa pahānāya samucchedāya brahma-cariyaɱ vussati.|| ||

Avijjā-saŋyojanassa pahānāya samucchdoya brahma-cariyaɱ vussati.|| ||

Imesaɱ kho bhikkhave, sattannaɱ saŋyojanānaɱ pahānāya samucchedāya brahma-cariyaɱ vussati.|| ||

 

§

 

Yato ca kho bhikkhave bhikkhuno anunaya-saŋyojanaɱ pahīnaɱ hoti||
ucchinna-mūlaɱ tāla-vatthu-kataɱ||
anabhāva-kataɱ āyatiɱ anuppāda-dhammaɱ;|| ||

yato ca kho bhikkhave bhikkhuno paṭigha-saŋyojanaɱ pahīnaɱ hoti||
ucchinna-mūlaɱ tāla-vatthu-kataɱ||
anabhāva-kataɱ āyatiɱ anuppādhammaɱ;|| ||

yato ca kho bhikkhave bhikkhuno diṭṭhi-saŋyojanaɱ pahīnaɱ hoti||
ucchinna-mūlaɱ tāla-vatthu-kataɱ||
anabhāva-kataɱ āyatiɱ anuppāda dhammaɱ;|| ||

yato ca kho bhikkhave bhikkhuno vicikicchā-saŋyojanaɱ pahīnaɱ hoti||
ucchinna-mūlaɱ tāla-vatthu-kataɱ||
anabhāva-kataɱ āyatiɱ anuppāda-dhammaɱ;|| ||

yato ca kho bhikkhave bhikkhuno māna-saŋyojanaɱ pahīnaɱ hoti
ucchinna-mūlaɱ tāla-vatthu-kataɱ||
anabhāva-kataɱ āyatiɱ anuppāda-dhammaɱ;|| ||

yato ca kho bhikkhave bhikkhuno Bhava-rāga-saŋyojanaɱ pahīnaɱ hoti
ucchinna-mūlaɱ tāla-vatthu-kataɱ||
anabhāva-kataɱ āyatiɱ anuppāda-dhammaɱ;|| ||

yato ca kho bhikkhave bhikkhuno avijjā-saŋyojanaɱ pahīnaɱ hoti||
ucchinna-mūlaɱ tāla-vatthu-kataɱ||
anabhāva-kataɱ āyati anuppāda-dhammaɱ,|| ||

ayaɱ vuccati bhikkhave,||
bhikkhu acchecchi taṇhaɱ,||
vāvattayi saŋyojanaɱ,||
sammā mānābhi samayā antam akāsi dukkhassā ti.|| ||

 


Copyright Statement