Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Sattaka Nipāta
2. Anusaya Vagga

Sutta 17

Dukkh'ānupassi Suttaɱ — Anatt'ānupassī Suttaɱ — Nibbāne Sukh'ānupassī Suttaɱ[ed1]

Adapted from the 1995 edition of the digital version of the Sri Lanka Buddha Jayanti Tripitaka Series.

 


[14]

Sutta 17 (a)

Dukkh-ā-nupassi Suttaɱ

[1][pts] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

Satt'ime bhikkhave, puggalā āhuneyyā pāhuneyyā dakkhiṇeyyā añjali-karaṇīyā anuttaraɱ puñña-k-khettaɱ lokassa.|| ||

Katame satta?|| ||

Idha, bhikkhave, ekacco puggalo sabba-sankhāresu dukkh-ā-nupassī viharati dukkha-sañña dukkha-paṭisaɱvedī satataɱ samitaɱ abbokiṇṇaɱ cetasā adhimuccamāno paññāya pariyogāhamāno.|| ||

So āsavānaɱ khayā ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharati.|| ||

Ayaɱ bhikkhave, paṭhamo puggalo āhuneyyo pāhuneyyo dakkhiṇeyyo añjali-karaṇīyo anuttaraɱ puñña-k-khettaɱ lokassa.|| ||

3. Puna ca paraɱ bhikkhave, idh'ekacco puggalo dukkh-ā-nupassī viharati dukkha-sañña dukkha-paṭisaɱvedī satataɱ samitaɱ abbokiṇṇaɱ cetasā adhimuccamāno paññāya pariyogāhamāno.|| ||

Tassa apubbaɱ acarimaɱ āsava-pariyādānañ ca hoti jivita-pariyādānañ ca.|| ||

Ayaɱ bhikkhave, dutiyo puggalo āhuneyyo pāhuneyyo dakkhi neyyo añjali-karaṇeyyo anuttaraɱ puñña-k-khettaɱ lokassa.|| ||

4. Puna ca paraɱ bhikkhave, idh'ekacco puggalo dukkh-ā-nupassī viharati dukkha-sañña dukkha-paṭisaɱvedī satataɱ samitaɱ abbokiṇṇaɱ cetasā adhimuccamāno paññāyā-pariyogāhamāno.|| ||

So pañcannaɱ ora-m-bhāgiyānaɱ saŋyojanānaɱ parikkhayā antarā-parinibbāyī hoti.|| ||

Ayaɱ tatiyo puggalo āhuneyyo pāhuneyyo dakkhiṇeyyo añjali-karaṇīyo anuttaraɱ puñña-k-khettaɱ lokassa.|| ||

5. Puna ca paraɱ bhikkhave, idh'ekacco puggalo dukkh-ā-nupassī viharati dukkha-sañña dukkha-paṭisaɱvedī satataɱ samitaɱ abbokiṇṇaɱ cetasā adhimuccamāno paññāyā-pariyogāhamāno.|| ||

So pañcannaɱ ora-m-bhāgiyānaɱ saŋyojanānaɱ parikkhayā upahacca-parinibbāyi hoti.|| ||

Ayaɱ catuttho puggalo āhuneyyo pāhuneyyo dakkhiṇeyyo añjali-karaṇīyo anuttaraɱ puñña-k-khettaɱ lokassa.|| ||

6. Puna ca paraɱ bhikkhave, idh'ekacco puggalo dukkh-ā-nupassī viharati dukkha-sañña dukkha-paṭisaɱvedī satataɱ samitaɱ abbokiṇṇaɱ cetasā adhimuccamāno paññāyā-pariyogāhamāno.|| ||

So pañcannaɱ ora-m-bhāgiyānaɱ saŋyojanānaɱ parikkhayā asankhāra-parinibbāyi hoti.|| ||

Ayaɱ pañcamo puggalo āhuneyyo pāhuneyyo dakkhiṇeyyo añjali-karaṇīyo anuttaraɱ puñña-k-khettaɱ lokassa.|| ||

7. Puna ca paraɱ bhikkhave, idh'ekacco puggalo dukkh-ā-nupassī viharati dukkha-sañña dukkha-paṭisaɱvedī satataɱ samitaɱ abbokiṇṇaɱ cetasā adhimuccamāno paññāyā-pariyogāhamāno.|| ||

So pañcannaɱ ora-m-bhāgiyānaɱ saŋyojanānaɱ parikkhayā sa-sankhāra-parinibbāyi hoti.|| ||

Ayaɱ chaṭṭhamo puggalo āhuneyyo pāhuneyyo dakkhiṇeyyo añjali-karaṇīyo anuttaraɱ puñña-k-khettaɱ lokassa.|| ||

8. Puna ca paraɱ bhikkhave, idh'ekacco puggalo dukkh-ā-nupassī viharati dukkha-sañña dukkha-paṭisaɱvedī satataɱ samitaɱ abbokiṇṇaɱ cetasā adhimuccamāno paññāyā-pariyogāhamāno.|| ||

So pañcannaɱ ora-m-bhāgiyānaɱ saŋyojanānaɱ parikkhayā uddhaɱ-soto hoti Akaniṭṭha-gāmi.|| ||

Ayaɱ bhikkhave, sattamo puggalo āhuneyyo, pāhuneyyo dakkhinayyo añjali-karaṇīyo anuttaraɱ puñña-k-khettaɱ lokassa.|| ||

Ime kho bhikkhave, satta puggalā āhuneyyā pāhuneyyā dakkhiṇeyyā añjali-karaṇīyā anuttaraɱ puñña-k-khettaɱ lokassā ti.|| ||

 


 

Sutta 17 (b)

Anattānupassī Suttaɱ

EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

Satt'ime bhikkhave, puggalā āhuneyyā pāhuneyya dakkhiṇeyyā añjalika-caraṇiyā anuttaraɱ puñña-k-khettaɱ lokassa.|| ||

Katame satta?|| ||

Idha, bhikkhave, ekacco puggalo sabba-dhammesu anatt-ā-nupassī viharati anatta-saññi anatta-paṭisaɱvedī satataɱ samitaɱ abbokiṇṇaɱ cetasā adhimuccamāno paññāya pariyogāhamāno.|| ||

So āsavānaɱ khayā ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharati.|| ||

Ayaɱ bhikkhave, paṭhamo puggalo āhuneyyo pāhuneyyo dakkhiṇeyyo añjali-karaṇīyo anuttaraɱ puñña-k-khettaɱ lokassa.|| ||

3. Puna ca paraɱ bhikkhave, idh'ekacco puggalo sabba-dhammesu anatt-ā-nupassī viharati anatta-saññi anatta-paṭisaɱvedī satataɱ samitaɱ abbokiṇṇaɱ cetasā adhimuccamāno paññāya pariyogāhamāno.|| ||

Tassa apubbaɱ acarimaɱ āsava-pariyādānañ ca hoti jivita-pariyādānañ ca.|| ||

Ayaɱ bhikkhave, dutiyo puggalo āhuneyyo pāhuneyyo dakkhi neyyo añjali-karaṇeyyo anuttaraɱ puñña-k-khettaɱ lokassa.|| ||

4. Puna ca paraɱ bhikkhave, idh'ekacco puggalo sabba-dhammesu anatt-ā-nupassī viharati anatta-saññi anatta-paṭisaɱvedī satataɱ samitaɱ abbokiṇṇaɱ cetasā adhimuccamāno paññāyā-pariyogāhamāno.|| ||

So pañcannaɱ ora-m-bhāgiyānaɱ saŋyojanānaɱ parikkhayā antarā-parinibbāyī hoti.|| ||

Ayaɱ tatiyo puggalo āhuneyyo pāhuneyyo dakkhiṇeyyo añjali-karaṇīyo anuttaraɱ puñña-k-khettaɱ lokassa.|| ||

5. Puna ca paraɱ bhikkhave, idh'ekacco puggalo sabba-dhammesu anatt-ā-nupassī viharati anatta-saññi anatta-paṭisaɱvedī satataɱ samitaɱ abbokiṇṇaɱ cetasā adhimuccamāno paññāyā-pariyogāhamāno.|| ||

So pañcannaɱ ora-m-bhāgiyānaɱ saŋyojanānaɱ parikkhayā upahacca-parinibbāyi hoti.|| ||

Ayaɱ catuttho puggalo āhuneyyo pāhuneyyo dakkhiṇeyyo añjali-karaṇīyo anuttaraɱ puñña-k-khettaɱ lokassa.|| ||

6. Puna ca paraɱ bhikkhave, idh'ekacco puggalo sabba-dhammesu anatt-ā-nupassī viharati anatta-saññi anatta-paṭisaɱvedī satataɱ samitaɱ abbokiṇṇaɱ cetasā adhimuccamāno paññāyā-pariyogāhamāno.|| ||

So pañcannaɱ ora-m-bhāgiyānaɱ saŋyojanānaɱ parikkhayā asankhāra-parinibbāyi hoti.|| ||

Ayaɱ pañcamo puggalo āhuneyyo pāhuneyyo dakkhiṇeyyo añjali-karaṇīyo anuttaraɱ puñña-k-khettaɱ lokassa.|| ||

7. Puna ca paraɱ bhikkhave, idh'ekacco puggalo sabba-dhammesu anatt-ā-nupassī viharati anatta-saññi anatta-paṭisaɱvedī satataɱ samitaɱ abbokiṇṇaɱ cetasā adhimuccamāno paññāyā-pariyogāhamāno.|| ||

So pañcannaɱ ora-m-bhāgiyānaɱ saŋyojanānaɱ parikkhayā sa-sankhāra-parinibbāyi hoti.|| ||

Ayaɱ chaṭṭhamo puggalo āhuneyyo pāhuneyyo dakkhiṇeyyo añjali-karaṇīyo anuttaraɱ puñña-k-khettaɱ lokassa.|| ||

8. Puna ca paraɱ bhikkhave, idh'ekacco puggalo sabba-dhammesu anatt-ā-nupassī viharati anatta-saññi anatta-paṭisaɱvedī satataɱ samitaɱ abbokiṇṇaɱ cetasā adhimuccamāno paññāyā-pariyogāhamāno.|| ||

So pañcannaɱ ora-m-bhāgiyānaɱ saŋyojanānaɱ parikkhayā uddhaɱ-soto hoti Akaniṭṭha-gāmi.|| ||

Ayaɱ bhikkhave, sattamo puggalo āhuneyyo, pāhuneyyo dakkhinayyo añjali-karaṇīyo anuttaraɱ puñña-k-khettaɱ lokassa.|| ||

Ime kho bhikkhave, satta puggalā āhuneyyā pāhuneyyā dakkhiṇeyyā añjali-karaṇīyā anuttaraɱ puñña-k-khettaɱ lokassā ti.|| ||

 


 

Sutta 17 (c)

Nibbāne Sukhānupassī Suttaɱ

EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

Satt'ime bhikkhave, puggalā āhuneyyā pāhuneyyā dakkhiṇeyyā añjali-karaṇiyā anuttaraɱ puñña-k-khettaɱ lokassa.|| ||

Katame satta?|| ||

Idha, bhikkhave, ekacco puggalo nibbāne sukhānupassī viharati sukha-saññi sukha-paṭisaɱvedi satataɱ samitaɱ abbokiṇṇaɱ cetasā adhimuccamāno paññāya pariyogāhamāno.|| ||

So āsavānaɱ khayā ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharati.|| ||

Ayaɱ bhikkhave, paṭhamo puggalo āhuneyyo pāhuneyyo dakkhiṇeyyo añjali-karaṇīyo anuttaraɱ puñña-k-khettaɱ lokassa.|| ||

3. Puna ca paraɱ bhikkhave, idh'ekacco puggalo nibbāne sukhānupassī viharati sukha-saññi sukha-paṭisaɱvedi satataɱ samitaɱ abbokiṇṇaɱ cetasā adhimuccamāno paññāya pariyogāhamāno.|| ||

Tassa apubbaɱ acarimaɱ āsava-pariyādānañ ca hoti jivita-pariyādānañ ca.|| ||

Ayaɱ bhikkhave, dutiyo puggalo āhuneyyo pāhuneyyo dakkhi neyyo añjali-karaṇeyyo anuttaraɱ puñña-k-khettaɱ lokassa.|| ||

4. Puna ca paraɱ bhikkhave, idh'ekacco puggalo nibbāne sukhānupassī viharati sukha-saññi sukha-paṭisaɱvedi satataɱ samitaɱ abbokiṇṇaɱ cetasā adhimuccamāno paññāyā-pariyogāhamāno.|| ||

So pañcannaɱ ora-m-bhāgiyānaɱ saŋyojanānaɱ parikkhayā antarā-parinibbāyī hoti.|| ||

Ayaɱ tatiyo puggalo āhuneyyo pāhuneyyo dakkhiṇeyyo añjali-karaṇīyo anuttaraɱ puñña-k-khettaɱ lokassa.|| ||

5. Puna ca paraɱ bhikkhave, idh'ekacco puggalo nibbāne sukhānupassī viharati sukha-saññi sukha-paṭisaɱvedi satataɱ samitaɱ abbokiṇṇaɱ cetasā adhimuccamāno paññāyā-pariyogāhamāno.|| ||

So pañcannaɱ ora-m-bhāgiyānaɱ saŋyojanānaɱ parikkhayā upahacca-parinibbāyi hoti.|| ||

Ayaɱ catuttho puggalo āhuneyyo pāhuneyyo dakkhiṇeyyo añjali-karaṇīyo anuttaraɱ puñña-k-khettaɱ lokassa.|| ||

6. Puna ca paraɱ bhikkhave, idh'ekacco puggalo nibbāne sukhānupassī viharati sukha-saññi sukha-paṭisaɱvedi satataɱ samitaɱ abbokiṇṇaɱ cetasā adhimuccamāno paññāyā-pariyogāhamāno.|| ||

So pañcannaɱ ora-m-bhāgiyānaɱ saŋyojanānaɱ parikkhayā asankhāra-parinibbāyi hoti.|| ||

Ayaɱ pañcamo puggalo āhuneyyo pāhuneyyo dakkhiṇeyyo añjali-karaṇīyo anuttaraɱ puñña-k-khettaɱ lokassa.|| ||

7. Puna ca paraɱ bhikkhave, idh'ekacco puggalo nibbāne sukhānupassī viharati sukha-saññi sukha-paṭisaɱvedi satataɱ samitaɱ abbokiṇṇaɱ cetasā adhimuccamāno paññāyā-pariyogāhamāno.|| ||

So pañcannaɱ ora-m-bhāgiyānaɱ saŋyojanānaɱ parikkhayā sa-sankhāra-parinibbāyi hoti.|| ||

Ayaɱ chaṭṭhamo puggalo āhuneyyo pāhuneyyo dakkhiṇeyyo añjali-karaṇīyo anuttaraɱ puñña-k-khettaɱ lokassa.|| ||

8. Puna ca paraɱ bhikkhave, idh'ekacco puggalo nibbāne sukhānupassī viharati sukha-saññi sukha-paṭisaɱvedi satataɱ samitaɱ abbokiṇṇaɱ cetasā adhimuccamāno paññāyā-pariyogāhamāno.|| ||

So pañcannaɱ ora-m-bhāgiyānaɱ saŋyojanānaɱ parikkhayā uddhaɱ-soto hoti Akaniṭṭha-gāmi.|| ||

Ayaɱ bhikkhave, sattamo puggalo āhuneyyo, pāhuneyyo dakkhinayyo añjali-karaṇīyo anuttaraɱ puñña-k-khettaɱ lokassa.|| ||

Ime kho bhikkhave, satta puggalā āhuneyyā pāhuneyyā dakkhiṇeyyā añjali-karaṇīyā anuttaraɱ puñña-k-khettaɱ lokassā ti.|| ||

 


[ed1] BJT and according to Hare, the commentary treats these as three separate suttas which looks likely. They have been arranged here as three separate fully expanded suttas grouped under one title and sutta number to be consistant with the PTS numbering where that version treats the three as one abbreviated sutta.

 


Contact:
E-mail
Copyright Statement