Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Sattaka Nipāta
III: Vajjī Vaggo

Sutta 27

Upāsaka Aparihānīya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[25]

[1][pts] EVAṂ ME SUTAṂ.|| ||

Sāvatthi nidānaɱ|| ||

Satt'ime bhikkhave, dhammā upāsakassa parihānāya saŋvattanti.|| ||

Katame satta?|| ||

2. Bhikkhu dassanaɱ hāpeti.|| ||

Sad'Dhamma-savaṇaɱ pamajjati.|| ||

Adisīle na sikkhati.|| ||

A-p-pasāda-bahulo hoti bhikkhūsu||
theresu c'eva||
navesu ca||
majjhamesu ca.|| ||

Upārambha-citto Dhammaɱ suṇāti randha-gavesī.|| ||

Ito ca bahiddhā dakkhiṇeyyaɱ gavesati.|| ||

Idha ca pubba-kāraɱ karoti.|| ||

Ime kho bhikkhave, satta dhammā upāsakassa parihānāya saŋvattanti.|| ||

 

§

 

Satt'imi bhikkhave, dhammā upāsakassa aparihānāya saŋvattanti.|| ||

Katame satta?|| ||

Bhikkhu-dassanaɱ na hāpeti.|| ||

Sad'Dhamma-savaṇaɱ na p-pamajjati.|| ||

Adhisīle sikkhati.|| ||

Pasāda-bahulo hoti bhikkhūsu theresu c'eva||
navesu ca||
majjhamesu ca.|| ||

Anupārambha-citto dhammaɱ suṇāti||
na randha-gavesī.|| ||

Na ito bahiddhā dakkhiṇeyyaɱ gavesati.|| ||

Idha ca pubba-kāraɱ karoti.|| ||

Ime kho bhikkhave, satta dhammā upāsakassa aparivānāya saŋvattantī ti.|| ||

Dassanaɱ bhāvit'attānaɱ yo hāpeti upāsako,||
Savaṇaɱ ca ariya-Dhammānaɱ adisile na sikkhati.|| ||

Appasādo ca bhikkhūsu bhiyyo bhiyyo pavaḍḍhati,||
Upārambha-citto ca Sad'Dhammaɱ sotumicchati.|| ||

Ito ca bhahiddhā aññaɱ dakkhiṇeyyaɱ gavesati,||
Tatth'eva ca pubba-kāraɱ yo karoti upāsako,|| ||

Ete kho parihānīye satta dhamme sudesite,||
Upāsako seva-māno Sad'Dhammā parihāyati.|| ||

Dassanaɱ bhāvit'attānaɱ yo na hāpeti upāsako,||
Savaṇaɱ ca ariya-Dhammānaɱ adhisīle ca sikkhati.|| ||

Pasādo c'assa bhikkhūsu bhiyyo bhiyyo pavaḍḍhati,||
Anupārambha-citto ca Sad'Dhammaɱ sotumicchati.|| ||

Na ito bahiddhā aññaɱ dakkhiṇeyyaɱ gavesati,||
Idh'eva ca pubba-kāraɱ yo karoti upāsako.|| ||

Ete ko aparihānīye satta dhamme sudesite,||
Upāsako seva-māno Sad'Dhammā na parihāyatī ti.|| ||


Copyright Statement