Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Sattaka Nipāta
IV. Devatā Vagga

Sutta 35

Mitta Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[31]

[1][pts][than] EVAṂ ME SUTAṂ.||
Ekaɱ samayaɱ Bhagavā Sāvatthiyaɱ viharati.|| ||

"Sattahi bhikkhave, aŋgehi samannāgato mitto sevitabbo.|| ||

Katamehi sattahī?|| ||

Duddadaɱ dadāti,||
dukkaraɱ karoti,||
dukkhamaɱ khamati,||
guyham assa āvikaroti,||
guyhaɱ assa pariguhati,||
āpadāsu na jahati,||
khīṇena nātimaññati.|| ||

Imehi kho bhikkhave, sattah'aŋgehi samannāgato bhikkhu mitto sevitabbo" ti.|| ||

 


 

Duddadaɱ dadāti cittaɱ dukkaraɱ cāpi kubbati,||
Atho pissa duruttāni khamati dukkhamāni pi.|| ||

Guyhaɱ c'assa akkhāti guyhassa pariguhati,||
Āpadāsu na jāhāti khīṇena nātimaññati,|| ||

Yasmiɱ etāni ṭhānāni saŋvijjantīdha puggale,||
So mitto mitta-kāmena bhajitabbo tathāvidho ti.|| ||

 


Copyright Statement