Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Sattaka Nipāta
IV. Devatā Vagga

Sutta 40

Dutiya Niddasa-Vatthu Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[37]

[1][pts] EVAṂ ME SUTAṂ.|| ||

Ekaɱ samayaɱ Bhagavā Kosambīyaɱ viharati Ghositārāme.|| ||

Atha ko āyasmā Ānando pubbaṇha-samayaɱ nivāsetvā patta-cīvaraɱ ādāya Kosambīyaɱ piṇḍāya pāvisi.|| ||

Atha kho āyasmato Ānandassa etad ahosi:|| ||

Atippago kho tāva Kosambīyaɱ piṇḍāya carituɱ,||
yan nūnāhaɱ yena aññatittiyānaɱ paribbājakānaɱ ārāmo ten'upasankameyyan' ti.|| ||

Atha kho āyasmā Ānando yena aññatittiyānaɱ paribbājakānaɱ ārāmo ten'upasankami.|| ||

Upasaŋkamitvā tehi aññatittiyehi pari-b-bājakehi saddhiɱ sammodi.

Sammodaniyaɱ kathaɱ sārāṇīyaɱ vīti-sāretvā eka-m-antaɱ nisidi.|| ||

Tena kho pana samayena tesaɱ aññatitthiyānaɱ paribbājakānaɱ sanni-sinnānaɱ sanni-patitānaɱ ayam antarā-kathā udapādi:|| ||

'Yo hi koci āvuso, dvādasa vassāni paripuṇṇaɱ parisuddhaɱ brahma-cariyaɱ carati,|| ||

"Niddaso bhikkhū," ti|| ||

alaɱ vacanāyā' ti.|| ||

Atha kho āyasmā Ānando tesaɱ aññātittiyānaɱ paribbājakānaɱ bhāsitaɱ n'eva abhinandi, na paṭikkosi.|| ||

Anabhinan'ditvā a-p-paṭikkositvā uṭṭhāy āsanā pakkāmi|| ||

"Bhagavato santike etassa bhāsitassa atthaɱ ājānissāmi," ti.|| ||

4. Atho kho āyasmā Ānando Kosambīyāɱ piṇḍāya caritvā pacchā-bhattaɱ piṇḍa-pāta-paṭikkanto yena Bhagavā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Ānando [38] Bhagavantaɱ etad avoca:|| ||

'Idh'āhaɱ bhante, pubbaṇha-samayaɱ nivāsetvā patta-cīvaraɱ ādāya Kosambīyaɱ piṇḍāya pāvisiɱ.|| ||

Tassa mayhaɱ bhante, etad ahosi:|| ||

'Atippago kho tāva Kosambīyaɱ pīṇḍāya carituɱ,||
yan nūnāhaɱ yana aññatittiyānaɱ paribbājakānaɱ ārāmo ten'upasankameyyan' ti.|| ||

Atha khvāhaɱ bhante, yena aññatittiyānaɱ paribbājakānaɱ ārāmo ten'upasankamiɱ.|| ||

Upasaŋkamitvā tehi aññatittiyehi pari-b-bājakehi saddhiɱ sammodiɱ.|| ||

Sammodanīya kathaɱ sārāṇīyaɱ vīti-sāretvā eka-m-antaɱ nisīdiɱ.|| ||

Tena kho pana bhante, samayena tesaɱ aññatittiyānaɱ paribbājakānaɱ sanni-sinnānaɱsanni-patitānam ayam antarā-kathā udapādi:|| ||

'Yo hi koci āvuso, dvādasa vassāni paripunṇaɱ parisuddhaɱ brahma-cariyaɱ carati,|| ||

"Niddaso bhikkhū" ti|| ||

alaɱ vacanāyā' ti.|| ||

Atha khvāhaɱ bhante, tesaɱ aññatitthiyānaɱ paribbājakānaɱ bhāsitaɱ n'eva abhinandiɱ, na paṭikkosiɱ.|| ||

Anabhinan'ditvā a-p-paṭikkositvā uṭṭhāy āsanā pakkamiɱ:|| ||

"Bhagavato santike etassa bhāsitassa atthaɱ ājāni-s-sāmī," ti.|| ||

Sakkā nu kho bhante, imasmiɱ Dhamma-Vinaye kevalaɱ vassagaṇanamattena|| ||

"Niddaso bhikkhū" ti|| ||

paññāpetun' ti?|| ||

No kho sakkā imasmiɱ Dhamma-Vinaye kevalaɱ vassagaṇanamattena niddaso bhikkhū paññāpetuɱ.|| ||

Satta kho imāni Ānanda,||
niddasa-vatthūni mayā sayaɱ abhiññā sacchi-katvā paveditāni.|| ||

Katamāni satta?|| ||

5. Idh'Ānanda, bhikkhu saddho hoti||
hirimā hoti||
ottapī hoti||
bahu-s-suto hoti||
āraddha-vīriyo hoti||
satimā hoti||
paññavā hoti.|| ||

Imāni kho Ānanda satta niddasavatthuni mayā sayaɱ abhiññā sacchi-katvā paveditāni.|| ||

[39] 6. Imehi kho Ānanda sattahi niddasavatthuhi samannāgato bhikkhū dvādasa ce pi vassāni paripuṇṇaɱ pirisuddhaɱ brahma-cariyaɱ carati,||
"Niddaso bhikkhū" ti||
alaɱ vacanāyāi.|| ||

Catu-vīsatiñ ce pi vassāni paripuṇṇaɱ parisuddhaɱ brahma-cariyaɱ carati,||
"Niddaso bhikkhū" ti||
alaɱ vacanāyā.|| ||

Cha-t-tiɱsati ce pi vassāni paripuṇṇaɱ parisuddhaɱ brahma-cariyaɱ carati,||
"Niddaso bhikkhū" ti||
alaɱ vacanāyā.|| ||

Aṭ vattārisañ ce pi vassāni paripuṇṇaɱ parisuddhaɱ brahma-cariyaɱcarati,||
"Niddaso bhikkhū" ti||
alaɱ vacanāyā' ti.|| ||

 


Copyright Statement