Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Sattaka Nipāta
5. Mahāyaññā Vaggo

Sutta 44

Dutiya Aggi Suttaɱ
aka
Mahāyañña Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[41]

[1][pts][upal] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tena kho pana samayena Uggatasarīrassa brāhmaṇassa mahāyañño upakkhaṭo hoti:|| ||

Pañca usabha-satāni ṭhuṇ'ūpanītāni honti yaññ'atthāya.|| ||

Pañca vacchatara-satāni ṭhuṇ'ūpanītāni honti yaññ'atthāya.|| ||

Pañca vacchatarī-satānī ṭhuṇ'ūpanītāni honti yaññ'atthāya.|| ||

Pañca aja-satāni ṭhuṇ'ūpanītāni honti yaññ'atthāya.|| ||

Pañca urabha-satāni ṭhuṇ'ūpanītāni honti yaññ'atthāya.|| ||

Atha kho Uggatasariro brāhmaṇo yena Bhagavā ten'upasankami.|| ||

Upasaŋkamitvā Bhagavatā saddhiɱ sammodi.|| ||

Sammodanīyaɱ kathaɱ sārāṇīyaɱ vīti-sāretvā eka-m-antaɱ nisidi.|| ||

Eka-m-antaɱ nisinno kho Uggatasarīro brāhmaṇo Bhagavantaɱ etad avoca:|| ||

"Sutaɱ me taɱ bho Gotama:|| ||

'Aggissa ādānaɱ yūpassa ussāpanaɱ||
maha-p-phalaɱ hoti mahā-nisaɱsan'" ti.|| ||

"Mayā pi kho etaɱ brāhmaṇa, sutaɱ:|| ||

'Aggissa ādānaɱ yūpassa ussāpanaɱ||
maha-p-phalaɱ hoti mahā-nisaɱsan'" ti.|| ||

Dutiyam pi kho Uggatasarīro brāhmaṇo Bhagavantaɱ etad avoca:|| ||

"Sutaɱ me taɱ bho Gotama:|| ||

'Aggissa ādānaɱ yūpassa ussāpanaɱ||
maha-p-phalaɱ hoti mahā-nisaɱsan'" ti.|| ||

"Mayā pi kho etaɱ brāhmaṇa, sutaɱ:|| ||

'Aggissa ādānaɱ yūpassa ussāpanaɱ||
maha-p-phalaɱ hoti mahā-nisaɱsan'" ti.|| ||

Tatiyam pi kho Uggatasarīro brāhmaṇo Bhagavantaɱ etad avoca:|| ||

"Sutaɱ me taɱ bho Gotama:|| ||

'Aggissa ādānaɱ yūpassa ussāpanaɱ||
maha-p-phalaɱ hoti mahā-nisaɱsan'" ti.|| ||

"Mayā pi kho etaɱ brāhmaṇa, sutaɱ:|| ||

'Aggissa ādānaɱ yūpassa ussāpanaɱ||
maha-p-phalaɱ hoti mahā-nisaɱsan'" ti.|| ||

"Tayidaɱ bho [42] Gotama,||
sameti bhoto||
c'eva Gotamassa ambhākañ ca||
yad idaɱ sabbena sabban" ti.|| ||

 

§

 

2. Evaɱ vutte āyasmā Ānando Uggatasarīraɱ brāhmaṇaɱ etad avoca:|| ||

"Na kho brāhmaṇa,||
Tathāgatā evaɱ pucchitabbā:|| ||

'Sutam me taɱ bho Gotama:|| ||

"Aggissa ādānaɱ yūpassa ussāpanaɱ||
maha-p-phalaɱ hoti mahā-nisaɱsan" ti.|| ||

Evañ ca kho brāhmaṇa,||
Tathāgatā pucchitabbā:|| ||

'Ahaɱ hi bhante,||
aggiɱ ādātu-kāmo,||
yūpaɱ ussāpetukāmo;
ovadatu maɱ bhante Bhagavā,||
anusāsatu maɱ bante Bhagavā,||
yaɱ mama assa dīgha-rattaɱ hitāya sukhāyā'" ti.|| ||

 

§

 

3. Atha kho Uggatasarīro brāhmaṇo Bhagavantaɱ etad avoca:|| ||

"Ahaɱ hi bho Gotama,||
aggiɱ ādātu-kāmo,||
yūpaɱ ussāpetukāmo;||
ovadatu maɱ bhavaɱ Gotamo,||
anusāsatu maɱ bhavaɱ Gotamo,||
yaɱ mama assa dīgha-rattaɱ hitāya sukhāyā" ti.|| ||

"Aggiɱ brāhmaṇa,||
ādento yūpaɱ ussāpento pubb'eva yaññā tīṇī Satthāni ussāpeti akusalāni dukkh'udrayānī dukkha-vipākānī.|| ||

Katamāni tīṇī?|| ||

4. Kāya-satthaɱ,||
vacī-satthaɱ,||
mano-satthaɱ.|| ||

Aggiɱ brāhmaṇa,||
ādento yūpaɱ ussāpento pubb'eva yaññā evaɱ cittaɱ uppādeti:|| ||

'Ettakā usabhā haññantu yaññ'atthāya,||
ettakā vacchatarā haññantu yaññ'atthāya,||
ettakā vacchatariyo haññantu yaññ'atthāya,||
ettakā ajā haññantu yaññ'atthāya,||
ettakā urabbhā haññantu yaññ'atthāyā' ti.|| ||

So 'puññaɱ karomī' ti||
apuññaɱ karoti;||
'kusalaɱ karomī' ti||
akusalaɱ karoti;||
'sugatiyā Maggaɱ pariyesāmī' ti||
duggatiyā Maggaɱ pariyesati.|| ||

Aggīɱ brāhmaṇa,||
ādento yūpaɱ [43] ussāpento pubb'eva yaññā idaɱ paṭhamaɱ mano-satthaɱ ussāpeti akusalaɱ dukkh'udrayaɱ dukkha-vipākaɱ.|| ||

5. Puna ca paraɱ brāhmaṇa,||
aggiɱ ādento yūpaɱ ussāpento pubb'eva yaññā evaɱ vācaɱ bhāsati:|| ||

'Ettakā usabhā haññantu yaññ'atthāya,||
ettakā vacchatarā haññantu yaññ'atthāya,||
ettakā vacchatariyo haññantu yaññ'atthāya,||
ettakā ajā haññantu yaññ'atthāya,||
ettakā urabbhā haññantu yaññ'atthāyā' ti.|| ||

So 'puññaɱ karomī' ti||
apuññaɱ karoti;||
'kusalaɱ karomī' ti||
akusalaɱ karoti;||
'sugatiyā Maggaɱ pariyesāmī' ti||
duggatiyā Maggaɱ pariyesati.|| ||

Aggiɱ brāhmaṇa,||
ādento yūpaɱ ussāpento pubb'eva yaññā idaɱ dutiyaɱ vacī-satthaɱ ussāpeti akusalaɱ dukkh'udrayaɱ dukkha-vipākaɱ.|| ||

6. Puna ca paraɱ brāhmaṇa,||
aggiɱ ādento yūpaɱ ussānto pubb'eva yaññā sayaɱ paṭhamaɱ samārambhati||
'usabhe haññantu yaññ'atthāya';||
sayaɱ paṭhamaɱ samārambhati
'vacchatare hantuɱ yaññ'atthāya';||
sayaɱ paṭhamaɱ samārambhati||
'vacchatarī hantuɱ yaññ'atthāya';||
sayaɱ paṭhamaɱ samārambhati||
'vacchatarī bhantuɱ yaññ'atthāya';||
sayaɱ paṭhamaɱ samārambhati||
'aje hantuɱ yaññ'atthāya';||
sayaɱ paṭhama samārambhati||
'urabbhe hantuɱ yaññ'atthāyā' ti.|| ||

So 'puññaɱ karomī' ti||
apuññaɱ karoti;||
'kusalaɱ karomī' ti||
akusalaɱ karoti;||
'sugatiyā Maggaɱ pariyesāmī' ti||
duggatiyā Maggaɱ pariyesati.|| ||

Aggiɱ brāhmaṇa,||
ādento yūpaɱ ussāpento pubb'eva yaññā idaɱ tatiyaɱ kāya-satthaɱ ussāpeti akusalaɱ dukkh'udrayaɱ dukkha-vipākaɱ.|| ||

Aggiɱ brāhmaṇa,||
ādento yūpaɱ ussāpento pubb'eva yaññā imāni tīṇi Satthāni ussāpeti akusalāni dukkh'udrayāni dukkha-vipākāni.|| ||

 

§

 

7. Tayo'me brāhmaṇa,||
aggi pahātabbā parivajjetabbā na sevitabbā.|| ||

Katame tayo?|| ||

[44] 8. Rāg'aggi,||
dos'aggi,||
moh'aggi.|| ||

Kasmā cāyaɱ brāhmaṇa,||
rāg'aggī pahātabbo parivajjetabbo,||
na sevitabbo?| ||

9. Ratto kho brāhmaṇa,||
rāgena abhibhūto pariyādinna-citto||
kāyena du-c-caritaɱ carati,||
vācāya du-c-caritaɱ carati,||
manasā du-c-caritaɱ carati.|| ||

So kāyena du-c-caritaɱ caritvā||
vācāya du-c-caritaɱ caritvā||
manasā du-c-caritaɱ caritvā||
kāyassa bhedā param maraṇā||
apāyaɱ duggatiɱ vinipātaɱ Nirayaɱ uppajjati.|| ||

Tasmāyaɱ rāg'aggi pahātabbo parivajjetabbo,||
na sevitabbo.|| ||

Kasmā cāyaɱ brāhmaṇa,||
dos'aggi pahātabbo parivajjetabbo,||
na sevitabbo?|| ||

10. Dussato kho brāhmaṇa,||
dosena abhībhūto pariyādinna-citto||
kāyena du-c-caritaɱ carati,||
vācāya du-c-caritaɱ carati,||
manasā du-c-caritaɱ carati.|| ||

So kāyena du-c-caritaɱ caritvā||
vācāya du-c-caritaɱ caritvā||
manasā du-c-caritaɱ caritvā||
kāyassa bhedā param maraṇā||
apāyaɱ duggatiɱ vinipātaɱ Nirayaɱ uppajjati.|| ||

Tasmāyaɱ dos'aggi pahātabbo parivajjetabbo,||
na sevitabbo.|| ||

Kasmā cāyaɱ brāhmaṇa,||
moh'aggi pahātabbo parivajjetabbo,||
na sevitabbo?|| ||

11. Mūḷho kho brāhmaṇa,||
mohena abhībhūto pariyādinna-citto||
kāyena du-c-caritaɱ carati,||
vācāya du-c-caritaɱ carati,||
manasā du-c-caritaɱ carati.|| ||

So kāyena du-c-caritaɱ caritvā||
vācāya du-c-caritaɱ caritvā||
manasā du-c-caritaɱ caritvā||
kāyassa bhedā param maraṇā||
apāyaɱ duggatiɱ vinipātaɱ Nirayaɱ uppajjati.|| ||

Tasmāyaɱ moh'aggi pahātabbo parivajjetabbo,
na sevitabbo.|| ||

Ime kho brāhmaṇa, tayo aggī pahātabbā parivajjetabbā,||
na sevitabbā.|| ||

 

§

 

12. Tayo kho'me brāhmaṇa, aggi sakkatvā garukatvā mānetvā pūjtvā sammā sukhaɱ parihātabbā.|| ||

Katame tayo?|| ||

[45] 13. Āhuneyy'aggi,||
gahapat'aggi,||
dakkhiṇeyy'aggī.|| ||

Katamo ca brāhmaṇa āhuneyy'aggī?|| ||

14. Idha brāhmaṇa, yassa te honti||
'mātā' ti vā||
'pitā' ti vā.|| ||

Ayaɱ vuccati brāhmaṇa, āhuneyy'aggi.|| ||

Taɱ kissa hetu?|| ||

Ato'yaɱ brāhmaṇa,||
āhuto sambhuto.|| ||

Tasmāyaɱ āhuneyy'aggi sakkatvā garukatvā mānetvā pūchetvā sammā sukhaɱ parihātabbo.|| ||

Katamo ca brāhmaṇa, gahapat'aggi?|| ||

15. Idha brāhmaṇa, yassa te honti||
'puttā' ti vā||
'dārā' ti vā||
'dāsā' ti vā||
'pessā' ti vā||
'kamramakarā' ti vā.|| ||

Ayaɱ vuccati brāhmaṇa, gahapat'aggi.|| ||

Tasmāyaɱ gahapat'aggi sakkatvā garukatvā manetvā pūchetvā sammā sukhaɱ parihātabbo.|| ||

Katamo ca brāhmaṇa, dakkhiṇeyy'aggi?|| ||

16. Idha brāhmaṇa,||
ye te samaṇa-brāhmaṇā mada-p-pamādā paṭiviratā khanti-soracce niviṭṭhā ekam attānaɱ damenti,||
ekam attānaɱ samenti,||
ekam attānaɱ parinibbāpenti.|| ||

Ayaɱ vuccati brāhmaṇa, dakkhiṇeyy'aggi.|| ||

Tasmāyaɱ dakkhiṇeyy'aggi sakkatvā garukatvā mānetvā pūchetvā sammā sukhaɱ parivātabbo.|| ||

Ime kho brāhmaṇa, tayo aggi sakkatvā garukatvā mānetvā pūchetvā sammā sukhaɱ parihātabbā.|| ||

Ayaɱ kho pana brāhmaṇa,||
kaṭṭh'aggi kālena kālaɱ ujjaletabbo,||
kālena kālaɱ ajjhapekkhitabbo,||
kālena kālaɱ nibbāpetabbo,||
kālena kālaɱ nikkhipitabbo" ti.|| ||

 

§

 

17. Evaɱ vutte Uggatasarīro brāhmaṇo Bhagavantaɱ etad avoca:|| ||

"Abhikkantaɱ bho Gotama,||
abhikkantaɱ bho Gotama,||
upāsakaɱ maɱ bhavaɱ Gotamo dhāretu,||
ajja-t-agge [46] pāṇupetaɱ saraṇaɱ gataɱ.|| ||

Es'āhaɱ bho Gotama,||
pañca usabha-satāni muñcāmi jīvitaɱ demi,||
pañca vacchatara-satāni muñvāmi jīvitaɱ demi,||
pañca vacchatarī-satāni muñvāmi jīvitaɱ demi,||
pañca aja-satāni muñvāmi jīvitaɱ demi,||
pañca urabbha-satāni muñvāmi jīvitaɱ demi,||
haritāni c'eva tīṇāni khādantu,||
sītāni ca pānīyāni pivantu,||
sīto ca n'esaɱ vāto upavāyatū" ti.|| ||

 


Contact:
E-mail
Copyright Statement